1906 წელს ბათუმის სკოლის მე-3 განყოფილების მოსწავლეებმა ქართული ლექსები კარგად იცოდნენ და ხსნიდნენ როგორც სიტყვებს, ასევე ტექსტის აზრს; „ბუნების კარიდან“ მასწავლებლების მიერ პატარ-პატარა ნაწილებად დაყოფილი სტატიების შინაარსს ჰყვებოდნენ; გრამატიკულად არჩევდნენ ბევრ წინადადებას; უცნობი ტექსტის კითხვა და მისი შინაარსის გადმოცემა კი უჭირდათ. ბათუმის სკოლის დათვალიერების შესახებ 1906 წლის 10 ივნისის მოხსენებას ხელს აწერს დავით გიორგის ძე კარიჭაშვილი.

წყარო: ქართველთა შორის წერა-კითხვის გამავრცელებელი საზოგადოების წლიური კრების ოქმები და ანგარიშები | 1905-1906
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა: ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი