1888 წლის 1-ლ მაისს მიხეილ ზაალის ძე ყიფიანმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ ვლადიკავკაზში მცხოვრებ ქართველებს დამოუკიდებლად სკოლის გახსნა არ შეეძლოთ, მით უმეტეს, მთავრობისგანაც არ ჰქონდათ დამტკიცებული წეს-დებულება. ყიფიანი ფიქრობდა, დაეარსებინათ წერა-კითხვის გამავრცელებელი საზოგადოების ვლადიკავკაზის განყოფილება, რომელიც თბილისის უმთავრესი საზოგადოების მფარველობის ქვეშ იქნებოდა; აერჩიათ დამხმარე წევრები, რომლებიც სკოლის მასწავლებელთან ერთად ადგილობრივი საქმის გამგენი იქნებოდნენ; ვლადიკავკაზში მოგროვებული საწევრო და შემწეობა მთლიანად სკოლას მოხმარებოდა; ვლადიკავკაზის განყოფილების წევრები კი თბილისის უმთავრესი საზოგადოების წევრებად ჩარიცხულიყვნენ.

წყარო: მიწერ-მოწერა ქართველთა შორის წერა-კითხვის გამავრცელებელი საზოგადოების წევრებთან გამოცემული წიგნების გაყიდვის შესახებ | 1888-1888
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა: ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 13226 [http://society.iliauni.edu.ge/factoid/article/13226]; წვდომის თარიღი: 2020-02-28