რეგისტრირებული ფაქტები46487
ფილტრი:
სორტირება თარიღი კლებადობით
1918
ტიპი: გარდაცვალება
1918 წლის 3 დეკემბრის გაზეთ „სახალხო საქმეში“ ქართულ გიმნაზიასთან არსებული უფასო სასადილოს გამგეობა მადლობას უხდის კახეთის რკინიგზას, რომელმაც სასადილოს 300 მანეთი შესწირა გამგეობის წევრ ნიკოლოზ ყაზბეგის ხსოვნის აღსანიშნავად.
1918
ტიპი: გარდაცვალება
1918 წელს თბილისის წმინდა ნინოს ქალთა გიმნაზიის პედაგოგიურმა საბჭომ დამსახურებული მასწავლებლის, ლევან გედევანიშვილის დასაკრძალად გიმნაზიის სპეციალური თანხიდან გადადო 2 000 მანეთი.
1918
ტიპი: გარდაცვალება
1918 წლის 30 ნოემბრის გაზეთ „სახალხო საქმეში“ მეუღლე დარია ნესტორის ასული ტყემალაძე შვილები: გალაქტიონი, კლავდიოზი, მიტროფანე და ირაკლი ტყემალაძეები იუწყებიან მამის დეკანოზ აბესალომ ტყემალაძის გარდაცვალების შესახებ და ამცნობენ ნათესავებს პანაშვიდის შესახებ.
1918
ტიპი: გარდაცვალება
1918 წლის 4 ოქტომბერს ცხინვალიდან სოფელ ზემო ნიქოზში დაბრუნებისას ცხინვალის გიმნაზიის მასწავლებელი ალექსანდრე ილარიონის ძე კასრაძე მოკლეს.
1918
ტიპი: გარდაცვალება
1918 წლის 3 ოქტომბერს ივლიანე გრიგოლის ძე ანჯაფარიძის გარდაცვალებიდან მეორმოცე დღეს, ქაშვეთის წმინდა გიორგის სახელობის ტაძარში მისი პანაშვიდი გაიმართა.
1918
ტიპი: გარდაცვალება
1918 წლის 24 სექტემბერს ქუთაისში თავისი ბინიდან გამოასვენეს და საკათედრო ტაძარში დაასაფლავეს მიტროპოლიტი ანტონი.
1918
ტიპი: გარდაცვალება
1918 წლის 21 სექტემბრის გაზეთში „Грузия“ გამოქვეყნებულ განცხდებაში იმერეთის ეპარქიის საბჭო იუწყებოდა, რომ ქუთაისის გარდაცვლილი მიტროპოლიტი ანტონის დაკრძალვა 24 სექტემბერს მოხდებოდა.
1918
ტიპი: გარდაცვალება
1918 წლის 21 სექტემბრის გაზეთი „Грузия“ წერს, რომ ბელეტრისტ არსენ ანტონის ძე მამულაიშვილის (ლალიონის) ცხედარს გადაასვენებდნენ ქაშვეთის ეკლესიაში, სადაც გაიმართებოდა სამოქალაქო პანაშვიდი.
1918
ტიპი: გარდაცვალება
1918 წლის 21 სექტემბრის გაზეთი „Грузия“ იუწყება ქუთაისის მიტროპოლიტ ანტონის გარდაცვალების შესახებ.
1918
ტიპი: გარდაცვალება
1918 წლის 21 სექტემბრის გაზეთში „Грузия“ გამოქვეყნებულ განცხდებაში იმერეთის ეპარქიის საბჭო იუწყებოდა, რომ გარდაიცვალა ქუთაისის მიტროპოლიტი ანტონი.
1918
ტიპი: გარდაცვალება
1918 წლის 21 სექტემბრის გაზეთი „Грузия“ იუწყება ვერა იოსების ასული ვარაზაშვილის გარდაცვალების შესახებ.
1918
ტიპი: გარდაცვალება
1918 წლის 21 სექტემბრის გაზეთში „Грузия“ გამოქვეყნდა განცხადება, რომელშიც სოფრომ და მარიჯან ვარაზაშვილები შვილებთან ერთად იუწყებოდნენ, რომ გარდაიცვალა მათი რძალი ვერა იოსების ასული ვარაზაშვილი. დასაფლავება შედგებოდა 21 სექტემბერს შორაპნის ოლქის სოფელ ცხრუკვეთში.
