ქშწკგს პროსოპოგრაფია

ფაქტები

რეგისტრირებული ფაქტები46338

1919

ტიპი: ღონისძიება

1920 წლის 3 იანვრის გაზეთ „საქართველოს“ ცნობით, 1919 წლის 30 დეკემბერს სომხეთის საგარეო საქმეთა მინისტრმა ალექსანდრე ხატისოვმა დეპეშით შეატყობინა საქართველოს საგარეო საქმეთა მინისტრ ევგენი გეგეჭკორს, რომ ორდუბატისა და ნახიჭევანის მაჰმადიანებმა ოპერაციების წარმოება დაიწყეს სომხეთის გოხტანის წინააღმდეგ.

1919

ტიპი: ავტორობა

1919 წლის 30 დეკემბერს აზერბაიჯანის საგარეო საქმეთა მინისტრმა ფატალი ხან ხოისკიმ საქართველოსა და სომხეთის საგარეო საქმეთა მინისტრებს – ევგენი გეგეჭკორსა და ალექსანდრე ხატისოვს გაუგზავნა დეპეშა, რომელშიც წერდა, რომ აზერბაიჯანის დელეგაციის ინიციატივით სომხეთ-აზერბაიჯანის კონფერენციამ ბაქოში სასურველად და მიზანშეწონილად ცნო ამიერკავკასიის დამოუკიდებელ რესპუბლიკათა კონფედერაციის დაარსების იდეა.

1919

ტიპი: ავტორობა

1919 წლის 30 დეკემბერს ქართველთა შორის წერა-კითხვის გამავრცელებელი საზოგადოების სენაკის განყოფილების თავმჯდომარე ოლღა ხოფერიამ წერილი მისწერა მთავარ გამგეობას და სთხოვა ეცნობებინათ, შესაძლებელი იყო თუ არა, რომ სენაკის განყოფილების სოფლების ბიბლიოთეკა-სამკითხველოები მთელი თავისი ქონებით გადაეცათ სამაზრო ერობის გამგეობისთვის, რადგან მათ არ გააჩნდათ საკმარისი სახსრები დაწესებულებების შესანახად. ისინი მხოლოდ სენაკის ბიბლიოთეკას დაიტოვებდნენ საზოგადოების მფლობელობაში.

1919

ტიპი: ღონისძიება

1919 წლის 30 დეკემბერს დამფუძნებელ კრებაზე მთავრობის თავმჯდომარე ნოე ჟორდანიამ განაცხადა, რომ იუსტიციის მინისტრად დაინიშნა რაჟდენ არსენიძე.

1919

ტიპი: ავტორობა

1919 წლის 30 დეკემბერს დამფუძნებელ კრებაზე მთავრობის თავმჯდომარე ნოე ჟორდანიამ განაცხადა, რომ დაარსდა ახალი სამინისტრო, რომელიც წარმოადგენდა მანამდე ცალ-ცალკე არსებულ მომარაგების სამმართველოსა და შრომის სამინისტროს შეერთებულ უწყებას. ამას გარდა დაემატა ორი ახალი, იუსტიციისა და სამხედრო სამინისტროები.

1919

ტიპი: თანამდებობა

1919 წლის 30 დეკემბერს დამფუძნებელ კრებაზე მთავრობის თავმჯდომარე ნოე ჟორდანიამ განაცხადა, რომ სამხედრო მინისტრად დაინიშნა გრიგოლ ლორთქიფანიძე.

1919

ტიპი: ავტორობა

1919 წლის 30 დეკემბერს დამფუძნებელ კრებაზე მთავრობის თავმჯდომარე ნოე ჟორდანიამ ახლად შექმნილი სამხედრო სამინისტროს შესახებ განაცხადა, რომ როცა მინისტრთა კაბინეტი დგებოდა, ერთ პირს, ნოე რამიშვილს ჩაბარდა შინაგან საქმეთა და სამხედრო სამინისტროები, რომელმაც კარგად შეასრულა დაკისრებული მოვალეობა.

1919

ტიპი: ავტორობა

1919 წლის 30 დეკემბერს დამფუძნებელ კრებაზე მთავრობის თავმჯდომარე ნოე ჟორდანიამ განაცხადა, რომ შესაძლებელია ჩრდილოეთიდან საფრთხე დამუქრებოდათ, ამიტომ საჭირო იყო ძლიერი ფრონტი, რადგან თუ დენიკინი დამარცხდებოდა, ბოლშევიკები საქართველოსკენ გამოემართებოდნენ.

