ქშწკგს პროსოპოგრაფია

ფაქტები

რეგისტრირებული ფაქტები46338

1884

ტიპი: ღონისძიება

1884 წლის 11 დეკემბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, განიხილეს ნიკოლოზ ცხვედაძის მიერ წარმოდგენილი საჩივარი მცხეთასა და ვაყაში სკოლების გახსნასთან დაკავშირებით შექმნილ წინააღმდეგობებზე და მიიღეს დადგენილება, რომ ეს საჩივარი მცირეოდენი შესწორებით გაეგზავნათ კავკასიაში სწავლა-განათლების მზრუნველ კირილე იანოვსკისთვის.

1884

ტიპი: ავტორობა

1884 წლის 2 დეკემბერს გაზეთ „დროების“ მიმოხილვაში გამოქვეყნდა ილია ჭავჭავაძის მიერ „დროების“ რედაქციაში 30 ნოემბერს საფრანგეთის კონსულის მ. მეიერის პატივსაცემად გამართულ ნადიმზე წარმოთქმული სიტყვა.

1884

ტიპი: ღონისძიება

1884 წლის დეკემბერში იონა მეუნარგიამ, ილია ჭავჭავაძის რჩევით, მურიესა და ზუტნერის დახმარებით, მუშაობა დაასრულა „ვეფხისტყაოსნის“ ფრანგულ თარგმანზე.

1884

ტიპი: ავტორობა

1884 წლის ჟურნალში „ივერია“ (N9-10) დაიბეჭდა არტურ ზუტნერის (სუტნერი) პუბლიკაცია „უცხოელის აზრი „ვეფხისტყაოსანზე“ (პოემის თარგმანის გამო ფრანსიულ ენაზე)“. წერილი ი. მეუნარგიას „ვეფხისტყაოსნის“ ფრანგულ თარგმანს ეხებოდა.

1884

ტიპი: ავტორობა

1884 წლის ჟურნალში „ივერია“ (N9-10) დაიბეჭდა დიმიტრი ბაქრაძის წერილი „ქართული საეკლესიო ხელნაწერები ხელოვნების მხრით“, რომელშიც აღნიშნულია, რომ სახარების მოძღვრება საქართველოში მეოთხე საუკუნეში შემოიტანეს. ამ დროიდან დაიწყეს ქართველებმა სირიული და ბერძნული ენებიდან საღვთო წერილის თარგმნა.

1884

ტიპი: ღონისძიება

1884 წლის 30 ნოემბერს ილია ჭავჭავაძემ სიტყვა წარმოთქვა „დროების“ რედაქციაში საფრანგეთის კონსულ მ. მეიერის პატივსაცემად გამართულ ნადიმზე.

1884

ტიპი: ღონისძიება

1884 წლის 30 ნოემბერს ილია ჭავჭავაძე გრიგოლ არწრუნის თეატრში ქართული პრესისა და თეატრალური დასის მიერ თბილისელ ფრანგთა საზოგადოების სასარგებლოდ გამართულ საქველმოქმედო წარმოდგენას დაესწრო.

1884

ტიპი: თანამდებობა

1884 წლის 19 ნოემბერს ბეჟან დავითის ძე წერეთელი ქართველთა შორის წერა-კითხვის გამავრცელებელი საზოგადოების მმართველობას საჩხერის აგენტობაზე დასთანხმდა.

1884

ტიპი: ორგანიზაცია

1884 წლის 15 ნოემბრიდან ქაიხოსრო იაკობის ძე გელოვანი იყო ქართველთა შორის წერა-კითხვის გამავრცელებელი საზოგადოების ნამდვილი წევრი.

1884

ტიპი: ღონისძიება

1884 წლის 10 ნოემბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, განიხილეს სოფელ დირბში იერუსალიმის მონასტრის კუთვნილი მამულების გამგებლის წინადადება იქ სკოლის დაარსების შესახებ.

1884

ტიპი: ღონისძიება

1884 წლის 10 ნოემბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, ჟურნალ „ნობათის“ გამომცემელს ანდრია ღულაძეს თანხის სესხებაზე უარი განუცხადეს, რადგან ეს ორგანიზაციის წესდებას ეწინააღმდეგებოდა.

1884

ტიპი: ღონისძიება

1884 წლის 8 ნოემბერს ქართველთა შორის წერა-კითხვის გამავრცელებელი საზოგადოების მმართველობამ ხარკოვის უნივერსიტეტის ბიბლიოთეკას შესწირა სხვადასხვა ავტორის წიგნები, მათ შორის ილია ჭავჭავაძის „განდეგილი“, „გლახის ნაამბობი“, „კაცია-ადამიანი?!“’ და „მეფე დიმიტრი თავდადებული“.

