ქშწკგს პროსოპოგრაფია

ფაქტები

რეგისტრირებული ფაქტები46487

ფილტრი:
ფაქტის ტიპი თანამდებობა

1914

ტიპი: თანამდებობა

1914 წელს ალექსანდრე მიხეილის ძე ციხითათრიშვილი იყო ქართველთა შორის წერა-კითხვის გამავრცელებელი საზოგადოების ბორჯომის განყოფილების სარევიზიო კომისიის წევრი.

1915

ტიპი: თანამდებობა

1915-1916 სასწავლო წელს მასწავლებელი ქრისტინე ალექსანდრეს ასული ბიბილური ქართველთა შორის წერა-კითხვის გამავრცელებელი საზოგადოების ვარიანის სკოლაში სავალდებულო საგნების გარდა სიმღერასაც ასწავლიდა.

1916

ტიპი: თანამდებობა

1916 წელს ნინო ივანეს ასულ ლაშხაურს თბილისის საეპარქიო სასწავლებელი დასრულებული ჰქონდა. 1915 წლიდან ის ქართველთა შორის წერა-კითხვის გამავრცელებელი საზოგადოების თელავის სკოლაში ასწავლიდა, მანამდე კი 8 წელი ურიათუბნის სამინისტროს სკოლის მასწავლებელი იყო.

1916

ტიპი: თანამდებობა

1916 წელს ქართველთა შორის წერა-კითხვის გამავრცელებელი საზოგადოების თელავის სკოლის მასწავლებელს, ნინო მიხეილის ასულ გოგნიაშვილს, ამ სკოლაში მუშაობის 6 წლის გამოცდილება ჰქონდა. მანამდე ის ასწავლიდა სამინისტროს სკოლაში, შემდეგ 4 წელი თელავის ქალთა სასწავლებელში, 2 წელი საკუთარი სკოლა ჰქონდა და ბოლოს ერთი წელი თბილისის მასწავლებელთა საზოგადოების სკოლაში იყო პედაგოგი.

1913

ტიპი: თანამდებობა

1913 წლიდან ანა ნიკოლოზის ასული ჯაჯანიძე ქართველთა შორის წერა-კითხვის გამავრცელებელი საზოგადოების თელავის სკოლაში ასწავლიდა, მანამდე კი ერთი წელი ყვარლის სამინისტრო სკოლის მასწავლებელი იყო.

1914

ტიპი: თანამდებობა

1914 წელს მიხეილ ზაქარიას ძე კანდაუროვი იყო ქართველთა შორის წერა-კითხვის გამავრცელებელი საზოგადოების ბორჯომის განყოფილების გამგეობის წევრი.

1916

ტიპი: თანამდებობა

1916 წელს ივანე გიორგის ძე ბეჟიტაძე იყო ქართველთა შორის წერა-კითხვის გამავრცელებელი საზოგადოების ბორჯომის განყოფილების გამგეობის სარევიზიო კომისიის წევრი.

1916

ტიპი: თანამდებობა

1916 წელს ზაქარია ალექსის ძე ნებიერიძე ქართველთა შორის წერა-კითხვის გამავრცელებელი საზოგადოების ბორჯომის განყოფილების გამგეობის თავმჯდომარე იყო.

1916

ტიპი: თანამდებობა

1916 წელს ქართველთა შორის წერა-კითხვის გამავრცელებელი საზოგადოების ბორჯომის განყოფილების გამგეობის ხაზინადარი იყო გაბრიელ კონსტანტინეს ძე დიდიმამიშვილი.

1916

ტიპი: თანამდებობა

1916 წელს იაკობ სტეფანეს ძე პატრიკეევი იყო ქართველთა შორის წერა-კითხვის გამავრცელებელი საზოგადოების ბორჯომის განყოფილების გამგეობის სარევიზიო კომისიის წევრი.

1916

ტიპი: თანამდებობა

1916 წელს მიხეილ ივანეს ძე ქიმერიძე იყო ქართველთა შორის წერა-კითხვის გამავრცელებელი საზოგადოების ბორჯომის განყოფილების გამგეობის სარევიზიო კომისიის წევრი.

1917

ტიპი: თანამდებობა

1917 წელს ზაზა პართენის ძე კიკნაძე იყო ქართველთა შორის წერა-კითხვის გამავრცელებელი საზოგადოების ბორჯომის განყოფილების გამგეობის სარევიზიო კომისიის წევრი.

1917

ტიპი: თანამდებობა

1917 წელს არჩილ ვასილის ძე ხმალაძე იყო ქართველთა შორის წერა-კითხვის გამავრცელებელი საზოგადოების ბორჯომის განყოფილების გამგეობის სარევიზიო კომისიის წევრი.

