1915 წლის პირველ მარტს ქართველთა შორის წერა-კითხვის გამავრცელებლი საზოგადოების მთავარ გამგეობას ზუგდიდის განყოფილების გამგეობის მდივანმა ივანე ოსიძემ გაუგზავნა განყოფილების 1914 წლის მოქმედების ანგარიში. დოკუმენტის თანახმად, 1914 წლის დასაწყისიდან 15 მარტამდე გამგეობა შედგებოდა 6 წევრისგან, ხოლო 15 მარტს მას შეემატა კიდევ ორი წევრი: ანდრია პატარაია და ბაგრატ უგულავა. პირველ აგვისტოს გამგეობა დატოვეს ანდრია პატარაიამ და გიორგი ხერხეულიძემ, ხოლო თვის ბოლოს – სოკრატე კეშილავამ. ამავე დროს, გამგეობის წევრობის კანდიდატად დასახელდა გრიგოლ რეიკინი. 1914 წლის 26 ოქტომბერს გამგეობამ აირჩია კიდევ ოთხი წევრი: მარიამ ჟორდანია, მიხეილ პატარაია, ილარიონ მიქელაძე და ივანე ოსიძე. დოკუმენტს ხელს აწერენ ზუგდიდის განყოფილების გამგეობის თავმჯდომარე აქვსენტი ფაღავა, მისი ამხანაგი კლიმენტი ლორთქიფანიძე, მდივანი ივანე ოსიძე და წევრები: კატო კედია, მარიამ ჟორდანია, ბაგრატ უგულავა და მიხეილ პატარაია.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა საზოგადოების ზუგდიდის განყოფილებასთან, მოხსენებები და ანგარიშები განყოფილების მუშაობის შესახებ | 1912-1915
წყაროს ტიპი: საარქივო დოკუმენტი
გამოცემის ადგილი: თბილისი
ენა: ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 31057 [http://society.iliauni.edu.ge/factoid/article/31057]; წვდომის თარიღი: 2019-12-08