1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე გამგეობას წიგნების შეძენის თაობაზე თხოვნით მიმართა მღვდელმა ვასილ კარბელაშვილმა. გამგეობამ ვ. კარბელაშვილის წიგნების სიის გადამოწმება და საფასურის თაობაზე მასთან მოლაპარაკება დაავალა დავით კარიჭაშვილს და სერგი გორგაძეს.

1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე, რომელსაც თავმჯდომარეობდა გიორგი ყაზბეგი, გამგეობას თხოვნით მიმართა ავლაბრის ბიბლიოთეკის გამგემ, რომ ბიბლიოთეკისთვის სესხად დაეთმოთ 100 მანეთი, სანამ ქალაქის გამგეობისგან აიღებდა დანიშნულ სუბსიდიას. გამგეობამ გამგის თხოვნა დააკმაყოფილა და სესხად გასცა 10 თუმანი.

1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს საკითხი მარიამ საფაროვა-აბაშიძის იუბილეში მონაწილეობის შესახებ. აღნიშნულ საკითხთან დაკავშირებით გამგეობამ გადაწყვიტა, რომ მოეძიებინათ მისამართი და მარიამ საფაროვა-აბაშიძის იუბილეს საზოგადოების სახელით დასწრებოდნენ შალვა მიქელაძე და იპოლიტე ვართაგავა.

ტიპი: ღონისძიება

სოფელ კორბოულის სამრევლო სკოლის მასწავლებელი – მღვდელი სერგო მაჭარაშვილი – გაზეთ „ისრის" რედაქციას უგზავნის ილიას ფონდისთვის სკოლაში შეგროვებულ 10 მანეთსა და შემომწირველთა სიას. მასწავლებელნი: მღვდელი სერ. მაჭარაშვილი – 2 მან., ლავ. ხარშილაძე – 1 მან., დომ. მაჭარაშვილი – 1 მან., მღვდელი ლ. მაჭარაშვილი – 1 მან., ჭ. ბურჯანაძე – 1 მან., სარ. ჩაჩანიძე – 50 კაპ., მარ. ჩაჩანიძისა – 50 კაპ., ლაზ. ტაბატაძე – 50 კაპ., სარ. მაჭარაშვილი – 50 კაპ., ილია ხარშილაძე – 50 კაპ., ვას. გაფრინდაშვილი – 50 კაპ.; მოსწავლეთაგან შემოწირულია 1 მან.

1913

ტიპი: ღონისძიება

1913 წლის პირველ იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას ზუგდიდის განყოფილების გამგეობამ გაუგზავნა ზუგდიდის განყოფილების 1914 წლის სავარაუდო გასავლის ანგარიში. დოკუმენტის მიხედვით, 1914 წელს წინა წლის ანგარიშის, კრებისთვის მოსაწვევი ბარათებისა და ოქმის წიგნის დასაბეჭდად საჭირო იყო 20 მან., კანცელარიისთვის კარადის შესაძენად – 10 მან., დეპეშებისთვის – 10 მან., საფოსტო ხარჯებისთვის – 50 მან. სულ 1914 წლის სავარაუდო გასავალი შეადგენდა 100 მანეთს. დოკუმენტს ხელს აწერენ ზუგდიდის განყოფილების გამგეობის თავმჯდომარე აქვსენტი ფაღავა, თავმჯდომარის ამხანაგი კლიმენტი ლორთქიფანიძე, გამგეობის მდივანი ნიკო ბუკია და გამგეობის წევრები: გიორგი ხერხეულიძე, კატო კედია და სოკრატე კეშილავა.

1898

ტიპი: ღონისძიება

1898 წლის 24 ნოემბერს ქართველთა შორის წერა-კითხვის გამარცელებელი საზოგადოების სხდომაზე მოხსენება გააკეთა დავით კარიჭაშვილმა, რომ ალექსანდრე როინაშვილის გარდაცვალების შემდეგ ივანე რატიევმა, ფ. ტარასოვმა, გიგო ზაზიაშვილმა და ასევე კავკასიის სააფთიაქო საქონლით მოვაჭრეთა ამხანაგობამ წარმოადგინა ანგარიში, რომლის თანახმადაც განსვენებულს მათი ვალი მართებდა. გარდა ამისა იოსებ მერკვილაძემ მოითხოვა განსვენებულის მუზეუმიდან დაებრუნებინათ მისი კუთვნილი სურათი, ხოლო ი. საიპოვის განცხადებით მას როინაშვილთან დატოვებული ჰქონდა ძვირფასი კრიალოსანი და ქინძისთავი, რომლის საფასურად აეღო 1000 მანეთი და ითხოვდა ხსენებული ნივთების უკან დაბრუნებას, რა თქმა უნდა, თანხის დაბრუნების პირობით. გამგეობამ თითოეული პიროვნების მოთხოვნა დააკმაყოფილა.

