1911 წელს ქართველთა შორის წერა-კითხვის გამავრცელებელი საზოგადოების კავკავის განყოფილების ქალთა პროფესიულ სკოლაში 17 ქალი სწავლობდა, აქედან მხოლოდ 2 იხდიდა სწავლის ქირას, 6 კურსდამთავრებულთაგან ერთ-ერთი – მართა კედელაძე – სკოლაში დარჩა ხელოსანი ქალის თანაშემწის მოვალეობის შემსრულებლად, რაშიც თვეში თუმანს იღებდა. სკოლის ანგარიშს ხელს აწერს ქალთა წრის თავმჯდომარე სოფიო დავითის ასული კალანდარაშვილისა და ანგარიშის სისწორეს ხელმოწერით ადასტურებს ვარლამ ამირანის ძე ბურჯანაძე.

წყარო: მიწერ-მოწერა ქართველთა შორის წერა-კითხვის გამავრცელებელი საზოგადოების კავკავის განყოფილებასთან, მოხსენებები და ოქმები განყოფილების საქმიანობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი
ენა: ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი

ციტირება: ქშწკ გამავრცელებელი საზოგადოების პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტოიდი 25945 [http://society.iliauni.edu.ge/factoid/article/25945]; წვდომის თარიღი: 2019-08-21