ექვთიმე სიმონის ძე თაყაიშვილი

დამფუძნებელი კრების წევრი (ეროვნულ-დემოკრატიული პარტია), ისტორიკოსი, ქართველთა შორის წერა-კითხვის გამავრცელებელი საზოგადოების წევრი, საქართველოს საისტორიო და საეთნოგრაფიო საზოგადოების დამაარსებელი და თავმჯდომარე

1898 წლის 29 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამერვე სხდომა, რომელსაც ესწრებოდნენ დავით კარიჭაშვილი, ნიკოლოზ ცხვედაძე, ექვთიმე თაყაიშვილი, გიორგი იოსელიანი, ალექსანდრე ჭყონია და იაკობ გოგებაშვილი. სხდომაზე იმერეთის საეპარქიოსგან მიიღეს თანხმობის წერილი სოფელ ჩოლურში წერა-კითხვის სასწავლებლის გახსნის თაობაზე. გამგეობამ ეს საკითხი განსახილველად მომდევნო სხდომისთვის გადადო.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომის ოქმები | 1897-1898
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა: ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. პირი 2043 [https://society.iliauni.edu.ge/persons/article/2043]; წვდომის თარიღი: 2020-12-04

ქსელი მუშაობს სატესტო რეჟიმში.