1919

ტიპი: ავტორობა

1919 წლის 30 დეკემბერს დამფუძნებელ კრებაზე მთავრობის თავმჯდომარე ნოე ჟორდანიამ განაცხადა, რომ ძველ რუსეთში მოქმედი სისტემა, რომელიც ახლაც მოქმედი იყო, საქართველოს მდგომარეობას აღარ შეეფერებოდა, ბევრი რამ შესაცვლელი იყო, სწორედ ამიტომ შეიქმნა იუსტიციის სამინისტრო.

1919

ტიპი: ავტორობა

1919 წლის 30 დეკემბერს დამფუძნებელ კრებაზე მთავრობის თავმჯდომარე ნოე ჟორდანიამ განაცხადა, რომ ეკონომიკური კრიზისი არა მარტო საქართველოში იყო, არამედ მსოფლიოს დიდ სახელმწიფოებშიც, რის მიზეზადაც მან მსოფლიო ომი დაასახელა.

1919

ტიპი: ავტორობა

1919 წლის 30 დეკემბერს დამფუძნებელ კრებაზე მთავრობის თავმჯდომარე ნოე ჟორდანიამ განაცხადა, რომ არსებული კრიზისიდან გამომდინარე, ვინაიდან კერძო პირები ვერ ახერხებდნენ ეკონომიკური ვითარების დასტაბილურებას, მთავრობა იძულებული იყო ჩარეულიყო ვაჭრობა-მრეწველობის საქმეში როგორც კერძო პირი.

1919

ტიპი: ღონისძიება

1919 წლის 30 დეკემბერს მთავრობამ დაადგინა, რომ იუსტიციის მინისტრ რაჟდენ არსენიძისთვის დაევალებინათ შემდეგი საკითხები: იმ მოხელეებს, რომლებიც 9 დეკემბრის დეკრეტის თანახმად შტატგარეშე დარჩებოდნენ, ნოემბერ-დეკემბრის ხელფასები მიეცათ ნოემბრამდე არსებული ნორმით; მოხელეთა სრული ლიკვიდაცია მომხდარიყო არაუგვიანეს 1920 წლის იანვრისა.

1919

ტიპი: ღონისძიება

1919 წლის 30 დეკემბერს მთავრობამ დაადგინა, რომ ფინანსთა მინისტრ კონსტანტინე კანდელაკის მიერ განსაზღვრულ ზომამდე გაზრდილიყო დაწესებული სასინჯო გადასახადი.

1919

ტიპი: ღონისძიება

1919 წლის 30 დეკემბერს თბილისის სასამართლო პალატის სამოქალაქო დეპარტამენტის საზოგადო სხდომას დაესწრნენ: თავმჯდომარე გ. ზ. ჩაჩიბაია, პალატის წევრი ა. ა მაჩაბლიშვილი, საოლქო სასამართლოს წევრი გ. კასაძე.

1919

ტიპი: ავტორობა

1919 წლის 30 დეკემბერს დამფუძნებელი კრების სხდომაზე ალექსანდრე ასათიანმა მთავრობის თავმჯდომარე ნოე ჟორდანიას საპასუხოდ სიტყვა წარმოთქვა.

1919

ტიპი: ღონისძიება

1919 წლის 31 დეკემბერს გადახდილ პანაშვიდს დაესწრნენ სამხედრო მინისტრი ნოე რამიშვილი, სამხედრო სამინისტროს წარმომადგენლები და სხვ. ლეონიდე ოქროპირიძის სიტყვის შემდეგ სამხედრო მინისტრმა შეკრებილებს მიმართა.

1919

ტიპი: ღონისძიება

1919 წლის 31 დეკემბერს სამხედრო მინისტრმა ნოე რამიშვილმა დაბანაკებული ჯარის ნაწილები მოიარა. ჯარმა, რომლის მეთაური იყო ალექსანდრე გედევანიშვილი, მარშით ჩაიარა.