1918
ტიპი: გარდაცვალება
1918 წლის 18 სექტებერის ღამეს გარდაიცვალა ქართველი ბელეტრისტი არსენ ანტონის ძე მამულაიშვილი (ლალიონი).
1918
ტიპი: გარდაცვალება
1918 წლის 17 სექტემბერს, ღამით, ქუთაისში გულის შეტევით გარდაიცვალა ქუთათელი მიტროპოლიტი ანტონი, ერისკაცობაში გიორგაძე.
1918
ტიპი: გარდაცვალება
1918 წლის 14 სექტემბრის გაზეთი „Грузия“ იუწყება თამარ ესტატეს ასული ფალავანდიშვილის გარდაცვალების შესახებ.
1918
ტიპი: გარდაცვალება
1918 წლის 3 ივლისს, 10 საათზე, გაიმართა ქალაქის საბჭოს სხდომა, რომელზეც ალექსანდრე ლომთათიძემ საბჭოს წევრებს გამოჩენილი სოციალ-დემოკრატის, გიორგი პლეხანოვის გარდაცვალება აუწყა.
1918
ტიპი: გარდაცვალება
1918 წლის 2 ივნისს გაიმართა ქართველთა შორის წერა-კითხვის გამავრცელებელი საზოგადოების სენაკის განყოფილების წლიური საზოგადო კრება, რომელზეც პატივი მიაგეს გარდაცვლილ საზოგადო მოღვაწეების გიორგი ზდანოვიჩის, ბესარიონ მხეიძის, ნიკოლოზ ჯიჯიხიასა და კიტა აბაშიძის ხსოვნას.
1918
ტიპი: გარდაცვალება
1918 წელს არსენ მამულაიშვილი გარდაიცვალა. იგი ქართველ საზოგადო მოღვაწეთა პანთეონში დაკრძალეს.
1918
ტიპი: გარდაცვალება
1918 წელს ნიკოლოზ სიმონის ძე ჯანაშია გარდაიცვალა. იგი სიკვდილამდე სოხუმის ქართულ სკოლაში მუშაობდა.
1918
ტიპი: გარდაცვალება
1918 წელს მღვდელი ვანო გულისაშვილი და მისი მნათე ესტატე ზუკაკიშვილი ტიფით გარდაიცვალნენ.
1917
ტიპი: გარდაცვალება
1917 წლის 10 აგვისტოს გაზეთის, „ხმა ქართველი ქალისა“ N18 ცნობით, 9 აგვისტოს მიწას მიაბარეს დიდი მოღვაწის, გიორგი ფელიქსის ძე ზდანოვიჩის ცხედარი. გასვენებას დაესწრო საქართველოს ყველა კუთხისა და ორგანიზაციის წარმომადგენელი.
1917
ტიპი: გარდაცვალება
1917 წლის 3 აგვისტოს გაზეთი „ხმა ქართველი ქალისა“ (N17) იუწყება, სოციალ-ფედერალისტების პარტიის ლიდერის, ცნობილი საზოგადო მოღვაწის, გიორგი ფელიქსის ძე ზდანოვიჩის გარდაცვალებას.
1917
ტიპი: გარდაცვალება
1917 წლის 14 ივნისს გარდაიცვალა ქართველთა შორის წერა-კითხვის გამავრცელებელი საზოგადოების წევრი, ქუთაისის ქალთა საზოგადოების წევრი ელენე ბესარიონის ასული ხელთუფლიშვილი, იგი დაკრძალეს 18 ივნისს.
1917
ტიპი: გარდაცვალება
1917 წლის 4 მაისს ქუთაისის ქალთა კლუბი და გაზეთის „ხმა ქართველი ქალისა“ რედაქცია სამძიმარს უცხადებს ოლღა სპირიდონის ასულ ლორთქიფანიძეს ძმის, ილიას გარდაცვალების გამო.
1917
ტიპი: გარდაცვალება
1917 წლის 28 იანვარს თბილისში გარდაიცვალა ცნობილი პედაგოგი და საზოგადო მოღვაწე, თბილისის ქართული გიმნაზიის დირექტორი ალექსი ჭიჭინაძე.