რეგისტრირებული ფაქტები47856
სორტირება თარიღი მზარდობით
1919
ტიპი: ღონისძიება
1919 წლის 31 დეკემბერს გადახდილ პანაშვიდს დაესწრნენ სამხედრო მინისტრი ნოე რამიშვილი, სამხედრო სამინისტროს წარმომადგენლები და სხვ. ლეონიდე ოქროპირიძის სიტყვის შემდეგ სამხედრო მინისტრმა შეკრებილებს მიმართა.
1919
ტიპი: ღონისძიება
1919 წლის 31 დეკემბერს სამხედრო მინისტრმა ნოე რამიშვილმა დაბანაკებული ჯარის ნაწილები მოიარა. ჯარმა, რომლის მეთაური იყო ალექსანდრე გედევანიშვილი, მარშით ჩაიარა.
1919
ტიპი: ღონისძიება
1920 წლის 3 იანვრის გაზეთ „საქართველოს" ცნობით, 1919 წლის 31 დეკემბერს საქართველოს საგარეო საქმეთა მინისტრი ევგენი პეტრეს ძე გეგეჭკორი ატყობინებს სომხეთის საგარეო საქმეთა მინისტრ ალექსანდრე ივანეს ძე ხატისოვს, რომ საქართველოში აზერბაიჯანის დიპლომატიური წარმომადგენლისგან, ვექილოვისგან მიიღო აზერბაიჯანის საგარეო საქმეთა მინისტრის, ფატალი ხან ხოისკის მიერ სომხეთის საგარეო საქმეთა მინისტრ ხატისოვისთვის გაგზავნილი წერილის ასლი სომხეთსა და აზერბაიჯანს შორის დაწყებული კონფლიქტის, კერძოდ, 1919 წლის 21 დეკემბერს ზანგიბაზრის რაიონში მაჰმადიანთა წინააღმდეგ დაწყებული საომარი ოპერაციის შესახებ.
1919
ტიპი: ღონისძიება
1919 წლის 31 დეკემბერს საქართველოს საგარეო საქმეთა მინისტრი ევგენი პეტრეს ძე გეგეჭკორი სწერს სომხეთის საგარეო საქმეთა მინისტრს სომხეთ-აზერბაიჯანის კონფლიქტის შესახებ და სთავაზობს, რომ სოხეთის საგარეო საქმეთა მინისტრი ალექსანდრე ივანეს ძე ხატისოვი და აზერბაიჯანის საგარეო საქმეთა მინისტრი ფატალი ხან ხოისკი საერთაშორისო კონფერენციის მოწვევამდე ჩამოვიდნენ თბილისში საგანგებო თათბირზე მდგომარეობის განსახილველად და შეთანხმების პირობების გასარკვევად. ის მზად იყო მონაწილეობა მიეღო ამ მოლაპარაკებებში.
1919
ტიპი: ავტორობა
1920 წლის 3 იანვრის გაზეთ „საქართველოს“ ცნობით, 1919 წლის 31 დეკემბერს საქართველოს საგარეო საქმეთა მინისტრმა ევგენი პეტრეს ძე გეგეჭკორმა აზერბაიჯანის საგარეო საქმეთა მინისტრ ფატალი ხან ხოისკის მისწერა, რომ მან მიიღო სომხეთის საგარეო საქმეთა მინისტრ ალექსანდრე ხატისოვის შეტყობინება ორდუბატისა და ნახიჭევანის მაჰმადიანების მიერ სომხეთის გოხტანას წინააღმდეგ სამხედრო ოპერაციების დაწყების შესახებ.
1919
ტიპი: პირადი ინფორმაცია
1919 წლის 31 დეკემბერს აკაკი გვახარიას შეეძინა გოგონა, რომელსაც ვალენტინა დაარქვა.
1919
ტიპი: ღონისძიება
1919 წლის 31 დეკემბერს მთავარგამგე გრიგოლ ნათაძემ და საქმისმწარმოებელმა ვარლამ ძიძიგურმა ოზურგეთის ვაჟთა პროგიმნაზიის დირექტორს აცნობეს, რომ 1918 წლის პირველი დეკემბრიდან მისდამი რწმუნებულ გიმნაზიაში ქართული ენის შტატის მასწავლებლად სოლომონ ანდღულაძე დაამტკიცეს.
1919
ტიპი: ღონისძიება
1919 წლის 31 დეკემბერს საქართველოს საგარეო საქმეთა მინისტრმა ევგენი გეგეჭკორმა დეპეშა გაუგზავნა ერევანში სომხეთის საგარეო საქმეთა მინისტრ ალექსანდრე ხატისოვს სომხეთ-აზერბაიჯანის ახლად დაწყებული კონფლიქტის შესახებ.
1919
ტიპი: ავტორობა
1919 წლის 31 დეკემბრის ბრძანებაში სამხედრო უწყების მიმართ სამხედრო მინისტრი ნოე რამიშვილი თანამდებობის დატოვებისას იმედს გამოთქვამდა, რომ ახლო მომავალში სრულად ჩამოყალიბდებოდა რეგულარული ჯარი და სახალხო გვარდიასთან ერთად შეძლებდა საქართველოს დამოუკიდებლობის განმტკიცებასა და მისი საზღვრების დაცვას.
