1906 წელს ბათუმის სკოლის მე-3 კლასში მოსწავლეები რუსულ ენაზე ლექსებს ზეპირად ამბობდნენ, მოთხრობებს გამართულად ჰყვებოდნენ და ხსნიდნენ მის აზრს. უცნობი ტექსტის კითხვა და მისი შინაარსის გადმოცემა უჭირდათ, მაგრამ ზოგადად, ამ მხრივ კარგი შედეგები ჰქონდათ მოსწავლეებს. გრამატიკულად საკმაოდ ბევრ წინადადებასა და სიტყვას არჩევდნენ, მათემატიკიდან კარგად იცოდნენ ოთხივე მოქმედება და ამოცანების ამოხსნა ქართულ და რუსულ ენაზე ეხერხებოდათ, იცოდნენ სამშობლოს აღწერა და საღვთო სჯულის ტექსტების შინაარსს კარგად ჰყვებოდნენ. ბათუმის სკოლის დათვალიერების შესახებ 1906 წლის 10 ივნისის მოხსენებას ხელს აწერს დავით გიორგის ძე კარიჭაშვილი.

წყარო: ქართველთა შორის წერა-კითხვის გამავრცელებელი საზოგადოების წლიური კრების ოქმები და ანგარიშები | 1905-1906
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა: ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 13519 [http://society.iliauni.edu.ge/factoid/article/13519]; წვდომის თარიღი: 2019-11-20