1918

ტიპი: ავტორობა

1918 წლის 22 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს თამარა მიხეილის ასული ქარცივაძის თხოვნა წიგნის მაღაზიაში პრაქტიკანტად გამყიდველის თანამდებობაზე მიღების შესახებ. ის თანახმა იყო თვეში 100 მანეთად ემსახურა. გამგეობის გადაწყვეტილებით ეს საკითხი გადაიდო. დადგენილების ოქმს ხელს აწერდნენ გიორგი ნიკოლოზის ძე ყაზბეგი, დავით გიორგის ძე კარიჭაშვილი და ნინო იოსების ასული ნაკაშიძე.

1918

ტიპი: ავტორობა

1918 წლის 2 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გორის განყოფილების შუამდგომლობა საზოგადოების წიგნის მაღაზიიდან 5000 მანეთის კრედიტის გახსნის შესახებ. გამგეობამ გორის განყოფილების თხოვნის დაკმაყოფილება გადაწყვიტა. დადგენილების ოქმს ხელს აწერს გიორგი ნიკოლოზის ძე ყაზბეგი.

1918

ტიპი: ავტორობა

1918 წლის 16 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს წიგნთა საწყობისთვის საჭირო ოთახების დაქირავების საკითხი. კორექტორ-მეთვალყურე საჭიროდ მიიჩნევდა ორი ან სამი ოთახის დაქირავებას. გამგეობამ გადაწყვიტა კორექტორის მოხსენება მიეღო და წიგნების საწყობებისა და კლიშეების შესანახად სამი ოთახი დაექირავებინა. დადგენილების ოქმს ხელს აწერს გიორგი ნიკოლოზის ძე ყაზბეგი.

1918

ტიპი: ავტორობა

1918 წლის 30 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გიორგი ქუჩიშვილის თხოვნა სალიტერატურო ფონდიდან დახმარების შესახებ. დოკუმენტს ახლავს ცნობა, რომ სალიტერატურო ფონდიდან 200 მანეთი დარჩა. გამგეობამ გადაწყვიტა ქუჩიშვილისთვის სალიტერატურო ფონდიდან 100 მანეთი მიეცა. დადგენილების ოქმს ხელს აწერს გიორგი ნიკოლოზის ძე ყაზბეგი.

1918

ტიპი: ავტორობა

1918 წლის 30 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ქუთაისის გუბერნიის მასწავლებელთა კავშირის თხოვნა, რომ საზოგადოების ყველა სახელმძღვანელო მხოლოდ მათთვის გაეგზავნათ. მასწავლებელთა კავშირს ორი გამოცემა ჰქონდა – არითმეტიკული კრებული და სამშობლოს აღწერა. გამგეობის გადაწყვეტილებით, შემოთავაზებული წინადადება მიმართული იყო გამოცემის მონოპოლიისკენ, შესაბამისად, რთულ და საპასუხისმგებლო საკითხს წარმოადგენდა. საკითხის დადებითად გადაჭრა საზოგადოების კრების დაუკითხავად გამგეობამ შეუძლებლად მიიჩნია. დადგენილების ოქმს ხელს გიორგი ნიკოლოზის ძე ყაზბეგი აწერდა.

1919

ტიპი: ავტორობა

1919 წლის 30 მაისის მოტყიარის ერთკლასიანი სასწავლებლის შეგირდების ნუსხაში, რომელსაც ხელს აწერს სასწავლებლის გამგე მასწავლებელი თამარა კიკვაძე, ნათქვამია რომ პირველი განყოფილებიდან მეორეში გადავიდა 8 მოსწავლე, დარჩა 5; მეორიდან მესამეში გადავიდა 5 მოწაფე, დარჩა 2; მესამიდან მეოთხეში გადავიდა 5 მოწაფე, დარჩა 2.

1919

ტიპი: ავტორობა

1919 წლის 29 სექტემბერს განათლების სამინისტროს მთავარმა გამგემ გიორგი ალმასხანის ძე ჭუმბურიძემ (საქმის მწარმოებელი კონსტანტინე აბაშიძე) ფინანსთა სამინისტროს საკრედიტო განყოფილებას ლეჩხუმის მაზრის სკოლების მასწავლებელთა ჯამაგირებით დაკმაყოფილების თხოვნით მიმართა. აპრილის ბოლოს მათთვის გადაგზავნილი 100 ათასი მანეთი ფოსტამ შეაჩერა და მასწავლებლებმა ხელფასები ვერ მიიღეს, რასაც შესაძლოა არასასურველი შედეგები მოჰყოლოდა.

