1915 წლის პირველ მარტს ქართველთა შორის წერა-კითხვის გამავრცელებელი საზოგადოების მთავარ გამგეობას ზუგდიდის განყოფილების გამგეობის მდივანმა ივანე ოსიძემ გაუგზავნა განყოფილების 1914 წლის გასავლის ანგარიში. დოკუმენტის მიხედვით, 1914 წელს დეპეშების შესაძენად დაიხარჯა 4 მანეთი 50 კაპიკი, მოსაწვევების შესაძენად − 1 მანეთი 70 კაპიკი, ანგარიშის დაბეჭდვა 9 მანეთი დაჯდა, ღერბიანი მარკები − 4 მანეთი 50 კაპიკი, გაზეთების გამოწერა − 26 მანეთი 25 კაპიკი, სოფლის სამკითხველოებისათვის წიგნების დაბეჭდვა − 5 მანეთი, ფოსტის ხარჯებმა 4 მანეთი 37 კაპიკი შეადგინა, საკანცელარიო ხარჯებმა − 37 მანეთი, წვრილმანმა ხარჯებმა − 4 მანეთი. სულ 1915 წელს განყოფილებამ დახარჯა 65 მანეთი და 22 კაპიკი. დოკუმენტს ხელს აწერენ განყოფილების გამგეობის თავმჯდომარე აქვსენტი ფაღავა და ხაზინადარი ბაგრატ უგულავა.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა საზოგადოების ზუგდიდის განყოფილებასთან, მოხსენებები და ანგარიშები განყოფილების მუშაობის შესახებ | 1912-1915
წყაროს ტიპი: საარქივო დოკუმენტი
გამოცემის ადგილი: თბილისი
ენა: ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 30738 [http://society.iliauni.edu.ge/factoid/article/30738]; წვდომის თარიღი: 2019-07-24