1898

ტიპი: ღონისძიება

1898 წლის 27 ოქტომბერს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, ექვთიმე თაყაიშვილი, გიორგი იოსელიანი და გრიგოლ ყიფშიძე. სხდომაზე მოხსენება გააკეთა წიგნების არჩევისა და ბეჭდვის კომისიამ, რომ დასაბეჭდად წარმოდგენილი წიგნი, რომელიც ნათარგმნი იყო სიმონ გრიაზნოვის მიერ, არ იყო სრულფასოვნად და გასაგებად თარგმნილი, ამიტომ მათი აზრით, ასეთი წიგნის დაბეჭდვა მიუღებელი იყო. გამგეობამ კომისიის მოსაზრება გაითვალისწინა და თარგმანი არ დაბეჭდა.

1898

ტიპი: ღონისძიება

1898 წლის 29 სექტემბერს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ნიკოლოზ ცხვედაძე, დავით კარიჭაშვილი, იაკობ გოგებაშვილი, ექვთიმე თაყაიშვილი, ალექსანდრე ჭყონია და გიორგი იოსელიანი. სხდომაზე გამგეობას თხოვნით მიმართა ქუთაისის საოსტატო სემინარიის კურსდამთავრებულმა გიორგი ლავრენტის ძე ბოკერიამ, რათა დაასაქმონ ის მასწავლებლად ან აღმზრდელად რომელიმე საზოგადოების სასწავლებელში. გამგეობამ სენაკის სკოლის ინსპექტორს სთხოვა გ. ბოკერია დაემტკიცებინა აღმზრდელის პოზიციაზე.

1898

ტიპი: ღონისძიება

1898 წლის პირველ დეკემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეჩვიდმეტე სხდომა, რომელსაც ესწრებოდნენ ნიკოლოზ ცხვედაძე, ილია ჭავჭავაძე, დავით კარიჭაშვილი, ალექსანდრე ჭყონია, ექვთიმე თაყაიშვილი, ივანე რატიშვილი და ივანე ზურაბიშვილი. სხდომაზე წარმოადგინეს დალმანის წერილი, რომლის თანახმად, ის მზადაა გამგეობას როინაშვილის მუზეუმიდან არჩეულ 10 ნივთში გადაუხადოს 2000 მანეთი. აღნიშნული საკითხი გამგეობას არ განუხილავს.

1912

ტიპი: ღონისძიება

1912 წლის 5 იანვარს ქართველთა შორის წერა-კითხვის გამავრცელებელი საზოგადოების სხდომაზე, რომელსაც თავმჯდომარეობდა გიორგი ყაზბეგი, განიხილეს სოფელ ციხისფერდის სამკითხველოს წერილობითი თხოვნა ბიბლიოთეკის დახმარების შესახებ. გამგეობამ სოფელ ციხისფერდში არსებულ ბიბლიოთეკას გაუგზავნა ერთი ქართული გაზეთი, ჟურნალი „განათლება“ და 10 მანეთის წიგნები.

1912

ტიპი: ღონისძიება

1912 წლის 28 თებერვალს გაიმართა ქართველთა შორის წერა-კითხვის გამავრცელებელი საზოგადოების მერვე სხდომა გიორგი ყაზბეგის თავმჯდომარეობით. სხდომას ასევე ესწრებოდნენ: ლუარსაბ ბოცვაძე, შიო დედაბრიშვილი, ალექსანდრე ყიფშიძე, ფილიპე მგელაძე, დავით კარიჭაშვილი და სერგი გორგაძე.

1913

ტიპი: ღონისძიება

1913 წლის პირველ იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას ზუგდიდის განყოფილების გამგეობამ გაუგზავნა ზუგდიდის განყოფილების 1914 წლის სავარაუდო გასავლის ანგარიში. დოკუმენტის თანახმად, 1914 წლის განმავლობაში გამგეობას განზრახული ჰქონდა განყოფილებაში წევრთა შემომატება, თანხების მოზიდვა წარმოდგენების, სეირნობებისა და სხვა ღონისძიებების გამართვით, კიდევ ორი წიგნსაცავ-სამკითხველოს გახსნა ანაკლიასა და წალენჯიხაში (გარდა ხობისა და ქვალონის სამკითხველოებისა, რომლის გახსნის ნებართვა გამგეობას უკვე მიღებული ჰქონდა) და უპირველესი ამოცანა – 1914 წლის პირველი სექტემბრისთვის ზუგდიდში ქართული სკოლის გახსნა. დოკუმენტს ხელს აწერენ ზუგდიდის განყოფილების გამგეობის თავმჯდომარე აქვსენტი ფაღავა, თავმჯდომარის ამხანაგი კლიმენტი ლორთქიფანიძე, გამგეობის მდივანი ნიკო ბუკია და გამგეობის წევრები: გიორგი ხერხეულიძე, კატო კედია და სოკრატე კეშილავა.

