1913 წლის 8 მარტს დაბა ზუგდიდში ჩატარდა ქართველთა შორის წერა-კითხვის გამავრცელებელი საზოგადოების ზუგდიდის განყოფილების გამგეობის კრება. კრების საფუძველზე გამგეობამ შეადგინა ოქმი N 8. დოკუმენტის მიხედვით, გამგეობამ დაადგინა, ეცნობებინა საზოგადოების მთავარი გამგეობისთვის იმ წლის 2 მარტის კრებაზე მომხდარი დარღვევების შესახებ. გამგეობას აინტერესებდა, შეიძლებოდა თუ არა 2 მარტის კრების უკანონოდ მიჩნევა და ახალი კრების დანიშვნა. ასევე დადგინდა, ეთხოვათ მთავარი გამგეობისთვის ამ საკითხების სასწრაფოდ განხილვა-გადაჭრა, რადგან ამ საქმის გაჭიანურებით გვიანდებოდა მსახიობ ვლადიმერ ალექსი-მესხიშვილის მოწვევაც. დოკუმენტს ხელს აწერენ ზუგდიდის განყოფილების გამგეობის თავმჯდომარე აქვსენტი ფაღავა და გამგეობის წევრები: ანდრია პატარაია, კატო კედია, ნიკო ბერიძე, მიხეილ პატარაია, მართა ჟორდანია, სარდიონ მაღლაკელიძე და კალისტრატე კობახიძე.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა საზოგადოების ზუგდიდის განყოფილებასთან, მოხსენებები და ანგარიშები განყოფილების მუშაობის შესახებ | 1912-1915
წყაროს ტიპი: საარქივო დოკუმენტი
გამოცემის ადგილი: თბილისი
ენა: ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 28977 [http://society.iliauni.edu.ge/factoid/article/28977]; წვდომის თარიღი: 2019-10-16