რეგისტრირებული ფაქტები46478
ფილტრი:
სორტირება ახალი ჩანაწერების მიხედვით
1906
ტიპი: ღონისძიება
1906 წელს გაზეთ „ცნობის ფურცელში“ გამოქვეყნდა ილია ჭავჭავაძის მიერ შედგენილი „ქართველ ავტონომისტთა კონსტიტუციონალ-დემოკრატიული პარტიის“ პროგრამა.
1905
ტიპი: ღონისძიება
1905 წელს ილია ჭავჭავაძეს სურდა, რომ შეექნმა სახალხო პარტია, რომელშიც გაერთიანდებოდა მოსახლეობა სოციალური კლასის, სარწმუნობის და წარმომავლობის განურჩევლად. ეს იდეა შეესაბამებოდა ჭავჭავაძის განმანათლებლურ მოძღვრებას და ერის მთლიანობის იდეას.
1884
ტიპი: ღონისძიება
1884 წლის 25 აპრილს პოლიციის დეპარტამენტმა ილია ჭავჭავაძეზე ფარული მეთვალყურეობა დააწესა. ილიას სახელზე გაიხსნა საქმე, რომელშიც დაიწერა მონაცემები მისი გადაადგილების შესახებ.
1884
ტიპი: ღონისძიება
1884 წელს პეტერბურგში მყოფ ილია ჭავჭავაძეს სტუდენტები: ექვთიმე თაყაიშვილი, მიხაკო მღვდლიშვილი და ალექსანდრე ლორთქიფანიძე ესტუმრნენ.
1884
ტიპი: ღონისძიება
1884 წელს ექვთიმე თაყაიშვილმა, მიხაკო მღვდლიშვილმა და ალექსანდრე ლორთქიფანიძემ პეტერბურგში, ლიტერატურულ–დრამატულ საღამოზე შემოსული სამი ათასი მანეთი ვასილ მაჩაბელს ქართველთა შორის წერა-კითხვის გამავრცელებელ საზოგადოებაში შესანახად გამოატანეს.
1884
ტიპი: ღონისძიება
1884 წლის 10 მარტს ილია ჭავჭავაძემ პეტერბურგიდან თბილისში კავკასიის საცენზურო კომიტეტს „ივერიის“ მეორე ნომრის გამოშვების ნებართვისთვის წერილი გაუგზავნა და შეატყობინა, რომ მის მოვალეობას გრიგოლ ყიფშიძე შეასრულებდა.
1884
ტიპი: ღონისძიება
1884 წლის 22 თებერვალს პეტერბურგში მყოფ ილია ჭავჭავაძეს შაქრო მაღალაშვილის მამულის გაყიდვის შესახებ ინფორმაცია იაკობ მანსვეტაშვილმა წერილობით შეატყობინა.
1906
ტიპი: ღონისძიება
1906 წლის იანვარში ილარიონ ვორონცოვ-დაშკოვმა პეტერბურგიდან თბილისში დაბრუნებულ გიორგი ჟურულს დაუდასტურა, რომ საქართველოში უცხო ეროვნების ხალხზე მიწის გაცემა პრობლემა იყო, მაგრამ რუსეთიდან გლეხების გადმოსახლება და მათთვის მიწების საკუთრებაში გადაცემა არ შეწყდებოდა.
1906
ტიპი: ღონისძიება
1906 წელს გიორგი ჟურულმა საკუთარ მოგონებებში დაწერა, რომ თბილისში ილარიონ ვორონცოვ-დაშკოვთან საუბრის შემდეგ იგი მიხვდა, რომ რუსეთის ხელისუფლებასთან საუბარი უშედეგო იყო, ომი და სისხლისღვრა კი — გარდაუვალი.
1906
ტიპი: ღონისძიება
1906 წლის იანვარში ილარიონ ვორონცოვ-დაშკოვმა პეტერბურგიდან თბილისში დაბრუნებულ გიორგი ჟურულს სთხოვა, რომ მისთვის წერილობით წარედგინა მოხსენება ქართველი გლეხებისთვის მიწის სიმცირის შესახებ.
1906
ტიპი: ღონისძიება
1906 წლის იანვარში ილია ჭავჭავაძე და გიორგი ჟურული პეტერბურგიდან თბილისში დაბრუნების შემდეგ ილარიონ ვორონცოვ-დაშკოვმა შეხვედრაზე მიიწვია.
