1906 წელს ძველი სენაკის სათავადაზნაურო სკოლის მე-4 განყოფილების მოსწავლეებმა ზეპირად იცოდნენ ქართული ლექსები, ხსნიდნენ სიტყვებსა და ტექსტის აზრს, ჰყვებოდნენ ისტორიას, გრამატიკულად არჩევდნენ სიტყვებსა და წინადადებებს, კარგად კითხულობდნენ და ჰყვებოდნენ უცნობი ტექსტების შინაარსს. ასევე ზეპირად იცოდნენ რუსული ლექსები და ხსნიდნენ სიტყვებს, კარგად იცოდნენ ანგარიში; საღვთო სჯულიდან ჰყვებოდნენ ძველი და ახალი აღთქმის ტექსტების შინაარსს, ლოცვები კი არ იცოდნენ. ძველი სენაკის სათავადაზნაურო სკოლის დათვალიერების შესახებ 1906 წლის 10 ივნისის მოხსენებას ხელს აწერს დავით გიორგის ძე კარიჭაშვილი.

წყარო: ქართველთა შორის წერა-კითხვის გამავრცელებელი საზოგადოების წლიური კრების ოქმები და ანგარიშები | 1905-1906
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა: ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 13449 [http://society.iliauni.edu.ge/factoid/article/13449]; წვდომის თარიღი: 2019-11-20