1898

ტიპი: ღონისძიება

1898 წლის 6 ოქტომბერს ქართველთა შორის წერა-კითხვის გამავრცელებელი საზოგადოების ოცდამეცხრე სხდომაზე მოხსენება გააკეთეს გრიგოლ ყიფშიძემ და ალექსანდრე ჭყონიამ, რომ წინააღმდეგნი იყვნენ გამგეობას შემწეობა დაენიშნა პედაგოგ ილურიძისთვის, რადგან გამგეობას არ გააჩნდა საკმარისი ქონება.

1898

ტიპი: ღონისძიება

1898 წლის 6 ოქტომბერს ქართველთა შორის წერა-კითხვის გამავრცელებელი საზოგადოების ოცდამეცხრე სხდომაზე გამგეობას თხოვნით მიმართა ტიტე კახიძემ, რომ დაესახელებინათ რომელიმე სანდო პირი ალაგირის სკოლაში სამუშაოდ, რომელსაც დაუნიშნავდნენ 300 მანეთს, ასევე უზრუნველყოფდნენ შეშით, წყლით და სახლით, სადაც ეყოლებოდა მოსამსახურე. შესაფერისი პიროვნების არჩევა გამგეობამ დავით კარიჭაშვიილს დაავალა.

1898

ტიპი: ღონისძიება

1898 წლის 7 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეოთხე სხდომა. სხდომაზე განცხადება გააკეთა ეკატერინე რუსიეშვილმა, რომ არ შეეძლო გომარეთის სკოლაში გადასვლა და მოითხოვა მასწავლებლად დაეტოვებინათ წინარეხის სკოლაში. გამგეობამ მისი თხოვნა არ დააკმაყოფილა, რაზედაც საზოგადოების წევრებმა: ილია ჭავჭავაძემ, ეკატერინე გაბაშვილმა, ივანე რატიშვილმა, ივანე ზურაბიშვილმა და ივანე აბაშიძემ განაცხადეს, რომ პედაგოგი უნდა გადაეყვანათ არა გომარეთის სკოლაში, არამედ სხვა ადგილას.

1898

ტიპი: ღონისძიება

1898 წლის 7 სექტემბერს ქართველთა შორის წერა-კითხვის გამავრცელებელი საზოგადოების სხდომაზე მოხსენება გააკეთა დავით კარიჭაშვილმა, რომ მიხეილ საბინინისთვის უნდა ეცნობებინათ პასუხი მის მიერ გამოგზავნილი კლიშეების თაობაზე. გამგეობამ საკითხი განსახილველად მომდევნო სხდომისთვის გადადო.

1898

ტიპი: ღონისძიება

1898 წლის 19 მაისს გაიმართა ქართველთა შორის წერა-კითხვის გამავრცელებელი საზოგადოების მეთექვსმეტე სხდომა, რომელსაც ესწრებოდნენ დავით კარიჭაშვილი, ნიკო მთვარელიშვილი, გიორგი იოსელიანი, ივანე რატიშვილი, ალექსანდრე ჭყონია, იაკობ გოგებაშვილი, ეკატერინე გაბაშვილი და ანასტასია წერეთელი. სხდომაზე მოხსენება გააკეთა ნიკოლოზ ცხვედაძემ, რომ გამგეობას მადლობა უნდა გამოეცხადებინა სამღვდელოებისთვის ალექსანდრე როინაშვილის დაკრძალვასა და პანაშვიდზე უსასყიდლოდ ჩატარებული მსახურების გამო. გამგეობამ თანხმობა განაცხადა.

1898

ტიპი: ღონისძიება

1898 წლის 7 სექტემბერს გაიმართა ქართველთა შორის წერა-კითხვის გამავრცელებელი საზოგადოების სხდომა. სხდომაზე იაკობ გოგებაშვილმა გამგეობას მიმართა, რომ ქუთაისის სკოლის პედაგოგი თომა მთავრიშვილი დაეჯილდოვებინათ პროგიმნაზიულ კლასებში გადაყვანით ან გაკვეთილების შემცირებით ჯამაგირის შეუმცირებლად. გამგეობას ამ საკითხთან დაკავშირებით გადაწყვეტილება არ მიუღია.