1919

ტიპი: ავტორობა

1920 წლის 3 იანვრის გაზეთ „საქართველოს“ ცნობით, 1919 წლის 31 დეკემბერს საქართველოს საგარეო საქმეთა მინისტრმა ევგენი გეგეჭკორმა სომხეთის საგარეო საქმეთა მინისტრს, ალექსანდრე ივანეს ძე ხატისოვს გაუგზავნა დეპეშა, რომელშიც სომხეთ-აზერბაიჯანის ახლად დაწყებულ კონფლიქტს განიხილავდა.

1919

ტიპი: ღონისძიება

1920 წლის 3 იანვრის გაზეთ „საქართველოს" ცნობით, 1919 წლის 31 დეკემბერს საქართველოს საგარეო საქმეთა მინისტრი ევგენი პეტრეს ძე გეგეჭკორი ატყობინებს სომხეთის საგარეო საქმეთა მინისტრ ალექსანდრე ივანეს ძე ხატისოვს, რომ საქართველოში აზერბაიჯანის დიპლომატიური წარმომადგენლისგან, ვექილოვისგან მიიღო აზერბაიჯანის საგარეო საქმეთა მინისტრის, ფატალი ხან ხოისკის მიერ სომხეთის საგარეო საქმეთა მინისტრ ხატისოვისთვის გაგზავნილი წერილის ასლი სომხეთსა და აზერბაიჯანს შორის დაწყებული კონფლიქტის, კერძოდ, 1919 წლის 21 დეკემბერს ზანგიბაზრის რაიონში მაჰმადიანთა წინააღმდეგ დაწყებული საომარი ოპერაციის შესახებ.

1919

ტიპი: ღონისძიება

1919 წლის 31 დეკემბერს საქართველოს საგარეო საქმეთა მინისტრი ევგენი პეტრეს ძე გეგეჭკორი სწერს სომხეთის საგარეო საქმეთა მინისტრს სომხეთ-აზერბაიჯანის კონფლიქტის შესახებ და სთავაზობს, რომ სოხეთის საგარეო საქმეთა მინისტრი ალექსანდრე ივანეს ძე ხატისოვი და აზერბაიჯანის საგარეო საქმეთა მინისტრი ფატალი ხან ხოისკი საერთაშორისო კონფერენციის მოწვევამდე ჩამოვიდნენ თბილისში საგანგებო თათბირზე მდგომარეობის განსახილველად და შეთანხმების პირობების გასარკვევად. ის მზად იყო მონაწილეობა მიეღო ამ მოლაპარაკებებში.

1919

ტიპი: ავტორობა

1920 წლის 3 იანვრის გაზეთ „საქართველოს“ ცნობით, 1919 წლის 31 დეკემბერს საქართველოს საგარეო საქმეთა მინისტრმა ევგენი პეტრეს ძე გეგეჭკორმა აზერბაიჯანის საგარეო საქმეთა მინისტრ ფატალი ხან ხოისკის მისწერა, რომ მან მიიღო სომხეთის საგარეო საქმეთა მინისტრ ალექსანდრე ხატისოვის შეტყობინება ორდუბატისა და ნახიჭევანის მაჰმადიანების მიერ სომხეთის გოხტანას წინააღმდეგ სამხედრო ოპერაციების დაწყების შესახებ.

1919

ტიპი: პირადი ინფორმაცია

1919 წლის 31 დეკემბერს აკაკი გვახარიას შეეძინა გოგონა, რომელსაც ვალენტინა დაარქვა.

1919

ტიპი: ღონისძიება

1919 წლის 31 დეკემბერს მთავარგამგე გრიგოლ ნათაძემ და საქმისმწარმოებელმა ვარლამ ძიძიგურმა ოზურგეთის ვაჟთა პროგიმნაზიის დირექტორს აცნობეს, რომ 1918 წლის პირველი დეკემბრიდან მისდამი რწმუნებულ გიმნაზიაში ქართული ენის შტატის მასწავლებლად სოლომონ ანდღულაძე დაამტკიცეს.

1919

ტიპი: ღონისძიება

1919 წლის 31 დეკემბერს საქართველოს საგარეო საქმეთა მინისტრმა ევგენი გეგეჭკორმა დეპეშა გაუგზავნა ერევანში სომხეთის საგარეო საქმეთა მინისტრ ალექსანდრე ხატისოვს სომხეთ-აზერბაიჯანის ახლად დაწყებული კონფლიქტის შესახებ.

1919

ტიპი: თანამდებობა

1919 წლის 31 დეკემბრამდე ნოე რამიშვილი იყო სამხედრო მინისტრი.