გიორგი დურმიშხანის ძე ჟურული

პირველი რესპუბლიკის ფინანსთა, ვაჭრობისა და მრეწველობის მინისტრი, ქართველთა შორის წერა-კითხვის გამავრცელებელი საზოგადოების წევრი, ბათუმის განყოფილების გამგეობის თავმჯდომარე

1907 წლის 9 ოქტომბერს კოტე მესხმა სამსონ ფირცხალავას შეატყობინა, რომ 27 ოქტომბერს  ბათუმში დაგეგმილი ილია ჭავჭავაძის ხსოვნის საღამოსთვის სჭირდებოდათ ისეთი სურათი (ჩარჩოს გარეშე), როგორიც პოეტის დასაფლავებაზე ქართველთა შორის წერა-კითხვის გამავრცელებელ საზოგადოებას ჰქონდა გამოფენილი. მესხმა ითხოვა სურათი (გადასახადის მითითებით) ქალაქის გამგეობისთვის ივანე სიმონის ძე მესხის ან გიორგი დურმიშხანის ძე ჟურულის სახელზე გაეგზავნათ.

წყარო: ილია ჭავჭავაძის გასვენებაზე დამსწრე დელეგატების კრების დადგენილება ილიას სახელობის ეროვნული ფონდის შექმნის შესახებ | 1907-1908
წყაროს ტიპი: საარქივო დოკუმენტი
გამოცემის ადგილი: თბილისი
ენა: ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. პირი 1327 [http://society.iliauni.edu.ge/persons/article/1327]; წვდომის თარიღი: 2019-06-27

ქსელი მუშაობს სატესტო რეჟიმში.