რეგისტრირებული ფაქტები46478
ფილტრი:
სორტირება ახალი ჩანაწერების მიხედვით
1892
ტიპი: ღონისძიება
1892 წლის 17 მარტს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე მადლობა გადაუხადეს თბილისის ფოსტა-ტელეგრაფის უფროსს ყაზბეგში შემოწირულობების ყუთის დადგმაში დახმარებისთვის.
1876
ტიპი: ღონისძიება
1876 წლის 17 სექტემბერს ილია ჭავჭავაძეს კავკასიის მეფისნაცვლის მთავარმა სამმართველომ 1877 წლის პირველი იანვრიდან გაზეთ „ივერიის“ გამოცემის უფლება მისცა.
1877
ტიპი: ღონისძიება
1877 წელს ილია ჭავჭავაძემ თარგმნა დავით ჩუბინაშვილის ნარკვევი „ეთნოგრაფიული განხილვა ძველთა და ახალთა კაპადოკიის ან ჭანეთის მკვიდრთა მოსახლეთა“.
1884
ტიპი: ღონისძიება
1884 წლის 21 მაისს თბილისის გუბერნატორის კანცელარიაში გაიხსნა საიდუმლო საქმე და 1884 წლის 14 ივლისიდან 1885 წლის 9 ივლისამდე ილია ჭავჭავაძეზე პოლიციის ზედამხედველობა დაწესდა.
1884
ტიპი: ღონისძიება
1884 წლის 12 მაისის გაზეთ „დროებაში“ თბილისის სათავადაზნაურო საადგილმამულო ბანკის კრების ანგარიში დაიბეჭდა, რომელშიც ჩართული იყო ილია ჭავჭავაძის ვრცელი სიტყვა სარევიზიო კომისიის ანგარიშთან და ბანკის არსებობის ცხრა წლის მანძილზე მის მუშაობასთან დაკავშირებით.
1884
ტიპი: ღონისძიება
1884 წლის 10 მაისს ილია ჭავჭავაძე თბილისის სათავადაზნაურო საადგილმამულო ბანკის კრებას თავმჯდომარეობდა.
1884
ტიპი: ღონისძიება
1884 წლის 9 მაისს ილია ჭავჭავაძემ თბილისის სათავადაზნაურო ბანკის კრებაზე ციფრებით აჩვენა ბანკის მოგების მაჩვენებლები განვლილი ცხრა წლის მანძილზე და განაცხადა, რომ 60-70 ათასი მანეთის ზარალი არაფერი იყო 350 000 მანეთის მოგებასთან შედარებით, რომელიც ბანკმა მოიტანა.
1884
ტიპი: ღონისძიება
1884 წლის 9 მაისს ილია ჭავჭავაძე თბილისის სათავადაზნაურო საადგილმამულო ბანკის კრებას თავმჯდომარეობდა.
1884
ტიპი: ღონისძიება
1884 წლის 8 მაისს ილია ჭავჭავაძე თავმჯდომარეობდა თბილისის საადგილმამულო- სათავადაზნაურო ბანკის კრებას, რომელზეც მიიღეს გადაწყვეტილება, რომ ერთი წლის მანძილზე კიდევ დაეტოვებინათ მამებისთვის თავიანთი საარჩევნო ხმების შვილებისთვის გადაცემის უფლება.
1884
ტიპი: ღონისძიება
1884 წლის 31 მაისს ილია ჭავჭავაძემ არტურ ლაისტის საპატივცემულო სადილზე, რომელიც პირველ ივნისს გაიმართებოდა რაფიელ ერისთავი, იაკობ გოგებაშვილი, აკაკი წერეთელი, გიორგი თუმანიშვილი, ალექსანდრე სარაჯიშვილი, ექვთიმე თაყაიშვილი, პეტრე უმიკაშვილი, ივანე მაჩაბელი, ეკატერინე გაბაშვილი და სხვა ქართველი მოღვაწეები მიიპატიჟა.
1884
ტიპი: ღონისძიება
1884 წლის მაისში ილია ჭავჭავაძემ მონაწილეობა მიიღო თბილისის გუბერნიის ხელმოკლე მოსწავლეთა შემწეობისთვის მოწვეულ თავადაზნაურთა კრებაში და აირჩიეს კომისიაში, რომელსაც ევალებოდა შეემუშავებინა სათავადაზნაურო სკოლის მიმართულების საკითხი.
1884
ტიპი: ღონისძიება
1884 წლის 26 მარტს ილია ჭავჭავაძის თბილისში არყოფნის გამო დაგვიანებით გამოვიდა ჟურნალ „ივერიის“ მეორე ნომერი.
