რეგისტრირებული ფაქტები46632
სორტირება თარიღი მზარდობით
1920
ტიპი: ღონისძიება
1920 წლის 2 იანვარს მსახიობის დღესთან დაკავშირებით თბილისში ქართული სამუსიკო საზოგადოების საოპერო სტუდია დგამდა დიმიტრი არაყიშვილის ოპერას „თქმულება შოთა რუსთაველზე“, მონაწილეობას მიიღებდნენ სახელმწიფო თეატრის ორკესტრი და ბალეტი.
1920
ტიპი: პირადი ურთიერთობა
1920 წლის 2 იანვარს ოლივერ უორდროპმა მეუღლეს მარგარეტ კოლეტს მისწერა, რომ მოუთმენლად ელოდებოდა თბილისში დაბრუნებას, რადგან იმედი ჰქონდა მისი წერილი დახვდებოდა და არ სურდა იმედი გაცრუებოდა.
1920
ტიპი: პირადი ურთიერთობა
1920 წლის 2 იანვარს ოლივერ უორდროპმა მეუღლეს მარგარეტ კოლეტს მისწერა, რომ პირად სურვილებსა და მისწრაფებებს თუ გაჰყვებოდა ხომ იცოდა სადაც მიიყვანდა. ყველაფერს ერჩივნა სახლში ჯდომა და მშვიდად ცხოვრება, მაგრამ ეს თვეები საქმისთვის უნდა შეეწირა, როგორც ეს ომის პერიოდში იყო.
1920
ტიპი: პირადი ურთიერთობა
1920 წლის 2 იანვარს ოლივერ უორდროპმა მეუღლეს მარგარეტ კოლეტს მისწერა, რომ თბილისში დაბრუნებისას ბევრი საქმე ელოდა. დაძაბული ცხოვრება ჰქონდა, მაგრამ სიამოვნებას განიცდიდა, რადგან ასეთი მნიშვნელოვანი სამუშაო არასდროს ჰქონია და აუცილებლად წარმატებისთვის უნდა მიეღწია.
1920
ტიპი: პირადი ურთიერთობა
1920 წლის 2 იანვარს ოლივერ უორდროპმა მეუღლეს მარგარეტ კოლეტს მისწერა, რომ ბათუმიდან ნოვოროსიისაკენ მგზავრობისას ზღვის ნოტიო ჰავამ კარგად იმოქმედა და თავის ტკივილს აღარ შეუწუხებია.
1920
ტიპი: ღონისძიება
1920 წლის 2 იანვარს ოლივერ უორდროპმა მეუღლეს მისწერა, რომ სამხედრო გუბერნატორმა და გენერალმა კუკ-კოლისმა წაიყვანეს ნავმისადგომში, სადაც ნავი ელოდებოდა კრეისერზე გადასაყვანად.
1920
ტიპი: პირადი ურთიერთობა
1920 წლის 2 იანვარს ოლივერ უორდროპმა მეუღლეს მარგარეტ კოლეტს მისწერა, რომ ბათუმისკენ მიემგზავრებოდა საგანგებო მატარებლით, რომელიც ძალიან კომფორტული აღმოჩნდა, აბაზანით, სასტუმრო ოთახითა და ორი საძინებლით.
1920
ტიპი: ღონისძიება
1920 წლის 2 იანვარს ოლივერ უორდროპმა მეუღლეს ბათუმიდან მისწერა, რომ კონსული სტივენსი ესტურმა დღის სამ საათზე და ერთად გაემგზავრნენ ნოვოროსიისაკენ.
1920
ტიპი: პირადი ურთიერთობა
1920 წლის 2 იანვარს ოლივერ უორდროპმა მეუღლეს მისწერა, რომ რვა საათზე ნოვოროსიისკის პორტში იყო. მან მთელი დღე ჰარფორდ მაკინდერთან საუბარში გაატარა.
1920
ტიპი: პირადი ურთიერთობა
1920 წლის 2 იანვარს ოლივერ უორდროპმა მეუღლეს მისწერა, რომ ბათუმში გემის კაპიტანი ჯერალდ სეიმური საოცრად სასიამოვნო კომპანიონი იყო.
