1909

ტიპი: ღონისძიება

1909 წლის 26 თებერვალს ქართველთა შორის წერა-კითხვის გამავრცელებელი საზოგადოების გამგეობის კრებაზე განიხილეს კონსტანტინე გვარამაძის განცხადება საზოგადოების ახალციხის განყოფილების დაარსების შესახებ და გადაწყვიტეს, ეს საკითხი თამარ ვაჩნაძისთვის მიენდოთ.

1915

ტიპი: ღონისძიება

1915 წლის 22 ივლისს გიორგი პავლეს ძე ჯაკობიამ ახალი სენაკის წერა-კითხვის გამავრცელებელ საზოგადოებას სტიპენდიის დასანიშნად მთავარ გამგეობასთან შუამდგომლობა სთხოვა.

1912

ტიპი: ღონისძიება

1912 წლის 23 დეკემბერს ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს საკითხი, თუ როგორ დაეფარათ ბანკის ვალი, რომელიც აიღეს ქართული მუზეუმისთვის ადგილის შესასყიდად. გამგეობამ დაადგინა, რომ ბანკის ვალს გადაიხდიდნენ იმ ფულით, რომელსაც ა. ფრიდონოვი გადასცემდა საზოგადოებას დავით ზაქარიას ძე სარაჯიშვილის ნაანდერძევი თანხიდან. თავდაპირველად გამგეობა მისგან 1913 წლის 1-ლ იანვარს მიიღებდა 12875.84 მანეთს და შემდეგ 1913 წლის პირველ ივლისს მიიღებდა იმავე ოდენობის თანხას. გამგეობამ ამ საქმის სისრულეში მოყვანა ალექსანდრე ყიფშიძესა და ექვთიმე თაყაიშვილს დაავალა.

1909

ტიპი: ღონისძიება

1909 წლის 26 თებერვალს ქართველთა შორის წერა-კითხვის გამავრცელებელი საზოგადოების გამგეობის კრებაზე გადაწყდა, რომ მოსკოვში ნიკოლოზ გოგოლის ძეგლის გახსნაზე საზოგადოების წარმომადგენლებად გაეგზავნათ ალექსანდრე სუმბათაშვილი, ალექსანდრე ხახანაშვილი, ალექსანდრე ჯავახიშვილი და ვლადიმერ ალექსი-მესხიშვილი.

1890

ტიპი: ღონისძიება

1889-1890 სასწავლო წელს ქუთაისის სათავადაზნაურო სკოლაში გამოცდებს სამჯერ დაესწრო ქუთაისის გუბერნიის სახალხო სკოლების დირექტორი ფილიპე ლევიცკი.

1912

ტიპი: ღონისძიება

1912 წლის 20 მაისს ქართველთა შორის წერა-კითხვის გამავრცელებელი საზოგადოების ბათუმის განყოფილებამ გამართა ქართული საღამო, საიდანაც 2327 მანეთის შემოსავალი მიიღო.

1913

ტიპი: ღონისძიება

1912 წელს ქართველთა შორის წერა-კითხვის გამავრცელებელი საზოგადოების ბათუმის განყოფილება 257 წევრისაგან შედგებოდა. წლის მანძილზე საზოგადოების განყოფილებამ ჩაატარა 8 სხდომა და განიხილა 30 საქმე.

1912

ტიპი: ღონისძიება

ქართველთა შორის წერა-კითხვის გამავრცელებელი საზოგადოების ბათუმის განყოფილებამ 1912 წლის 20 მაისს გამართულ ლიტერატურულ ღონისძიებაში (სააკაძის გასამართლება) 175 მანეთისა და 84 კაპიკის შემოსავალი მიიღო.