1919

ტიპი: ავტორობა

განათლების სამინისტროს მთავარგამგემ, გიორგი ალმასხანის ძე ჭუმბურიძემ (საქმისმწარმოებელი კ.აბაშიძე) ლეჩხუმის სამაზრო ერობის გამგეობის თავმჯდომარეს კონსტანტინე ილიას ძე აბაშიძეს 1919 წლის 13 სექტემბერს სასწრაფო დეპეშით აუწყა, რომ მაზრის სკოლების დასაკმაყოფილებლად ონის ხაზინაში 100 ათასი მანეთი გაგზავნეს.

1908

ტიპი: ავტორობა

ილია ჭავჭავაძის ანდერძის განმხილველი საგანგებო კომისიის მიერ 1908 წლის 8 მაისს ქართველთა შორის წერა-კითხვის გამავრცელებლი საზოგადოების გამგეობისთვის წარდგენილ ვრცელ ანგარიშში ჩამოთვლილია განსვენებული პოეტის ვალები: სათავადაზნაურო ბანკში დაგირავებული საგურამო-წიწამურის სოფლის მამულისა – 12 440 მანეთი და 77 კაპიკი; იმავე ბანკში დაგირავებული ქალაქის სახლისა – 7 178 მანეთი და 72 კაპიკი; ამას გარდა, განსვენებულს 10 000 მანეთის ვალი დარჩა თამასუქებით – ერთიანად ვალის რაოდენობამ შეადგინა 29 619 მანეთი და 49 კაპიკი. ანგარიშს ხელი მოაწერეს: ალექსანდრე თევდორეს ძე ყიფშიძემ, გრიგოლ სვიმონის ძე რცხილაძემ, შიო ზაქარიას ძე დედაბრიშვილმა და ვასილ გერასიმეს ძე ბერელაშვილმა.

1919

ტიპი: ავტორობა

1919 წლის 23 მაისს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ყოფილი სტიპენდიატის, სარგის კაკაბაძის, განცხადება დარჩენილი სასტიპენდიო ვალის 3 თვეში დაფარვის შესახებ. ვალის ნაწილის გადახდას ის საზოგადოების წიგნის მაღაზიაში მიტანილი ისტორიული გამოცემების შემოსავლიდან აპირებდა.

1919

ტიპი: ავტორობა

1919 წლის 31 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომის ოქმს მიწერილი აქვს, რომ დადგენილებას „დედაენის“ შეუსწორებლად დაბეჭდვის შესახებ არ ეთანხმებოდა თევდორე კიკვაძე. ის თვლიდა, რომ შესაძლებელი იყო წიგნის გადასინჯვა-შესწორება.

1888

ტიპი: ავტორობა

1888 წელს ივანე წერეთელმა ქართველთა შორის წერა-კითხვის გამავრცელებელ საზოგადოებას გაუგზავნა წერილი მათ მიერ გამოგზავნილი წიგნების შესახებ.

ტიპი: ავტორობა

გულეიკარის საზოგადოების სკოლის მასწავლებელმა დავით ფირცხლავამ გააკეთა განცხადება წერა-კითხვის გამავრცელებელი საზოგადოების სახელზე, მისთვის წიგნების გასაგზავნად.

1914

ტიპი: ავტორობა

1914 წლის 30 ნოემბერს ქართველთა შორის წერა-კითხვის გამავრცელებელი საზოგადოების გამგეობის კრებაზე დ. ჯავახიშვილმა განაცხადა, რომ საგურამოს მამულის დამთვალიერებელი ძველი კომისიის მსგავსად ვერც ახალი გაარკვევდა მამულის მდგომარეობას.