1912

ტიპი: თანამდებობა

1912 წლის დასაწყისში კავკავის ქართველთა საკრედიტო ამხანაგობაში, რომლის გამგეობის თავმჯდომარეც იყო იოსებ გრიგოლის ძე შვილევი, საბჭოს თავმჯდომარე – იასონ მერაბის ძე ლორთქიფანიძე, მოანგარიშე – დ. გ. ხუმაროვი, ირიცხებოდა 588 წევრი, წლის განმავლობაში მიემატა 325 ამხანაგი. ამხანაგობის წლიური შემოსავალ-გასავლის ჯამი შეადგენდა 505,348 მანეთსა და 45 კაპიკს.

1888

ტიპი: თანამდებობა

1888 წელს ქართველთა შორის წერა-კითხვის გამავრცელებელი საზოგადოების კავკავის სკოლა დაარსდა. სკოლა საკუთარ შენობაში იყო მოთავსებული და 4 განყოფილებისგან შედგებოდა. 1916 წელს სკოლის გამგე იყო გიორგი ბიჭიას (ივანეს) ძე მიქაბერიძე.

1916

ტიპი: თანამდებობა

1916 წლის თებერვალში ქართველთა შორის წერა-კითხვის გამავრცელებელი საზოგადოების კავკავის ჭრა-კერვის სკოლის (სადაც 2 ჯგუფად მეცადინეობდა 30 მოსწავლე) მასწავლებელმა ეკატერინე მარკოზაშვილმა მუშაობას თავი დაანება, მის შემცვლელად ნინო კობახიძე დაინიშნა.

1916

ტიპი: თანამდებობა

1916 წელს ნინო უშვერიძე სოფელ მოიდანახეს სკოლის მასწავლებლად მუშაობდა.

1881

ტიპი: თანამდებობა

1881 წელს ლეონტი ჯაში მუშაობდა მასწავლებლად სენაკის მაზრის (ახლ. აბაშის რაიონი) სოფელ ქვატანის სკოლაში.

1910

ტიპი: თანამდებობა

1910 წლის 22 აგვისტოს ქ. შ. წ. კ. გ. საზოგადოების კავკავის განყოფილების გამგეობა (თავმჯდომარე – ტ. კახიძე) აცნობებს თბილისის მთავარ გამგეობას, რომ ორ მასწავლებელს – დავით ძეძამიძესა (ყალამშიის სკოლა) და არისტოკლე რამინიშვილს (გიორგიწმინდის სკოლა) სურს კავკავის ქართული სკოლის პედაგოგობა. ტ. კახიძეს აინტერესებს, თუ რამდენად შესაფერნი იქნებიან ისინი თავიანთი ცოდნა-გამოცდილებით მეორე მასწავლებლის თანამდებობისათვის.

1910

ტიპი: თანამდებობა

1910 წლის 30 აგვისტოს ქ. შ. წ. კ. გ. საზოგადოების კავკავის განყოფილებას (გამგეობის თავმჯდომარე – ტ. კახიძე) თბილისიდან აცნობებენ, რომ ყალამშიისა და გიორგიწმინდის სკოლების მასწავლებლები – დავით ძეძამიძე და არისტოკლე რამინიშვილი, – ორივე კარგი სპეციალისტია: ორივემ კარგი საფუძველი შეუქმნა მათდამი რწმუნებულ სკოლებს. სწორედ ამიტომ მიაჩნია მთავარ გამგეობას, რომ სასურველია, კავკავის სკოლაში გადასვლის ნაცვლად, ისინი თავიანთ ადგილებზე დარჩნენ.

1900

ტიპი: თანამდებობა

1900 წლის 29 მაისს თბილისის გუბერნატორმა სოფელ შილდაში ქართველთა შორის წერა-კითხვის საზოგადოების სახელზე გახსნილი სამკითხველოს პასუხისმგებელ მდივნად დაამტკიცა დავით რევაზის ძე ვახვახიშვილი.

1913

ტიპი: თანამდებობა

1913 წლის 10 ივლისს ქართველთა შორის წერა-კითხვის გამავრცელებელი საზოგადოების მთავარ გამგეობას თელავის განყოფილების გამგეობამ შეატყობინა, რომ 1900 წელს შილდაში საზოგადოების სახელზე გახსნილი ბიბლიოთეკის მდივნად თბილისის გუბერნატორმა დავით რევაზის ძე ვახვახიშვილი დაამტკიცა.

1888

ტიპი: თანამდებობა

1888 წლის 29-30 მაისის ქართველთა შორის წერა-კითხვის გამავრცელებელი საზოგადოების წლიურ კრებას თავმჯდომარეობდა ალექსანდრე მირიანის ძე ჭყონია. კრებას 25 წევრი დაესწრო.

1913

ტიპი: თანამდებობა

1913 წლის 22 ოქტომბერს ქ. შ. წ. კ. გ. საზოგადოების კავკავის განყოფილება (გამგეობის დროებითი თავმჯდომარე – ტ. კახიძე) განმეორებით თხოვნას უგზავნის მთავარ გამგეობას, რათა თბილისის ყველა ქართულ გაზეთში გამოცხადდეს, რომ თავისუფალია კავკავის ქართული სკოლის გამგის ადგილი; პირობები: ჯამაგირი – თვეში 60 მანეთი, ბინა – გათბობითა და განათებით.