1884

ტიპი: ღონისძიება

1884 წლის პირველ ნოემბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, გაეცნენ ქუთაისის სათავადაზნაურო სკოლიდან მიღებულ ინფორმაციას, რომ ვერცერთი კანდიდატის მიერ ჩატარებულმა სამაგალითო გაკვეთილმა ვერ დააკმაყოფილა მოთხოვნები.

1884

ტიპი: ღონისძიება

1884 წლის პირველ ნოემბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, მიიღეს გადაწყვეტილება, რომ სკოლების შემოსავლებიდან დარჩენილი თანხები მათსავე ანგარიშზე დაეტოვებინათ.

1884

ტიპი: ღონისძიება

1884 წლის 26 ოქტომბერს ბათუმის სკოლის მასწავლებელმა მოსე ივანეს ძე ნათაძემ ქართველთა შორის წერა-კითხვის გამავრცელებელი საზოგადოების მთავარ განყოფილებას მისთვის ჩაბარებული სკოლის სასარგებლოდ ფილიმონ ქორიძის მიერ გამართული კონცერტების შემოსავალი – 63 მანეთი გაუგზავნა.

1884

ტიპი: ავტორობა

1884 წლის 26 ოქტომბერს ბათუმის სკოლის მასწავლებელმა მოსე ივანეს ძე ნათაძემ ქართველთა შორის წერა-კითხვის გამავრცელებელი საზოგადოების მთავარ განყოფილებას მისწერა, რომ 21 მოსწავლე გამოცდების შემდეგ სკოლიდან გავიდა, პირველი სექტემბრიდან 26 ოქტომბრამდე 23 მოსწავლე დაემატა და სკოლაში სულ 66 მოსწავლე იყო, აქედან – 30 მაჰმადიანი.

1884

ტიპი: ორგანიზაცია

1884 წლის 25 ოქტომბრიდან ქართველთა შორის წერა-კითხვის გამავრცელებელი საზოგადოების დამხმარე წევრი ლეჩხუმში, დაბა ლაილაშში, იყო ქაიხოსრო იაკობის ძე გელოვანი. მას საზოგადოების ნამდვილი წევრობაც სურდა.

1884

ტიპი: ღონისძიება

1884 წლის 25 ოქტომბერს ქაიხოსრო იაკობის ძე გელოვანმა ქართველთა შორის წერა-კითხვის გამავრცელებელი საზოგადოების მმართველობას წევრად მიღება სთხოვა.

1884

ტიპი: თანამდებობა

1884 წლის 25 ოქტომბერს ქაიხოსრო იაკობის ძე გელოვანი ქართველთა შორის წერა-კითხვის გამავრცელებელი საზოგადოების მმართველობას ლეჩხუმის აგენტობაზე დასთანხმდა.

1884

ტიპი: თანამდებობა

1884 წლის 19 ოქტომბერს მიხეილ ივანეს ძე ილურიძე ქართველთა შორის წერა-კითხვის გამავრცელებელი საზოგადოების მმართველობას ოზურგეთის აგენტობაზე დასთანხმდა.

1884

ტიპი: ღონისძიება

1884 წლის 18 ოქტომბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, იმსჯელეს საზოგადოების მატერიალური უზრუნველყოფის გასაუმჯობესებელ გზებზე.

1884

ტიპი: ღონისძიება

1884 წლის 18 ოქტომბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, განიხილეს საწევროების გადახდის დაგვიანების საკითხი.

1884

ტიპი: ღონისძიება

1884 წლის 18 ოქტომბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, განიხილეს ქუთაისის გუბერნიის სახალხო სკოლების ინსპექტორის წერილი ძველ სენაკში სასწავლებლის გახსნასთან დაკავშირებით.

1884

ტიპი: თანამდებობა

1884 წლის 18 ოქტომბერს მღვდელი გრიგოლ სპირიდონის ძე მაჭარაშვილი ქართველთა შორის წერა-კითხვის გამავრცელებელი საზოგადოების მმართველობას ფოთის აგენტობაზე დასთანხმდა.

1884

ტიპი: ღონისძიება

1884 წლის 10 ოქტომბერს ქართველთა შორის წერა-კითხვის გამავრცელებელი საზოგადოების სხდომაზე ილია ოქრომჭედლიშვილს კიდევ ერთხელ მისწერეს მადლობა შენობის შეწირვისთვის და შეატყობინეს, რომ ვალის გამო შენობის გადაფორმება წამგებიანი იყო, ამიტომ უარის თქმა მოუწიათ.