1908 წლის 24 აგვისტოს სტატსკი სოვეტნიკის – ტიტე ბენედიქტეს ძე კახიძის ინიციატივით მოწვეულმა კრებამ (თავმჯდომარე – ტიტე კახიძე, მდივანი – პედაგოგი ნიკოლოზ ყაზბეგი) მიიღო 5-პუნქტიანი დადგენილება ქართველთა შორის წერა-კითხვის გამავრცელებელი საზოგადოების ვლადიკავკაზის ფილიალის დაარსების თაობაზე და აირჩია გამგეობა: თავმჯდომარე – ტიტე ბენედიქტეს ძე კახიძე, წევრები – იასონ მერაბის ძე ლორთქიფანიძე, მოსე ანთიმოზის ძე კალანდარიშვილი, გრიგოლ მიხეილის ძე ბურდული, ალექსანდრე არტემის ძე მიქელაძე, ადამ ივანეს ძე ფორაქოვი, მღვდელი გიორგი გრიგოლის ძე ნათაძე. განყოფილების ნამდვილ წევრად ჩაეწერა 33 პირი.

წყარო: მიწერ-მოწერა ქართველთა შორის წერა-კითხვის გამავრცელებელი საზოგადოების კავკავის განყოფილებასთან, მოხსენებები და ოქმები განყოფილების საქმიანობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი
ენა: ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 25621 [http://society.iliauni.edu.ge/factoid/article/25621]; წვდომის თარიღი: 2019-10-15