1920

ტიპი: ავტორობა

1920 წლის 6 მარტის ქართველთა შორის წერა-კითხვის გამავრცელებელი საზოგადოების სხდომაზე განიხილეს ზესტაფონის (შორაპნის) განყოფილების გამგეობის წინადადება, ბიბლიოთეკა-სამკითხველოებისა და თეატრის შენობის ერობის გამგეობისთვის გადაცემის შესახებ. გამგეობის გადაწყვეტილებით, თხოვნა იმ პირობით დაკმაყოფილდებოდა, თუ მიწა საზოგადოების კუთვნილებად დარჩებოდა, ხოლო ბიბლიოთეკასა და თეატრს ერობის გამგეობა უპატრონებდა. ოქმს ხელი მოაწერა დავით კარიჭაშვილმა.

1920

ტიპი: ავტორობა

1920 წლის 26 ივნისის ქართველთა შორის წერა-კითხვის გამავრცელებელი საზოგადოების სხდომაზე განიხილეს ნიკიფორე იმნაიშვილის განცხადება ათასი მანეთის კრედიტის გახსნის შესახებ (წიგნების სახით). გამგეობის გადაწყვეტილებით, იმნაიშვილისთვის უნდა გაეხსნათ ათასი მანეთის კრედიტი.

1953

ტიპი: ავტორობა

ქრისტინე შარაშიძის 1953 წლის ინდივიდუალურ სამუშაო გეგმას ხელი მოაწერეს მან და ილია აბულაძემ.

1936

ტიპი: ავტორობა

1936 წლის 16 ივნისს კონსტანტინე გორდელაძემ და ვარლამ თოფურიამ ქრისტინე შარაშიძეს გაუგზავნეს მიმართვა, გამოსაცემად წარედგინა მამის, გიორგი შარაშიძის „გურული ლექსიკონი“ აკადემიის საქართველოს ფილიალის ენისა და მატ. კულტურის ისტორიის ინსტიტუტში. მოწონების შემთხვევაში შრომა დაიბეჭდებოდა ინსტიტუტის დიალექტოლოგიურ ლექსიკონთა სერიით.

1937

ტიპი: ავტორობა

1937 წელს სახალხო კომისარიატის პედაგოგიკის სამეცნიერო-კვლევითი ინსტიტუტის დირექტორის მოადგილემ, მ. ლომინაძემ, ქრისტინე შარაშიძე სახალხო განათლების ისტორიის სექციის სხდომაზე მოხსენების წასაკითხად მიიწვია და სთხოვა, მოსალაპარაკებლად სექციაში წინასწარ მისულიყო.

1937

ტიპი: ავტორობა

1937 წლის 10 ოქტომბერს ქრისტინე შარაშიძეს სახალხო განათლების ისტორიის სექციის სხდომაზე უნდა წაეკითხა მოხსენება „მასწავლებელ გიგო შარაშიძის მოგონებანი სწავლა-აღზრდის შესახებ“.

1937

ტიპი: ავტორობა

1937 წლის 7 ოქტომბერს ქრისტინე შარაშიძეს დედამ, ნინო ქიქოძემ მისწერა, რომ მას არ ჰქონდა (სავარაუდოდ გიორგი შარაშიძის შედგენილი) მუნჯური მეთოდის ასლი.

1961

ტიპი: ავტორობა

1961 წელს ქრისტინე შარაშიძემ მარტონ იშტვანოვიჩს თბილისიდან ბუდაპეშტში გაუგზავნა წერილი, დაახლოებით 25 წლის წინ დაწერილი გამოკვლევის ამონაბეჭდი და „კომუნისტიდან“ ამოჭრილი ილონა ბეკეშის წერილი.

1962

ტიპი: ავტორობა

1962 წლის 5 ივნისს შალვა აბრამიძემ ქრისტინე შარაშიძეს გაუგზავნა წერილი და მადლობა გადაუხადა დავით ბრეგვაძის ხელით „სამხრეთ საქართველოს ისტორიის მასალების (XV-XVI სს)“ გაგზავნისთვის.

1906

ტიპი: ავტორობა

1906 წლის 2 ივლისს ქრისტინე შარაშიძემ სილვია ქიქოძეს თბილისიდან ახალციხეში გაუგზავნა წერილი, რომელიც „ახალი ცხოვრების“ რედაქციაში თავისუფალ დროს დაწერა.

1906

ტიპი: ავტორობა

1906 წლის 2 ივლისს ქრისტინე შარაშიძემ სილვია ქიქოძეს მისწერა, რომ სერგეი ივანოვიჩისგან ღია ბარათი მიიღო, მაგრამ თვითონ პასუხის გაგზავნას არ აპირებდა.