1898

ტიპი: ღონისძიება

1898 წლის 18 სექტემბერს გაიმართა ქართველთა შორის წერა-კითხვის გამავრცელებელი საზოგადოების სხდომა, რომელსაც ესწრებოდნენ ნიკოლოზ ცხვედაძე, დავით კარიჭაშვილი, ივანე რატიშვილი და ექვთიმე თაყაიშვილი. სხდომაზე წარმოადგინეს ცნობა წლიური ხარჯთაღრიცხვისა, რომლის მიხედვითაც გამგეობას სკოლის, ბიბლიოთეკის და სხვათა შემწეობისთვის შენახული ჰქონდა 600 მანეთი, ხოლო დახარჯული ჰქონდა 462.96 მანეთი.

1898

ტიპი: ღონისძიება

1898 წლის 25 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამესამე სხდომა, რომელსაც ესწრებოდნენ დავით კარიჭაშვილი, ალექსანდრე ჭყონია, იაკობ გოგებაშვილი, ექვთიმე თაყაიშვილი, კიტა აბაშიძე, ვანო ზურაბიშვილი და გრიგოლ ყიფშიძე. სხდომაზე წარმოადგინეს 1-ლი აგვისტოდან 24 აგვისტოს ჩათვლით საზოგადოების შემოსავალ-გასავლის ანგარიში.

1898

ტიპი: ღონისძიება

1898 წლის 14 აპრილს გაიმართა ქართველთა შორის წერა-კითხვის გამავრცელებელი საზოგადოების მეთერთმეტე სხდომა. სხდომაზე წარმოადგინეს პირველი და მეორე სახალხო ბიბლიოთეკის შემოსავალ-გასავლის ანგარიში, რომელიც გამგეობამ საზოგადოების ანგარიშში ჩაწერა და ასევე დავით კარიჭაშვილს, ანასტასია წერეთლისას და ნიკო მთვარელიშვილს დაევალათ, რომ მეორე სახალხო ბიბლიოთეკის ანგარიში პირადად შეემოწმებინათ.

1898

ტიპი: ღონისძიება

1898 წლის 12 ივნისს ქართველთა შორის წერ-კითხვის გამავრცელებელი საზოგადოების მეცხრამეტე სხდომაზე მიიღეს კავკავის სკოლის უწყებები, პროგრამები და წერილობითი ნამუშევრები. ასევე ტიტე კახიძემ წარმოადგინა სკოლის სასარგებლოდ გამართული საქველმოქმედო ღონისძიების შემოსავალ-გასავლის ანგარიში. გამგეობამ პროგრამების და უწყებების განხილვა დაავალა იაკობ გოგებაშვილს, ხოლო საქველმოქმედო ღონისძიებაში მონაწილე პირებს მადლობა გამოუცხადა.

1898

ტიპი: ღონისძიება

1898 წლის 21 აპრილს გაიმართა ქართველთა შორის წერა-კითხვის გამავრცელებელი საზოგადოების მეთორმეტე სხდომა. სხდომაზე გამგეობას თხოვნით მიმართა თომა მთავრიშვილმა, რომ 6 თუმნის წიგნები გაეგზავნათ ზუგდიდის მაზრის სოფელ აბაშის მღვდელ იესესთან და ასევე ქუთაისის მაზრის სოფელ ზუბში. საკითხი გამგეობას არ განუხილავს.

1898

ტიპი: ღონისძიება

1898 წლის 30 მარტს გაიმართა ქართველთა შორის წერა-კითხვის გამავრცელებელი საზოგადოების მეათე სხდომა. სხდომაზე წარმოადგინეს წერილი, რომლითაც ელენე აბულაძემ, ნ. ბაქრაძემ და ალექსანდრე ქართველიშვილმა შეატყობინეს გამგეობას, რომ გამოაგზავნეს 380.90 მანეთი, რომელიც აიღეს განჯაში საზოგადოების სასარგებლოდ გამართულ წარმოდგენაში. გამგეობამ მათ მადლობა გამოუცხადა.

1887

ტიპი: ღონისძიება

1887 წლის ანგარიშის მიხედვით, იოსებ ზუბალაშვილს ქართველთა შორის წერა-კითხვის გამავრცელებელი საზოგადოებისთვის 300 მანეთი ჰქონდა ერთბაშად გადახდილი.