1919
ტიპი: ავტორობა
სამხედრო მინისტრი ნოე რამიშვილი 1919 წლის 31 დეკემბრის რესპუბლიკის მთავრობის ბრძანებაში სამხედრო უწყების მიმართ წერს, რომ ტოვებს რა შეიარაღებულ ძალებს (სამხედრო მინისტრის პოსტს), როგორც ხელმძღანელი თავს ვალდებულად მიიჩნევს მადლობა გადაუხადოს ყველა იმ პირს, რომლებიც ხელს უწყობდნენ ქართული ჯარის შექმნა-განვითარებაში – გენერლებს, შტ. და ობ. ოფიცრებს, ჯარისკაცებს.
1919
ტიპი: ავტორობა
1919 წლის 31 დეკემბერს საქართველოს საგარეო საქმეთა მინისტრმა ევგენი გეგეჭკორმა მისწერა სომხეთის საგარეო საქმეთა მინისტრ ალექსანდრე ხატისოვს სომხეთ-აზერბაიჯანის კონფლიქტის შესახებ და შესთავაზა, რომ ის და აზერბაიჯანის საგარეო საქმეთა მინისტრი ფატალი ხან ხოისკი საერთაშორისო კონფერენციის მოწვევამდე ჩამოსულიყვნენ თბილისში, საგანგებო თათბირზე მდგომარეობის განსახილველად და შეთანხმების პირობების გასარკვევად.
1920
ტიპი: თანამდებობა
1920 წელს მიხეილ თაქთაქიშვილი თბილისის პირველი საკომერციო სასწავლებლის მზრუნველ კომიტეტში სახალხო განათლების წარმომადგენლად დაინიშნა.
1920
ტიპი: ღონისძიება
1920 წლის იანვარში თბილისში გაიხსნა სრულიად საქართველოს მასწავლებელთა ყრილობა, რომელზეც 120-მდე დელეგატი გამოცხადდა. ყრილობას განათლების მინისტრი ნოე რამიშვილი დაესწრო.
1920
ტიპი: ღონისძიება
1920 წელს იუსტიციის მინისტრმა რაჟდენ არსენიძემ დეპარტამენტის დირექტორ გიორგი ჟორდანიასთან და ოლქის სასამართლოს პროკურორ კანდელაკთან ერთად თბილისის მეორე ციხე დაათვალიერა. მან პირადად დაიარა საკნები და მიიღო განცხადებები პატიმრებისგან.
1920
ტიპი: ღონისძიება
1920 წლის იანვარში ევგენი გეგეჭკორმა ჩიჩერინის საპასუხოდ უარი განაცხადა სამხედრო ჩარევაზე რუსეთის სამოქალაქო ომში, რადგან ეს ქართველ ხალხს დიდ გაჭირვებაში ჩააყენებდა და რესპუბლიკის შინაურ ცხოვრებას არევდა.
1920
ტიპი: ღონისძიება
1920 წლის იანვარში ნოე ჟორდანიას შეხვდნენ საფრანგეთის სამხედრო მისიის მეთაური კავკასიაში დე ნონანკური, რომელმაც მთავრობის მეთაურს საქართველოს დამოუკიდებლობა მიულოცა, სომეხი მწერალი და საზოგადო მოღვაწე ოვანეს თუმანიანი და თბილისში მყოფი სხვა სახელმწიფოების წარმომადგენლები.
1920
ტიპი: ღონისძიება
1920 წლის იანვარში ნოე ჟორდანიას საქართველოს დამოუკიდებლობის აღიარება ბათუმის ქართველ მუსლიმანთა სახელით დეპეშით მიულოცა საქართველოს მუსლიმთა განმათავისუფლებელი კომიტეტისა და მეჯლისის თავმჯდომარე მემედ ბეგ აბაშიძემ.
1920
ტიპი: ღონისძიება
1920 წლის იანვარში ქართულ კლუბში გამართულ დრამატული საზოგადოების წევრთა კრებაზე კლუბის თავმჯდომარედ ერთხმად აირჩიეს პავლე დავითის ძე საყვარელიძე.
1920
ტიპი: ღონისძიება
1920 წელს მოკავშირე სახელმწიფოთა უმაღლესმა საბჭომ მოუსმინა საქართველოს დელეგატებს: ნიკოლოზ ჩხეიძეს, ირაკლი წერეთელსა და ზურაბ ავალიშვილს, ასევე აზერბაიჯანის მხრიდან – ბეკ ტობჩიბაშევს. კავკასიის ორივე სახელმწიფოს წარმომადგენლებმა საბჭოს დაწვრილებით გააცნეს თავიანთ სახელმწიფთა მოთხოვნები და სურვილები.
1920
ტიპი: ღონისძიება
1920 წლის იანვარში სიმონ ლუკას ძე ავალიანმა სამეურნეო საზოგადოების ბინაში საქართველოს აგრონომიული დახმარების მოღვაწეთა პირველი ყრილობა გახსნა.
1920
ტიპი: ღონისძიება
1920 წლის იანვარში ქართველთა შორის წერა-კითხვის გამავრცელებელი საზოგადოების ბინაში გაიმართა გამგეობის წევრთა საგანგებო კრება, რომელსაც ოლღა თადეოზის ასული ჭავჭავაძისას მეურვეები დაესწრნენ.
1920
ტიპი: ღონისძიება
1920 წლის იანვარში ქართველთა შორის წერა-კითხვის გამავრცელებელი საზოგადოების საგანგებო კრებაზე გადაწყდა, ოლღა ჭავჭავაძისთვის დახმარება 2 000 მანეთამდე გაეზარდათ.