1912

ტიპი: ღონისძიება

1912 წლის 5 იანვარს გაიმართა ქართველთა შორის წერა-კითხვის გამავრცელებელი საზოგადოების 1-ლი სხდომა გიორგი ნიკოლოზის ძე ყაზბეგის თავმჯდომარეობით. სხდომას ასევე ესწრებოდნენ: ალექსანდრე ბესარიონის ძე მდივანი, ლუარსაბ გერასიმეს ძე ბოცვაძე, შალვა ანტონის ძე მიქელაძე, დავით გიორგის ძე კარიჭაშვილი, შიო ზაქარიას ძე დედაბრიშვილი, არჩილ რაჟდენის ძე ჯაჯანაშვილი, გრიგოლ სვიმონის ძე რცხილაძე, სერგი რომანოზის ძე გორგაძე, ალექსანდრე თევდორეს ძე ყიფშიძე და იპოლიტე პეტრეს ძე ვართაგავა.

1912

ტიპი: ღონისძიება

1912 წლის 5 იანვარს გიორგი ყაზბეგის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს საზოგადოების შემოსავალ-გასავლის ანგარიში 19 დეკემბრიდან 31 დეკემბრამდე.

1912

ტიპი: ღონისძიება

1912 წლის 5 იანვარს გიორგი ყაზბეგის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს 1912 წლის სავარაუდო ხარჯთაღრიცხვა, რომლის განხილვა გამგეობამ მომდევნო სხდომისთვის გადადო.

1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს ცნობა სტიპენდიების გაგზავნის შესახებ. ცნობის მიხედვით, ძმებმა ლევან და პეტრე ზუბალაშვილებმა გამოუგზავნეს გამგეობას 1000 მანეთი, მაგრამ საზოგადოებას არ გააჩნდა არანაირი წერილობითი ცნობა, თუ რა დანიშნულება ჰქონდა ამ ფულს. გამგეობამ საკითხის განხილვა მომდევნო სხდომისთვის გადადო.

1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე გამგეობას მიმართა პეტრე მამრაძემ, რომ სანამ ილიას ძეგლის გარშემო რკინის მოაჯირს გააკეთებდნენ აუცილებელი იყო ამ ადგილის ხის ფიცრებით შემოტიხვრა, რისთვისაც მისი დაანგარიშებით საჭირო იყო 7 თუმანი. გამგეობამ ხარჯის გადამოწმება და შემდეგ საჭირო თანხის გაცემა დაავალა ალექსანდრე მდივანს.

1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე გამგეობას წიგნების შეძენის თაობაზე თხოვნით მიმართა მღვდელმა ვასილ კარბელაშვილმა. გამგეობამ ვ. კარბელაშვილის წიგნების სიის გადამოწმება და საფასურის თაობაზე მასთან მოლაპარაკება დაავალა დავით კარიჭაშვილს და სერგი გორგაძეს.

1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე, რომელსაც თავმჯდომარეობდა გიორგი ყაზბეგი, გამგეობას თხოვნით მიმართა ავლაბრის ბიბლიოთეკის გამგემ, რომ ბიბლიოთეკისთვის სესხად დაეთმოთ 100 მანეთი, სანამ ქალაქის გამგეობისგან აიღებდა დანიშნულ სუბსიდიას. გამგეობამ გამგის თხოვნა დააკმაყოფილა და სესხად გასცა 10 თუმანი.

1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს საკითხი მარიამ საფაროვა-აბაშიძის იუბილეში მონაწილეობის შესახებ. აღნიშნულ საკითხთან დაკავშირებით გამგეობამ გადაწყვიტა, რომ მოეძიებინათ მისამართი და მარიამ საფაროვა-აბაშიძის იუბილეს საზოგადოების სახელით დასწრებოდნენ შალვა მიქელაძე და იპოლიტე ვართაგავა.