1884
ტიპი: ღონისძიება
1884 წლის 15 მარტს ილია ჭავჭავაძე პეტერბურგში ყოფნის გამო დიმიტრი სტაროსელსკის დაკრძელვას ვერ დაესწრო.
1884
ტიპი: ღონისძიება
1884 წლის 11 თებერვლის გაზეთ „დროებაში“ დაიბეჭდა დასასრული რეცენზიისა ჟურნალ „ივერიის“ 1883 წლის მეთერთმეტე და მეთორმეტე ნომრებში გამოქვეყნებულ მასალებზე, მათ შორის ილია ჭავჭავაძის „შინაურ მიმოხილვაზე“.
1892
ტიპი: ღონისძიება
1892 წლის 5 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე დააკმაყოფილეს ანასტასია თუმანიშვილის თხოვნა ლატარეის გასამართად თანხის გამოყოფის შესახებ.
1892
ტიპი: ღონისძიება
1892 წლის 26 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე წინარეხის სკოლის კურსდამთავრებული რვა მოსწავლის წიგნებით დაჯილდოება გადაწყვიტეს.
1892
ტიპი: ღონისძიება
1892 წლის 19 აპრილის შემდეგ გაზეთ „ნოვოე ობოზრენიეში“ განხილული იყო ივანე მაჩაბლის წიგნი „თ. ილია ჭავჭავაძე და იმისი მოღვაწეობა“.
1892
ტიპი: ღონისძიება
1892 წლის 26 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე გამოსაცემად წარმოდგენილი თარგმანები ალექსანდრე ივანოვის „ცა და დედამიწა“ და ნიკოლოზ ლესკოვის „მშვენიერი აზა“ სარეცენზიოდ გიორგი იოსელიანსა და ექვთიმე თაყაიშვილს გადასცეს.
1892
ტიპი: ღონისძიება
1892 წლის 16 მაისს ილია ჭავჭავაძე დაესწრო თბილისის თავად-აზნაურთა საადგილმამულო ბანკის წევრთა წლიურ კრებას, რომელზეც განმარტეს ქარვასლის ვალის დაჩქარებით გადახდისა და დივიდენდის გაუქმების საჭიროება.
1892
ტიპი: ღონისძიება
1892 წლის 14 აპრილს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ნიკოლოზ ვასილის ძე მთვარელიშვილმა წაიკითხა დასკვნა მისთვის სარეცენზიოდ გადაცემული შემდეგი რუსული წიგნების შესახებ: „მოთხრობები მიწასა და ცაზე“, „მინდვრებისა და ტყეებისთვის მავნე მწერების შესახებ“, „მიწისძვრებსა და ცეცხლისმფრქვეველ მთებზე“, „სითბოსა და ჰაერზე“, „წყლის სამ ფორმაზე“, „საუბრები ბუნებაზე“ და „ღვთიურ სამყაროზე“.
1892
ტიპი: ღონისძიება
1892 წლის 5 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ილია ჭავჭავაძემ განაცხადა, რომ დიმიტრი ბაქრაძის, ნიკოლოზ ბარათაშვილის, იოსებ დავითაშვილის, ალექსანდრე ყაზბეგისა და მამია გურიელის ფონდების დასაარსებლად „ივერიის“ რედაქციაში შეგროვებული თანხა ექვსი თვით საკომერციო ბანკში შეიტანა, რათა 3 პროცენტით გაზრდილიყო.
1892
ტიპი: ღონისძიება
1892 წლის 10 მარტს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე წიგნით ვაჭრობის ინსპექტორის მიერ საზოგადოების მაღაზიებში აღმოჩენილ ხარვეზებზე იმსჯელეს.
1877
ტიპი: ღონისძიება
1877 წლის 15 ნოემბერს ილია ჭავჭავაძე დაესწრო სათავადაზნაურო ბანკის დამფუძნებელ წევრთა კრებას, რომელზეც ბანკის მოგების საზოგადოების სასარგებლოდ განაწილების საკითხი განიხილეს.
1892
ტიპი: ღონისძიება
1892 წლის 14 მაისს თბილისის თავად-აზნაურთა საადგილმამულო ბანკის წევრთა წლიურ კრებაზე ილია ჭავჭავაძემ განმარტა, რომ თბილისის ბანკისთვის დაფასების წესების შედგენისას იხელმძღვანელეს პეტერბურგში იმპერიის სხვადასხვა ბანკის წარმომადგენელთა კრებაზე მიღებული და მინისტრის მიერ დამტკიცებული საერთო გადაწყვეტილებებით, მაგრამ დაამატეს მცირეოდენი ნიუანსები ადგილობრივი სპეციფიკის გათვალისწინებით. ილიამ ბანკის წევრებს შესთავაზა ამ წესების მიღება ერთი წლით და შემდეგ მათი გადახედვა.