ქშწკგს პროსოპოგრაფია

ფაქტები

რეგისტრირებული ფაქტები48008

1919

ტიპი: განათლება

ოლივერ უორდროპის შეფასებით, მამუკა ორბელიანი და მისი მეუღლე თითქმის სრულყოფილად და უშეცდომოდ ფლობდნენ ინგლისურ ენას.

1919

ტიპი: ავტორობა

1919 წლის 5 სექტემბერს ოლივერ უორდროპმა მეუღლეს მისწერა, რომ შეხვდა და დიდხანს ესაუბრა გენერალ დენიკინის წარმომადგენელს სამხრეთ კავკასიაში – გენერალ ბარათოვს.

1919

ტიპი: ავტორობა

1919 წლის 5 სექტემბერს მეუღლისადმი მიწერილ წერილში ოლივერ უორდროპი ახსენებს მას გენერალ ბარათოვს, რომელიც ხელმძღვანელობდა რუსეთის არმიას სპარსეთსა და მესოპოტამიაში და აქტიურად თანამშრომლობდა ბრიტანელებთან.

1919

ტიპი: თანამდებობა

1919 წლის 5 სექტემბერს ქუთაისის ქალთა უმაღლესი დაწყებითი სასწავლებლის ხელსაქმის მასწავლებელმა მარიამ გიორგის ასულმა ყიფიანი-აბაშიძისამ განათლების სამინისტროს ხანგრძლივი მასწავლებლის წოდების მინიჭება სთხოვა.

1919

ტიპი: ღონისძიება

1919 წლის 5 სექტემბერს სახალხო განათლების სამინისტრომ თბილისის ვაჟთა მე-3 გიმნაზიის დირექტორს გაუგზავნა წერილი, რომელშიც იუწყებოდა, რომ ხსენეულ გიმნაზიაში ქართული ენის მასწავლებლად მე-8 გიმნაზიის მასწავლებელი, ვასილ ბარნოვი იყო გადმოყვანილი.

1919

ტიპი: ღონისძიება

1919 წლის 5 სექტემბერს სახალხო განათლების სამინისტრომ თბილისის მე-8 გიმნაზიის დირექტორს გაუგზავნა წერილი, რომელშიც იუწყებოდა, რომ ხსენებული გიმნაზიის მასწავლებელი, ვასილ ბარნოვი განწესებული იყო თბილისის მე-2 ვაჟთა გიმნაზიაში.

1919

ტიპი: ღონისძიება

1919 წლის 5 სექტემბერს მთავარგამგე სერგი იოსების ძე დანელიამ და საქმისმწარმოებელმა ნიკოლოზ ივლიანეს ძე აბესაძემ თბილისის ვაჟთა მე-3 გიმნაზიის დირექტორს აცნობეს, რომ მისდამი რწმუნებულ სასწავლებელში ვაჟთა პირველი გიმნაზიიდან ბუნებისმეტყველებისა და გეოგრაფიის მასწავლებლად სერგეი გრიგორის ძე ალდადანოვი გადაიყვანეს.

1919

ტიპი: ღონისძიება

1919 წლის 5 სექტემბერს თბილისის ქალთა მე-3 გიმნაზიის დირექტორმა ევგენი ჭოღოშვილმა სახალხო განათლების სამინისტროს სთხოვა, პირველი სექტემბრიდან მისდამი რწმუნებულ სასწავლებელში ისტორიის მასწავლებლად ოლღა აპელი, ყოფილი კლასის დამრიგებელი, დაეშვათ. ხელს აწერენ დირექტორი ევგენი ჭოღოშვილი და საქმისმწარმოებლის ნაცვლად დარანწურაშვილი.

1919

ტიპი: ავტორობა

1919 წლის 6 სექტემბრის გაზეთ „საქართველოს რესპუბლიკის“ ცნობით, ფინანსთა და ვაჭრობა-მრეწველობის მინისტრის ამხანაგმა, სიმონ ლუკას ძე ავალიანმა კავკასიურ-ევროპული ბანკის (ყოფილი „ფრიდონოვისა და ამხანაგობის“) წესდება დაამტკიცა.

