1912 წლის 7 აგვისტოს ქართველთა შორის წერა-კითხვის გამავრცელებელი საზოგადოების გამგეობის სხდომაზე ვლადიმერ ნემსაძემ განაცხადა, რომ ალექსანდრე ხახანაშვილს მოსკოვში დაქირავებულ ბინაში ჰქონდა ქონება, რომელიც განსვენებულმა გამგეობასა და ლაზარევის ინსტიტუტს უანდერძა. ნემსაძის თქმით, ბინა დაკეტილი იყო და გამგეობას სთხოვა, ბინის შესახებ გადაწყვეტილების მიღების უფლება მიეცათ. გამგეობამ ალექსანდრე მდივანსა და გრიგოლ რცხილაძეს დაავალა ამ საქმის მოგვარება და, საჭიროების შემთხვევაში, მოსკოვში წასვლა, მგზავრობის ხარჯი ალექსანდრე მდივანს უნდა დაეფარა.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომის ოქმები | 1912-1912
წყაროს ტიპი: საარქივო დოკუმენტი
გამოცემის ადგილი: თბილისი
ენა: ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 21288 [http://society.iliauni.edu.ge/factoid/article/21288]; წვდომის თარიღი: 2019-11-18