დავით ეფრემის ძე ონიაშვილი

დამფუძნებელი კრების წევრი (სოციალ-დემოკრატიული პარტია), იურიდიული კომიტეტის თავმჯდომარე, სამაზრო ერობის თავმჯდომარე, 1920 წლიდან მიწათმოქმედების მინისტრი, ქართველთა შორის წერა-კითხვის გამავრცელებელი საზოგადოების მუდმივი წევრი

1921 წლის 7 ოქტომბერს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე გამოცხადდნენ ნიკოლოზ ჩიგოგიძე და დავით ონიაშვილი. დამსწრეთა სიმცირის გამო კრება გადაიდო. თავმჯდომარის განცხადებით, პირებს, რომლებიც ვერ ახერხებდნენ მოვალეობის შესრულებას, ამის შესახებ გამგეობისთვის ოფიციალურად უნდა ეცნობებინათ, რათა ახალი დელეგატები შეერჩიათ.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1921-1921
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა: ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. პირი 4965 [http://society.iliauni.edu.ge/persons/article/4965]; წვდომის თარიღი: 2019-07-20

ქსელი მუშაობს სატესტო რეჟიმში.