1919

ტიპი: ავტორობა

1919 წლის 6 სექტემბერს ოლივერ უორდროპმა მეუღლეს მისწერა, რომ დაესწრო გენერალ კორის პატივსაცემად გამართულ ვახშამს, რომლის თამადაც დავით ღამბაშიძე იყო. ღამბაშიძემ ყველა სადღეგრძელო ინგლისურად თარგმნა.

1919

ტიპი: ღონისძიება

1919 წლის 6 სექტემბერს განათლების სამინისტროს მთავარგამგე გიორგი ალმასხანის ძე ჭუმბურიძემ ცაგერის ერობას მისწერა, რომ ვარლამ დევდარიანმა თბილისის სამასწავლებლო კურსები მოისმინა და პედაგოგის მოწმობაც მიიღო.

1919

ტიპი: ღონისძიება

1919 წლის 6 სექტემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ: მდივანი ვ. ბურჯანაძე, წევრები: ს. იაშვილი, შ. დედაბრიშვილი, ნ. ნაკაშიძე, ვ. წულაძე, ი. გიორგობიანი, თავმჯდომარეობდა დ. კარიჭაშვილი.

1919

ტიპი: ღონისძიება

1919 წლის 6 სექტემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი, რომ განათლების სამინისტრო კავკავის სკოლის დახმარებაზე უარს აცხადებდა იმ მიზეზით, რომ ეს სკოლა საქართველოს ტერიტორიის გარეთ იყო. შუამდგომლობა 1919 წლის 25 აგვისტოს იყო აღძრული. გამგეობამ კავკავის სკოლის საკითხის გამოკვლევა მიანდო სასკოლო კომისიას, რომელსაც დასკვნა გამგეობის კრებაზე უნდა წარედგინა.

1919

ტიპი: ღონისძიება

1919 წლის 6 სექტემბრის დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ავლაბრის მე-7 სკოლის ქართული ენის მასწავლებელ ეკატერინე ზაზუნოვისას თხოვნა 50 ცალი „დედაენის“ I და II ნაწილების ნისიად მიცემის შესახებ. გამგეობამ მისი თხოვნა არ დააკმაყოფილა.

1919

ტიპი: ღონისძიება

1919 წლის 6 სექტემბერს სახალხო განათლების სამინისტრომ სენაკის ვაჟთა გიმნაზიის დირექტორს გაუგზავნა წერილი, რომლის მიხედვითაც, გიმნაზიაში იმავე წლის 1-ელი სექტემბრიდან ფრანგული და გერმანული ენის მასწავლებლად დაინიშნა ანა ივანეს ასული ტუგან-ბარანოვსკაია.

1919

ტიპი: თანამდებობა

1919 წლის 6 სექტემბერს განათლების სამინისტროს თანხმობით ანნა ივანეს ასული ბარანოვსკაია სენაკის ვაჟთა გიმნაზიის ფრანგული და გერმანული ენის პედაგოგად დაუშვეს.

1919

ტიპი: ღონისძიება

1919 წლის 6 სექტემბერს მთავარგამგე სერგი დანელიამ და საქმისმწარმოებელმა ნიკოლოზ აბესაძემ თბილისის ქალთა მე-3 გიმნაზიის დირექტორს აცნობეს, რომ პირველი სექტემბრიდან გიმნაზიასთან არსებული უმაღლეს პირველდაწყებითი სასწავლებლის ისტორიის მასწავლებლად ოლღა აპელი დაინიშნა.

