ილია ჭავჭავაძის ანდერძის განმხილველმა საგანგებო კომისიის წევრებმა ალექსანდრე თევდორეს ძე ყიფშიძემ, გრიგოლ სვიმონის ძე რცხილაძემ, შიო ზაქარიას ძე დედაბრიშვილმა და ვასილ გერასიმეს ძე ბერელაშვილმა 1908 წლის 8 მაისს დაწვრილებითი მოხსენება წარუდგინეს ქართველთა შორის წერა-კითხვის გამავრცელებელი საზოგადოების გამგეობას. მოხსენების დასკვნაში ნათქვამი იყო: იმისათვის, რომ „საზოგადოებას" შეძლებოდა განსვენებულის ნაანდერძევი ფასდაუდებელი მემკვიდრეობის – ძვირფასი ბიბლიოთეკა, კერძო მიწერ-მოწერა, სახლის ავეჯი და კაბინეტის მოწყობილობა – მიღება, ერთადერთ გზად რჩებოდა ოლღა ჭავჭავაძის კეთილი ნება – მას სიცოცხლეშივე უნდა ეთქვა უარი საგურამოს მამაპაპისეულ მამულზე და დაუყოვნებლივ გადაეცა იგი წერა-კითხვის გამავრცელებელი საზოგადოებისთვის.

წყარო: ოლღა თადეოზის ასულ ჭავჭავაძის განცხადება ილია ჭავჭავაძის მიერ ნაანდერძევი ქონების ქართველთა შორის წერა-კითხვის გამავრცელებელი საზოგადოებისათვის გადაცემის შესახებ | 1908-1919
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა: ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 27508 [http://society.iliauni.edu.ge/factoid/article/27508]; წვდომის თარიღი: 2019-08-17