ქშწკგს პროსოპოგრაფია

ფაქტები

რეგისტრირებული ფაქტები46338

1915

ტიპი: განათლება

მიხეილ ზურაბის ძე ხერხეულიძემ დაამთავრა თბილისის ქართული გიმნაზია და ქართველთა შორის წერა-კითხვის გამავრცელებელი საზოგადოების გამგეობას წარუდგინა ერთ-ერთ უნივერსიტეტში ჩარიცხვის მოწმობა.

1899

ტიპი: ავტორობა

1899 წლის 28 და 31 იანვარს სენაკის სკოლის ინსპექტორმა, სამსონ ყიფიანმა სამი განცხადება შეიტანა ქუთაისისა და სენაკის სათავადაზნაურო სკოლათა სამზრუნველო კომიტეტში, რომლებიც შემდეგ ქართველთა შორის წერა-კითხვის გამავრცელებელი საზოგადოების გამგეობაში გაიგზავნა.

1915

ტიპი: განათლება

1915 წელს ანტონ ნიკოლოზის ძე ჭუმბურიძე სწავლობდა ბაქოს სკოლაში და მოსკოვის კონსერვატორიაში სწავლის გასაგრძელებლად ქართველთა შორის წერა-კითხვის გამავრცელებელი საზოგადოების გამგეობას სტიპენდია სთხოვა. მას შუამდგომლობდნენ კონსტანტინე ფოცხვერაშვილი და ივანე სარაჯიშვილი.

1915

ტიპი: განათლება

1915 წელს ნიკოლოზ ნიკოლოზის ძე ჭიჭინაძე იყო კიევის უნივერსიტეტის ფიზიკა-მათემატიკის განყოფილების მეოთხე კურსის სტუდენტი.

1915

ტიპი: განათლება

1915 წელს ვლადიმერ დიმიტრის ძე ხოფერია იყო დონის პოლიტექნიკუმის სააგრონომიო განყოფილების მეოთხე კურსის სტუდენტი.

1888

ტიპი: ღონისძიება

1888 წელს მიხეილ ზაალის ძე ყიფიანმა ქართველთა შორის წერა-კითხვის გამავრცელებელი საზოგადოების გამგეობისაგან მიიღო წერილი ვლადიკავკაზში ქართული სასწავლებლის გახსნასთან დაკავშირებით. გამგეობა ატყობინებდა, რომ მათ შეეძლოთ სკოლისთვის თავდაპირველად 200 მანეთი მიეცათ, შემდეგ კი ყოველწლიურად გაუგზავნიდნენ საჭირო წიგნებს. ასევე შეეძლოთ მასწავლებლად სანდო და საქმისმცოდნე კაცის დანიშვნა, თუმცა მის ჯამაგირსა და სახლის ქირაზე ადგილობრივ ქართველებს უნდა ეზრუნათ.

1888

ტიპი: ღონისძიება

მიხეილ ყიფიანმა ვახტანგ თულაშვილს შესთავაზა, მის მიერ გამოცემული არითმეტიკის წიგნების დარჩენილი ეგზემპლარები ქართველთა შორის წერა-კითხვის გამავრცელებელი საზოგადოების გამგეობისთვის იმ პირობით გადაეცა, რომ გაყიდული წიგნებიდან საზოგადოებას მოგების 30 პროცენტი დარჩენოდა.

1888

ტიპი: ღონისძიება

1888 წლის 18 აპრილს მიხეილ ყიფიანმა ქართველთა შორის წერა-კითხვის გამავრცელებელი საზოგადოების გამგეობას წერილი მისწერა, რათა გაერკვია, რატომ ვერ წაიღეს მისი გამოცემული არითმეტიკის წიგნები ვახტანგ თულაშვილისგან. ასევე აინტერესებდა, მისი ახალი სახელმძღვანელოებისთვის საზოგადოების საწყობში თუ იქნებოდა ადგილი.

1888

ტიპი: ღონისძიება

1888 წლის 24 ივნისს სპირიდონ ჯორჯიკიამ ქართველთა შორის წერა-კითხვის გამავრცელებელი საზოგადოების გამგეობას შეატყობინა, რომ მიიღო საკვინტაციო დავთარი N 32, საწევრო დავთარი N 30 და სააგენტო ინსტრუქცია, თუმცა არ მიუღია ქართველთა შორის წერა-კითხვის გამავრცელებელი საზოგადოების 1885 წლის წევრთა სია. ჯორჯიკიამ ამ სიის, ყველა წევრის სიისა და საზოგადოების წესდების გაგზავნა ითხოვა.

1889

ტიპი: ავტორობა

1889 წლის 14 დეკემბერს მიხეილ ქართველიშვილმა იაკობ გოგებაშვილს წერილით შეატყობინა ინფორმაცია სოფელ რუხის შესახებ.

1889

ტიპი: ღონისძიება

1889 წლის 29 ნოემბერს იაკობ გოგებაშვილმა მიხეილ ქართველიშვილს მისწერა, რომ ქართველთა შორის წერა-კითხვის გამავრცელებელი საზოგადოების გამგეობა სოფელ რუხში სკოლის გახსნას აპირებდა. გოგებაშვილმა ქართველიშვილს ამ სოფელზე შემდეგი ცნობების მიწოდება სთხოვა: ზუსტად სად მდებარეობდა, ქართველების გარდა კიდევ ვინმე თუ ცხოვრობდა, სოფელს თუ შეეძლო სკოლის შენახვა, იქაური მაზრის უფროსი ვინ იყო, მღვდლად ვინ მსახურობდა და ა. შ.