1919

ტიპი: თანამდებობა

1919 წლის 6 სექტემბერს მთავარგამგე სერგი დანელიამ და საქმის მწარმოებელმა მესხმა სენაკის ვაჟთა გიმნაზიის დირექტორს შეატყობინეს, რომ პირველი სექტემბრიდან გიმნაზიის ფრანგული და გერმანული ენის მასწავლებლად ანნა (ნინო) ივანეს ასული ტუგან-ბარანოვსკაია დანიშნეს.

1919

ტიპი: ღონისძიება

1919 წლის 6 სექტემბერს სახალხო განათლების სამინისტრომ სენაკის ვაჟთა გიმნაზიის დირექტორს გაუგზავნა წერილი, რომლის მიხედვითაც, ხსენებულ გიმნაზიაში იმავე წლის 1-ელი სექტემბრიდან ფრანგული და გერმანული ენის მასწავლებლად დაინიშნა ანა ივანეს ასული ტუგან-ბარანოვსკაია.

1919

ტიპი: ავტორობა

1919 წლის 7 სექტემბრის გაზეთ „საქართველოს რესპუბლიკის“ ცნობით, გზათა მინისტრ ნოე გიორგის ძე ხომერიკის განკარგულების მიხედვით, მთელი ქონება, გარდა იმისა, რაც მთავრობის სხვადასხვა დაწესებულებას სჭირდებოდა, 23 აგვისტოს ხელმოწერილი ხელშეკრულების თანახმად, სატრანსპორტო საზოგადოებისთვის უნდა გადაეცათ.

1919

ტიპი: ავტორობა

1919 წლის 7 სექტემბერს მეუღლისადმი გაგზავნილ წერილში ოლივერ უორდროპმა აღნიშნავდა, რომ გენერალი კორი თბილისიდან მან გააცილა. მის გასაცილებლად ქუჩის გასწვრივ, ორი მილის მანძილზე, სამხედროები იდგნენ, მინისტრები კი სადგურში ელოდებოდნენ. ქართველებმა მისი სადღეგრძელო დალიეს და იმედი გამოთქვეს, რომ სამუდამოდ არ ემშვიდობებოდნენ.

1919

ტიპი: ავტორობა

1919 წლის 7 სექტემბერს გიორგი ანდრიაძემ ქუთაისის ვაჟთა პირველი გიმნაზიის დირექტორს სთხოვა, მისდამი რწმუნებულ გიმნაზიაში მისთვის ქართული ენისა და საქართველოს ისტორიის მასწავლებლის ადგილი მიეცა.

1919

ტიპი: თანამდებობა

1919 წლის 7 სექტემბერს გიორგი ანდრიაძემ ქუთაისის ვაჟთა პირველი გიმნაზიის დირექტორს მისწერა, რომ ოზურგეთის ვაჟთა გიმნაზიის მასწავლებლად ითვლებოდა. ის სამინისტრომ დაამტკიცა ქართული ენისა და საქართველოს ისტორიის შტატის მასწავლებლად გიმნაზიის ყველა კლასში. ამ საგნებთან ერთად დროებით გეომეტრიასაც ასწავლიდა, გარდა რუსული ენისა.

1919

ტიპი: ავტორობა

1919 წლის 7 სექტემბერს გიორგი ანდრიაძემ ქუთაისის ვაჟთა პირველი გიმნაზიის დირექტორს მისწერა, რომ ოჯახი ქუთაისში ჰყავდა და ოზურგეთში დარჩენა მისთვის ძნელი იყო, ამიტომ უმორჩილესად ითხოვა გაკვეთილები მიეცათ მისდამი რწმუნებულ გიმნაზიაში.

1919

ტიპი: ავტორობა

1919 წლის 7 სექტემბერს მეუღლისთვის გაგზავნილ წერილში ოლივერ უორდროპმა აღნიშნა, რომ საღამოს ძველი მეგობარი ანასტსია წერეთელი ინახულა. მან უთხრა, რომ 1918 წელს გერი გარდაეცვალა, შემდეგ კი ქალაქგარეთ ყოფნისას სახლი გაუქურდეს.