ქშწკგს პროსოპოგრაფია

ფაქტები

რეგისტრირებული ფაქტები46478

ფილტრი:
ფაქტის ტიპი თანამდებობა

1918

ტიპი: თანამდებობა

1918 წელს ანა ლუკას ასული სანაძე ხონის ქალთა გიმნაზიის ისტორიის, ერმალოზ პეტრეს ძე კიწმარიშვილი ქართული ენისა და ლიტერატურის, ხოლო ვერა იაკობის ასული საღარაძე უმცროსი კლასების პედაგოგებად მუშაობდნენ.

1916

ტიპი: თანამდებობა

1916 წელს ვ. გ. ქეშელავა და ლევან ბახვას ძე სიჭინავა ქართველთა შორის წერა-კითხვის გამავრცელებელი საზოგადოების სოჭის განყოფილების სარევიზიო კომისიის წევრები იყვნენ.

1916

ტიპი: თანამდებობა

1916 წელს რაფიელ გოკიელი, გახუ პეტრეს ძე თურქია, ნიკოლოზ გიორგის ძე ჩიქოვანი, ანთიმოზ ივანეს ძე ჯუღელი, ალექსანდრე ლუკას ძე გრიგოლია და სევასტი რამიშვილი ქართველთა შორის წერა-კითხვის გამავრცელებელი საზოგადოების სოხუმის განყოფილების გამგეობის 5 სხდომიდან 2-ს დაესწრნენ.

1918

ტიპი: თანამდებობა

1918 წლის 11 ოქტომბერს გაიმართა ქალაქის საბჭოს კრება გადამდგარი ქალაქის გამგეობის მაგივრად ახალის არჩევასთან დაკავშირებით. სხდომაზე ქალაქის მოურავად აირჩიეს ნიკოლოზ ზურაბის ძე ელიავა, რომელმაც მიიღო 41 თეთრი და 3 შავი კენჭი, მის ამხანაგად კი – გ. გ. კონიევი.

1923

ტიპი: თანამდებობა

1923 წელს თამარ პავლეს ასული ჯარიაშვილი ქართველთა შორის წერა-კითხვის გამავრცელებელი საზოგადოების მთავარი გამგეობის საქმისმწარმოებელი იყო.

1917

ტიპი: თანამდებობა

1917 წლის 17 სექტემბერს საქართველოს საეკლესიო კრებამ ჭყონდიდელ მიტროპოლიტად აირჩია არქიმანდრიტი ამბროსი ხელაია.

1917

ტიპი: თანამდებობა

1917 წლის 17 სექტემბერს საქართველოს საეკლესიო კრებამ ქუთაისის მიტროპოლიტად აირჩია ეპისკოპოსი ანტონ გიორგაძე.

1917

ტიპი: თანამდებობა

1917 წლის 17 სექტემბერს საქართველოს საეკლესიო კრებამ დავით კაჭახიძე აირჩია ურბნელ ეპისკოპოსად.

1879

ტიპი: თანამდებობა

1879 წელს ქუთაისის გუბერნიის ყოფილმა თავადაზნაურობამ ქართული გიმნაზია დააარსა და ალექსი ჭიჭინაძე დირექტორად მიიწვია.

1886

ტიპი: თანამდებობა

1886 წელს ალექსი ჭიჭინაძე, როგორც გამოცდილი ადმინისტრატორი, თბილისის ქართული გიმნაზიის დირექტორად მიიწვიეს. იგი გიმნაზიას რვა წელი ხელმძღვანელობდა.

1894

ტიპი: თანამდებობა

1894 წელს ალექსი ჭიჭინაძე საპატიო მიზეზების გამო იძულებული გახდა თბილისის ქართული გიმნაზია დაეტოვებინა. კავკავის ოლქის მთავრობის განკარგულებით თერგის ოლქში ჯერ სახალხო სკოლების ინსპექტორად დაინიშნა, შემდეგ კი ამავე სკოლების დირექტორად – ერევნის გუბერნიაში.

1905

ტიპი: თანამდებობა

1905 წელს, რუსეთის რევოლუციის დროს, ალექსი ჭიჭინაძე ხონის საოსტატო სემინარიის დირექტორად გადაიყვანეს, სადაც 9 წელი მუშაობდა.

1914

ტიპი: თანამდებობა

1914 წელს ალექსი ჭიჭინაძე თბილისის ქართულ გიმნაზიაში მეორედ მიიწვიეს დირექტორად. იგი გიმნაზიას სიკვდილამდე ხელმძღვანელობდა.

1892

ტიპი: თანამდებობა

1892 წელს ოლივერ უორდროპი დაინიშნა ბრიტანეთის ელჩის პირად მდივნად და კონსულად სანკტ-პეტერბურგში.

1917

ტიპი: თანამდებობა

1917 წლის 16 აპრილს ქართველთა შორის წერა-კითხვის გამავრცელებელი საზოგადოების სენაკის განყოფილების წლიური კრების თავმჯდომარედ აირჩიეს რაჟდენ გამსახურდია, მდივნებად - გიორგი ჯაკობია და აკაკი ხორავა.

1905

ტიპი: თანამდებობა

1905 წლის ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, ბათუმის სკოლის კომიტეტის თავმჯდომარე იყო გრიგოლ იოსების ძე ვოლსკი (უმწიფარიძე).

1918

ტიპი: თანამდებობა

ივანე ალექსანდრეს ძე აზნაუროვის პირადი საქმის მიხედვით, თბილისის ვაჟთა მე-5 გიმნაზიის გამგე იყო ილია ალექსანდრეს ძე ჯიშკარიანი.

1918

ტიპი: თანამდებობა

ნინო ვასილის ასული აკოფოვა (აკოფაშვილი) ქუთაისის ქალთა მთავრობის გიმნაზიაში გერმანული ენის მასწავლებლად სამი წელი მუშაობდა.

1918

ტიპი: თანამდებობა

იოსებ გიორგის ძე ავალიშვილის პირადი საქმის მიხედვით, თბილისის ვაჟთა პირველი გიმნაზიის დირექტორი იყო იაკობ ღულაძე.

1918

ტიპი: თანამდებობა

ვერა გიორგის ასული ავალიშვილის პირადი საქმის მიხევდით, თბილისის ქალთა მე-2 გიმნაზიის დირექტორი იყო გიორგი ახვლედიანი.

1919

ტიპი: თანამდებობა

კლავდია კონსტანტინეს ასული ალექსეევა-ხორონენკოს პირადი საქმის მიხედვით, ბათუმის ვაჟთა გიმნაზიის დირექტორი იყო დ. ქუთათელაძე.

1920

ტიპი: თანამდებობა

1920 წლის 1-ლი მარტიდან კლავდია კონსტანტინეს ასული ალექსეევა-ხორონენკო აღარ მუშაობდა ფოთის ვაჟთა გიმნაზიაში ისტორიის მასწავლებლად.

1919

ტიპი: თანამდებობა

დარია ალექსანდრეს ასული ალიხანოვას პირადი საქმის მიხედვით, მთავარგამგე იყო სერგი იოსების ძე დანელია.