ტიპი: ღონისძიება

სოფელ კორბოულის სამრევლო სკოლის მასწავლებელი – მღვდელი სერგო მაჭარაშვილი – გაზეთ „ისრის" რედაქციას უგზავნის ილიას ფონდისთვის სკოლაში შეგროვებულ 10 მანეთსა და შემომწირველთა სიას. მასწავლებელნი: მღვდელი სერ. მაჭარაშვილი – 2 მან., ლავ. ხარშილაძე – 1 მან., დომ. მაჭარაშვილი – 1 მან., მღვდელი ლ. მაჭარაშვილი – 1 მან., ჭ. ბურჯანაძე – 1 მან., სარ. ჩაჩანიძე – 50 კაპ., მარ. ჩაჩანიძისა – 50 კაპ., ლაზ. ტაბატაძე – 50 კაპ., სარ. მაჭარაშვილი – 50 კაპ., ილია ხარშილაძე – 50 კაპ., ვას. გაფრინდაშვილი – 50 კაპ.; მოსწავლეთაგან შემოწირულია 1 მან.

1913

ტიპი: ღონისძიება

1913 წლის პირველ იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას ზუგდიდის განყოფილების გამგეობამ გაუგზავნა ზუგდიდის განყოფილების 1914 წლის სავარაუდო გასავლის ანგარიში. დოკუმენტის მიხედვით, 1914 წელს წინა წლის ანგარიშის, კრებისთვის მოსაწვევი ბარათებისა და ოქმის წიგნის დასაბეჭდად საჭირო იყო 20 მან., კანცელარიისთვის კარადის შესაძენად – 10 მან., დეპეშებისთვის – 10 მან., საფოსტო ხარჯებისთვის – 50 მან. სულ 1914 წლის სავარაუდო გასავალი შეადგენდა 100 მანეთს. დოკუმენტს ხელს აწერენ ზუგდიდის განყოფილების გამგეობის თავმჯდომარე აქვსენტი ფაღავა, თავმჯდომარის ამხანაგი კლიმენტი ლორთქიფანიძე, გამგეობის მდივანი ნიკო ბუკია და გამგეობის წევრები: გიორგი ხერხეულიძე, კატო კედია და სოკრატე კეშილავა.

1898

ტიპი: ღონისძიება

1898 წლის 24 ნოემბერს ქართველთა შორის წერა-კითხვის გამარცელებელი საზოგადოების სხდომაზე მოხსენება გააკეთა დავით კარიჭაშვილმა, რომ ალექსანდრე როინაშვილის გარდაცვალების შემდეგ ივანე რატიევმა, ფ. ტარასოვმა, გიგო ზაზიაშვილმა და ასევე კავკასიის სააფთიაქო საქონლით მოვაჭრეთა ამხანაგობამ წარმოადგინა ანგარიში, რომლის თანახმადაც განსვენებულს მათი ვალი მართებდა. გარდა ამისა იოსებ მერკვილაძემ მოითხოვა განსვენებულის მუზეუმიდან დაებრუნებინათ მისი კუთვნილი სურათი, ხოლო ი. საიპოვის განცხადებით მას როინაშვილთან დატოვებული ჰქონდა ძვირფასი კრიალოსანი და ქინძისთავი, რომლის საფასურად აეღო 1000 მანეთი და ითხოვდა ხსენებული ნივთების უკან დაბრუნებას, რა თქმა უნდა, თანხის დაბრუნების პირობით. გამგეობამ თითოეული პიროვნების მოთხოვნა დააკმაყოფილა.

1898

ტიპი: ღონისძიება

1898 წლის 27 ოქტომბერს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, ექვთიმე თაყაიშვილი, გიორგი იოსელიანი და გრიგოლ ყიფშიძე. სხდომაზე მოხსენება გააკეთა წიგნების არჩევისა და ბეჭდვის კომისიამ, რომ დასაბეჭდად წარმოდგენილი წიგნი, რომელიც ნათარგმნი იყო სიმონ გრიაზნოვის მიერ, არ იყო სრულფასოვნად და გასაგებად თარგმნილი, ამიტომ მათი აზრით, ასეთი წიგნის დაბეჭდვა მიუღებელი იყო. გამგეობამ კომისიის მოსაზრება გაითვალისწინა და თარგმანი არ დაბეჭდა.