1920
ტიპი: ღონისძიება
1920 წლის 2 იანვარს იუსტიციის ახალმა მინისტრმა რაჟდენ არსენიძემ და იუსტიციის ყოფილმა მინისტრმა ევგენი გეგეჭკორმა საოლქო სასამართლოს სისხლის სამართლის დარბაზებში სიტყვით მიმართეს შეკრებილ მოხელეებს.
1920
ტიპი: ღონისძიება
1920 წლის 2 იანვარს თანამდებობის აღსრულებას შეუდგა იუსტიციის მინისტრად ახლად დანიშნული რაჟდენ არსენიძე, რომელმაც იუსტიციის ყოფილ მინისტრთან, ევგენი გეგეჭკორთან ერთად დაიარა სასამართლო უწყების დაწესებულებები და გაეცნო სასამართლო მოხელეებს.
1920
ტიპი: ღონისძიება
1920 წლის 2 იანვარს იუსტიციის მინისტრ რაჟდენ არსენიძის თავმჯდომარეობით მის კაბინეტში გაიმართა თათბირი, რომელშიც მონაწილეობა მიიღეს სასამართლო დაწესებულებათა უფროსებმა.
1920
ტიპი: ღონისძიება
1920 წლის 2 იანვარს საოლქო სასამართლოს დარბაზებში მყოფ, ახლად დანიშნულ იუსტიციის მინისტრ რაჟდენ არსენიძეს სიტყვით მიმართა სასამართლო მოხელე ა. შანშიაშვილმა.
1920
ტიპი: ღონისძიება
1920 წლის 2 იანვარს მსახიობის დღესთან დაკავშირებულ კარნავალში მონაწილეობდნენ მსახიობები: ვასო აბაშიძე, მარიამ საფაროვა-აბაშიძისა და ელისაბედ ჩერქეზიშვილი, რომლებიც საკარნავალო მსვლელობისას მორთულ ავტომობილში ისხდნენ.
1920
ტიპი: ღონისძიება
1920 წლის 2 იანვარს მსახიობის დღესთან დაკავშირებით თბილისის სახელმწიფო თეატრში დაიდგა ალექსანდრე სუმბათაშვილის სპექტაკლი „ღალატი“, რომელმაც დიდძალი საზოგადოება მიიზიდა. მონაწილეობდნენ: ნინო ჩხეიძე, ვასო აბაშიძე, ვალერიან გუნია, ვიქტორ გამყრელიძე, ელისაბედ ჩერქეზიშვილი და სხვები.
1920
ტიპი: ავტორობა
1920 წლის 3 იანვრის გაზეთ „საქართველოს რესპუბლიკის“ ცნობით, ევგენი გეგეჭკორმა სომხეთ-აზერბაიჯანის შეტაკების გამო სომხეთის საგარეო საქმეთა მინისტრ ალექსანდრე ივანეს ძე ხატისოვს თბილისში ჩამოსვლის თხოვნის დეპეშა გაუგზავნა საერთო კონფერენციის მოწვევამდე შექმნილი მდგომარეობის გამო სათათბიროდ. გეგეჭკორმა მსგავსი შინაარსის დეპეშა აზერბაიჯანის საგარეო საქმეთა მინისტრ ფათალი ხან ხოისკისაც გაუგზავნა.
1920
ტიპი: ღონისძიება
1920 წლის 3 იანვრის ქართველთა შორის წერა-კითხვის გამავრცელებელი საზოგადოების გამგეობის სხდომას ესწრებოდნენ თავმჯდომარე დავით გიორგის ძე კარიჭაშვილი, თავმჯდომარის ამხანაგი თევდორე გაბრიელის ძე კიკვაძე და მდივანი ვარლამ ამირანის ძე ბურჯანაძე. სხვა წევრები: შიო ზაქარიას ძე არაგვისპირელი (დედაბრიშვილი), ქრისტინე გიორგის ასული შარაშიძე.
1920
ტიპი: ავტორობა
1918 წლის 3 იანვარს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს წერა-კითხვის გამავრცელებელი საზოგადოების სოხუმის სკოლის ყოფილი პედაგოგის ნიკო ჯანაშიას (იმსახურა 15 წელიწადი) მეუღლის, ელენე ჯანაშიას თხოვნა დახმარების შესახებ. გამგეობის განჩინებით ელენე ჯანაშიას გადაეცა ერთჯერადი დახმარება 600 მანეთის ოდენობით. განსვენებულის ვაჟს, სვიმონს, თვეში 100 მანეთი სტიპენდია დაენიშნა.