1884
ტიპი: ღონისძიება
1884 წლის 21 იანვრის გაზეთ „დროებაში“ დაიბეჭდა ინფორმაცია, რომ გრიგოლ არწრუნის თეატრში სათაურით „გლახა ჭრიაშვილი“ ილია ჭავჭავაძის „გლეხთა განთავისუფლების პირველ-დროების სცენებს“ წარმოადგენდნენ, დივერტისმენტად კი – „განდეგილს“.
1884
ტიპი: ღონისძიება
1884 წლის 9 მარტს კავკასიის საცენზურო კომიტეტმა „ივერიის“ რედაქციას ილია ჭავჭავაძის თბილისში დაბრუნებამდე ჟურნალის მეორე ნომრის შეჩერების შესახებ შეტყობინება გაუგზავნა.
1905
ტიპი: ღონისძიება
1905 წელს კავკასიის სამეფისნაცვლოდან დეპუტატების ასარჩევად პეტერბურგში გამართულ სხდომაზე სიტყვით გამოსვლის შემდეგ ილია ჭავჭავაძეს დავით მელიქიშვილი პირადად ეწვია და რუსეთის ხელისუფლებასთან მუქარის ტონით საუბრის გამო საყვედური გამოუცხადა.
1884
ტიპი: ღონისძიება
1884 წლის 6 თებერვალს რუსეთის საადგილმამულო საკრედიტო დაწესებულებების წარმომადგენელთა მე-5 ყრილობის მასალებში ილია ჭავჭავაძის სიტყვა დაიბეჭდა.
1898
ტიპი: ღონისძიება
1898 წლის 22 თებერვალს სვეტიცხოვლის ტაძარში ილია ჭავჭავაძე დაესწრო მეფე ერეკლე მეორის მოსახსენიებელ წირვასა და პანაშვიდს.
1898
ტიპი: ღონისძიება
1898 წლის 11 იანვარს ილია ჭავჭავაძე დაესწრო მეფე ერეკლე მეორის მოსახსენიებელ წირვასა და პანაშვიდს სიონის საკათედრო ტაძარში.
1898
ტიპი: ღონისძიება
1898 წლის 3 იანვარს ილია ჭავჭავაძე დაესწრო ილია ოქრომჭედლიშვილის პანაშვიდს და გვირგვინით შეამკო მისი ცხედარი.
1897
ტიპი: ღონისძიება
1897 წლის 2 ნოემბრის გაზეთი „ცნობის ფურცელი“ იუწყება, რომ 12 საათზე სათავადაზნაურო ბანკის დარბაზში გაიმართებოდა ილია ჭავჭავაძის მოღვაწეობის 40 წლისთავის აღსანიშნად შემდგარი საიუბილეო კომიტეტისა და საზოგადოების კრება.
1884
ტიპი: ღონისძიება
1884 წლის 6 თებერვალს ილია ჭავჭავაძემ რუსეთის სამიწათმოქმედო საკრედიტო დაწესებულებების წარმომადგენელთა კომიტეტს სთხოვა, გაეზიარებინათ თავიანთი მოსაზრება V ყრილობის შრომებთან დაკავშირებით.
1892
ტიპი: ღონისძიება
1892 წლის 14 აპრილს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ბესარიონ ლომინაძეს, ბესარიონ ნიჟარაძესა და ვასილ ბიბილაშვილს მადლობა გადაუხადეს ხელნაწერი წიგნის, სვანეთში ნაპოვნი ორი ისრისა და ორი ხელნაწერი რვეულის გადაცემისთვის.
1885
ტიპი: ღონისძიება
1885-1888 წლებში ვლადიმერ (ლადო) დიმიტრის ძე აღნიაშვილმა შექმნა ქართული ხალხური სიმღერების ეთნოგრაფიული გუნდი „ქართული ხორო“.
1877
ტიპი: ღონისძიება
1877 წლის 25-26 აპრილს ილია ჭავჭავაძე თბილისის სათავადაზნაურო ბანკის კრებას დაესწრო. კრებაზე 1876 წლის საქმიანობის ანგარიში და ბანკის წესდების ცვლილების პროექტი განიხილეს.
1892
ტიპი: ღონისძიება
1892 წლის 12 აპრილს ილია ჭავჭავაძე ნიკოლოზ თადეოზის ძე ხიზანიშვილთან ერთად დავით გიორგის ძე ერისთავის „სამშობლოს“ წარმოდგენას დაესწრო.
1877
ტიპი: ღონისძიება
1877 წლის 12 მარტს თბილისის სათავადაზნაურო ბანკის ზედამხედველმა კომიტეტმა ილია ჭავჭავაძესთან ერთად ბანკის წლიური ანგარიში დაამტკიცა.