ქართველთა შორის წერა-კითხვის გამავრცელებელი საზოგადოების მაჩხაანის ფილიალის 1914 წლის ანგარიშში აღნიშნულია, რომ გამგეობას შეუმცირდა შემოსავალი – მიზეზად, გარდა ომის სირთულეებისა, დასახელებულია 1913 წელს საზოგადო კრებაზე მომხდარი გაუგებრობა, რის შემდეგაც ალექსანდრე ინაშვილი სათავეში ჩაუდგა განაწყენებულ მასწავლებელთა ერთ ნაწილს და აშკარა ომი გამოუცხადა ფილიალს, სურდა მისი ან მოსპობა, ან სიღნაღის განყოფილებასთან შეერთება. ამის შედეგად ბევრმა წევრმა დატოვა განყოფილება, მით უფრო, რომ ისედაც უჭირდათ საწევროს გადახდა – ყოველწლიური სამი მანეთი დაბეგვრის ტოლფასი იყო მათთვის (გამგეობის თავმჯდომარე – მღვდელი კონდრატე ნინიკაშვილი, ხაზინადარი სოლომონ კურცხალია, გამგეობის წევრები: მღვდელი ეგნატე მენთეშაშვილი, იაკობ მენთეშაშვილი)

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა სოფელ ქვემო მაჩხაანის განყოფილებასთან, მოხსენებები და ანგარიშები განყოფილების მუშაობის შესახებ | 1913-1915
წყაროს ტიპი: საარქივო დოკუმენტი
გამოცემის ადგილი: თბილისი
ენა: ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 30117 [http://society.iliauni.edu.ge/factoid/article/30117]; წვდომის თარიღი: 2019-07-21