1898

ტიპი: ღონისძიება

1898 წლის 29 სექტემბერს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ნიკოლოზ ცხვედაძე, დავით კარიჭაშვილი, იაკობ გოგებაშვილი, ექვთიმე თაყაიშვილი, ალექსანდრე ჭყონია და გიორგი იოსელიანი. სხდომაზე გამგეობას თხოვნით მიმართა ქუთაისის საოსტატო სემინარიის კურსდამთავრებულმა გიორგი ლავრენტის ძე ბოკერიამ, რათა დაასაქმონ ის მასწავლებლად ან აღმზრდელად რომელიმე საზოგადოების სასწავლებელში. გამგეობამ სენაკის სკოლის ინსპექტორს სთხოვა გ. ბოკერია დაემტკიცებინა აღმზრდელის პოზიციაზე.

1898

ტიპი: ღონისძიება

1898 წლის პირველ დეკემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეჩვიდმეტე სხდომა, რომელსაც ესწრებოდნენ ნიკოლოზ ცხვედაძე, ილია ჭავჭავაძე, დავით კარიჭაშვილი, ალექსანდრე ჭყონია, ექვთიმე თაყაიშვილი, ივანე რატიშვილი და ივანე ზურაბიშვილი. სხდომაზე წარმოადგინეს დალმანის წერილი, რომლის თანახმად, ის მზადაა გამგეობას როინაშვილის მუზეუმიდან არჩეულ 10 ნივთში გადაუხადოს 2000 მანეთი. აღნიშნული საკითხი გამგეობას არ განუხილავს.

1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე, რომელსაც თავმჯდომარეობდა გიორგი ყაზბეგი, განიხილეს სოფელ ციხისფერდის სამკითხველოს წერილობითი თხოვნა ბიბლიოთეკის დახმარების შესახებ. გამგეობამ სოფელ ციხისფერდში არსებულ ბიბლიოთეკას გაუგზავნა ერთი ქართული გაზეთი, ჟურნალი „განათლება“ და 10 მანეთის წიგნები.

1912

ტიპი: ღონისძიება

1912 წლის 28 თებერვალს გაიმართა ქართველთა შორის წერა-კითხვის გამავრცელებელი საზოგადოების მერვე სხდომა გიორგი ყაზბეგის თავმჯდომარეობით. სხდომას ასევე ესწრებოდნენ: ლუარსაბ ბოცვაძე, შიო დედაბრიშვილი, ალექსანდრე ყიფშიძე, ფილიპე მგელაძე, დავით კარიჭაშვილი და სერგი გორგაძე.

1913

ტიპი: ღონისძიება

1913 წლის პირველ იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას ზუგდიდის განყოფილების გამგეობამ გაუგზავნა ზუგდიდის განყოფილების 1914 წლის სავარაუდო გასავლის ანგარიში. დოკუმენტის თანახმად, 1914 წლის განმავლობაში გამგეობას განზრახული ჰქონდა განყოფილებაში წევრთა შემომატება, თანხების მოზიდვა წარმოდგენების, სეირნობებისა და სხვა ღონისძიებების გამართვით, კიდევ ორი წიგნსაცავ-სამკითხველოს გახსნა ანაკლიასა და წალენჯიხაში (გარდა ხობისა და ქვალონის სამკითხველოებისა, რომლის გახსნის ნებართვა გამგეობას უკვე მიღებული ჰქონდა) და უპირველესი ამოცანა – 1914 წლის პირველი სექტემბრისთვის ზუგდიდში ქართული სკოლის გახსნა. დოკუმენტს ხელს აწერენ ზუგდიდის განყოფილების გამგეობის თავმჯდომარე აქვსენტი ფაღავა, თავმჯდომარის ამხანაგი კლიმენტი ლორთქიფანიძე, გამგეობის მდივანი ნიკო ბუკია და გამგეობის წევრები: გიორგი ხერხეულიძე, კატო კედია და სოკრატე კეშილავა.