1881 წლის 24 დეკემბერს სოფელ ახალქალაქის სკოლის მასწავლებელმა ნიკოლოზ ხუციშვილმა აცნობა ქართველთა შორის წერა-კითხვის გამავრცელებელი საზოგადოების გამგეობას, რომ 24 თებერვალს მიიღო შემდეგი ქართული წიგნები: დ. ბაქრაძის „პონტის მეფე მიტრიდატ დიდი“ – 3 ეგზემპლარი, ივანე კერესელიძის ლექსები – 2, ი. გოგებაშვილის „ბუნების კარი“ – 6, დ. ჭონქაძის „სურამის ციხე“ – 3, გ. კალანდარიშვილის „პირველ დასაწყისი კურსი რუსული ენისა ქართველთათვის“ – 2, „წმინდა ნინო“ – 2, „იგავ-არაკნი კრილოვისა, გადმოთარგმნილნი რუსულიდგან ქართულად და გალექსილნი რაფიელ ერისთავისაგან“ – 3, ახალი აღთქმა – 1, ი. გოგებაშვილის „პატარა ბიბლიოთეკა“ – 2, „ლოცვანი“ – 3, ივანე როსტომაშვილის „არითმეტიკული გამოცანები“ – 2, დ. ბაქრაძის „საქართველოს მეფე ვახტანგ მეექვსე“ – 1, პლ. იოსელიანის „ქართული გრამატიკა“ – 1, ი. გოგებაშვილის „დარიგება მასწავლებლისათვის“ – 2, დ. ბაქრაძის „საქართველოს მეფე ბაგრატ მეოთხე“ – 2, „ბანჯგვლიანი ფუტკრის ამბავი“ – 1, ლ. არდაზიანის „სოლომონ ისაკიჩ მეჯღანუაშვილი“ – 2, „თ. ალექსანდრე ჯამ.-ორბელიანის ნაწერი და ოთხი ლექსი თ. ვახტანგ ვახტანგის-ძის ორბელიანისა“ – 1, ანთ. ჯუღელის „ამბები სოფლის ცხოვრებიდგან, ყრმათათვის“ – 2, ი. დავითაშვილის „სტვირი“ – 1, მიხეილ ჭიჭინაძის „თვალსაჩინო სწავლა“ – 1, ქართველთა შორის წერა-კითხვის გამავცელებელი საზოგადოების წესდებულება – 2, ილია ჭავჭავაძის პოემა „რამდენიმე სურათი ანუ ეპიზოდი ყაჩაღის ცხოვრებიდგან“ – 1, გრიგოლ ორბელიანის ლექსები – 1, ილია ჭავჭავაძის პოემა „მეფე დიმიტრი თავდადებული“ – 1, გრ. რჩეულოვის „ანუკა ბატონისშვილი, ისტორიული მოთხრობა“ – 1, სტეფენსონის „რკინის გზის შემომღები“, ბ. თუმანიშვილის თარგმნილი – 1, ანთ. ჯუღელის „წერის სასწავლო დედანი“ – 1 , „არსენას ლექსი“ – 1, „ხორველის ლექსი“ – 1, ი. გოგებაშვილის „დედა ენა“ – 15, სოლომონ ლიონიძის „გლოვა ირაკლი მეორისა“ – 2. ამ წიგნების გარდა სხვა სასწავლო ნივთები სკოლას არ მიუღია.

წყარო: გამგეობის მიმართვა სახალხო სკოლების დირექტორებისადმი და სოფლის სკოლების მასწავლებელთა მოხსენებები სკოლების მდგომარეობის შესახებ | 1881-1881
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა: ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 25428 [http://society.iliauni.edu.ge/factoid/article/25428]; წვდომის თარიღი: 2020-02-27