1888

ტიპი: ღონისძიება

1888 წლის 1-ლ მაისს მიხეილ ზაალის ძე ყიფიანმა ქართველთა შორის წერა-კითხვის გამავრცელებელი საზოგადოების გამგეობას აცნობა, რომ 8 მაისს ვლადიკავკაზში ქართული სასწავლებლის გახსნის ინიციატორები იკრიბებოდნენ გადაწყვეტილების მისაღებად. ყიფიანი გამგეობას სთხოვდა, მალე ეცნობებინათ, ეთანხმებოდნენ თუ არა მის მიერ შეთავაზებულ გეგმას.

1918

ტიპი: ღონისძიება

1918 წლის 8 ოქტომბერს გენერალმა იოსებ გედევანიშვილმა განათლების სამინისტროს ქუთაისის რეალური სასწავლებლის მოსწავლე დავით მორჩაძის ბრძოლის ველზე ყოფნა შეატყობინა და მისთვის სასწავლებელში ადგილის შენახვა სთხოვა.

1889

ტიპი: ავტორობა

1889 წლის 6 სექტემბერს ანტონ ფურცელაძემ ქართველთა შორის წერა-კითხვის გამავრცელებელი საზოგადოების გამგეობას მიმართა განცხადებით, რომელშიც აღნიშნა, რომ არტაანის მაზრიდან წინარეხში გადმოსახლებულ ქართველებს მშობლიური ენა ავიწყდებოდათ, ამიტომ აუცილებელი იყო იქ ქართული სასწავლებლის გახსნა.

1888

ტიპი: ღონისძიება

1888 წლის 1-ელ მაისს მიხეილ ყიფიანმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ ვლადიკავკაზში მცხოვრები ქართველები საზოგადოებისგან დიდ შემწეობას ელოდნენ, თუმცა, მიუხედავად ყველაფრისა, სკოლის გახსნას მაინც აპირებდნენ.

1899

ტიპი: ღონისძიება

1899 წლის 23 თებერვალს ქართველთა შორის წერა-კითხვის გამავრცელებელი საზოგადოების გამგეობის სხდომაზე გადაწყვიტეს, ნიკოლოზ ბადრიძისთვის გაზეთების ყდაში ჩასასმელად 16 მანეთი მიეცათ.

1899

ტიპი: ღონისძიება

1899 წლის 23 თებერვალს ქართველთა შორის წერა-კითხვის გამავრცელებელი საზოგადოების გამგეობის სხდომაზე დადგინდა, სენაკის სკოლის ინსპექტორ სამსონ ყიფიანისთვის ეცნობებინათ გამგეობის განკარგულება სკოლის ვითარების გამოძიების შესახებ. მასვე დაევალა ამ განკარგულების მასწავლებელთათვის გამოცხადება. ოქმს ხელს აწერს საზოგადოების თავმჯდომარე ილია ჭავჭავაძე.

1888

ტიპი: ღონისძიება

ვახტანგ თულაშვილმა ქართველთა შორის წერა-კითხვის გამავრცელებელ საზოგადოებას გადასცა მიხეილ ყიფიანის არითმეტიკის 10 სახელმძღვანელო და დარჩა 447, რომლებიც საზოგადოების მდივანს უნდა წაეღო, თუმცა გამგეობის შენობის შეცვლის გამო ეს ვერ მოხერხდა.

1888

ტიპი: ღონისძიება

ქართველთა შორის წერა-კითხვის გამავრცელებელი საზოგადოების გამგეობის წევრებმა მიხეილ ყიფიანს მადლობა შეუთვალეს ვლადიკავკაზში ქართული წიგნების გავრცელებაში დახმარებისთვის, გაუგზავნეს 10 თუმნის ღირებულების წიგნები და სთხოვეს, ეცნობებინა, მომავალში რომელი წიგნები იქნებოდა საჭირო.

1888

ტიპი: ავტორობა

არითმეტიკის სახელმძღვანელოს შემდეგ მიხეილ ყიფიანმა გეომეტრიის, სტერეომეტრიის, უმდაბლესი გეოდეზიისა და ტრიგონომეტრიის სახელმძღვანელოების გამოცემა დაიწყო.

1918

ტიპი: განათლება

1918 წლის 3 სექტემბერს პედაგოგმა ვახტანგ ქარუმიძემ თბილისის რეალურ გიმნაზიას შვილის, ბორის ქარუმიძის პირველ კლასში ჩარიცხვა სთხოვა.

1899

ტიპი: ღონისძიება

1899 წლის 23 თებერვალს ქართველთა შორის წერა-კითხვის გამავრცელებელი საზოგადოების სხდომაზე გამგეობამ დამაკმაყოფილებლად მიიჩნია ქუთაისისა და სენაკის სათავადაზნაურო სკოლათა სამზრუნველო კომიტეტის პასუხი სამსონ ყიფიანის განცხადებასთან დაკავშირებით. ოქმს ხელს აწერს საზოგადოების თავმჯდომარე ილია ჭავჭავაძე.

1899

ტიპი: ღონისძიება

1899 წლის 16 თებერვალს ქართველთა შორის წერა-კითხვის გამავრცელებელი საზოგადოების გამგეობამ მდივან დავით კარიჭაშვილის მოხსენება წინარეხის მაწავლებლისთვის ხელფასის ხაზინიდან მიცემის შესახებ შემდეგი სხდომისთვის გადადო. ოქმს ხელს აწერენ – ივანე ზურაბიშვილი, ივანე რატიშვილი, დავით კარიჭაშვილი, გრიგოლ ყიფშიძე.