ქშწკგს პროსოპოგრაფია

ფაქტები

რეგისტრირებული ფაქტები46478

ფილტრი:
ფაქტის ტიპი ღონისძიება

1892

ტიპი: ღონისძიება

1892 წლის 17 მაისს თბილისის სათავადაზნაურო ბანკის წევრთა წლიურ კრებაზე ილია ჭავჭავაძე არ დაეთანხმა ბანკის წევრების მოთხოვნებს მსესხებლებისთვის შეღავათების მიცემისა და ჯარიმების აკრძალვების შესახებ.

1891

ტიპი: ღონისძიება

1891 წელს პეტერბურგში გამოვიდა ილია ჭავჭავაძის ლექსზე „ნანა“ მელიტონ ბალანჩივაძის მიერ შექმნილი რომანსის ნოტები. ტექსტი იყო ქართულ და რუსულ ენებზე. რუსული თარგმანი ეკუთვნოდა იაკობ ივაშკევიჩს.

1878

ტიპი: ღონისძიება

1878 წლის 23 თებერვალს გაზეთ „ივერიაში“ ავტორისა და მთარგმნელის მიუთითებლად ილია ჭავჭავაძის მიერ თარგმნილი ჯურა იაკშიჩის მოთხრობის „შვილი მოხუცებულის გამზისა“ მესამე ნაწილი გამოქვეყნდა.

1892

ტიპი: ღონისძიება

1892 წლის 5 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე სკოლების შესამოწმებლად რევიზორებად დანიშნეს ნიკოლოზ მთვარელიშვილი, იაკობ გოგებაშვილი, ალექსი ჭიჭინაძე და ექვთიმე თაყაიშვილი.

1892

ტიპი: ღონისძიება

1892 წლის 14 მაისს თბილისის სათავადაზნაურო ბანკის წევრთა წლიურ კრებაზე ილია ჭავჭავაძემ დამსწრეთ განუმარტა, რომ ბანკის შესატანის უსაზღვროდ გადავადება არ შეიძლებოდა, რადგან ამ თანხას გირავნობის ფურცელთა მეპატრონეების მოთხოვნები უნდა დაეკმაყოფილებინა.

1892

ტიპი: ღონისძიება

1892 წლის აპრილში გაზეთ „ნოვოე ობოზრენიეში“ ვლადიმერ სიმონის ძე მიქელაძემ ვეტერანის ფსევდონიმით გამოაქვეყნა ვრცელი რეცენზია ივანე მაჩაბლის წიგნზე „თ. ილია ჭავჭავაძე და იმისი მოღვაწეობა“ სათაურით „განაწყენებული უძლურება, თავადი ილია ჭავჭავაძე და მისი მოღვაწეობა“. მასში განმარტებულია, რამ გამოიწვია ივანე მაჩაბლის დაპირისპირება ილია ჭავჭავაძესთან.

1892

ტიპი: ღონისძიება

1892 წლის 26 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე შიო ქუჩუკაშვილს ქართველთა ამხანაგობის გამომცემლობის წინაშე უშუამდგომლეს, რომ ილიას თხზულებათა გამოცემისთვის ტექსტების გადაწერის თანხა მიეღო.

1878

ტიპი: ღონისძიება

1878 წლის აპრილში გამართულ თბილისის სათავადაზნაურო ბანკის კრებაზე სამი წლის ანგარიში განიხილეს და ილია ჭავჭავაძის ხელმძღვანელობით შედგენილი წესდების ახალი ვარიანტი მიიღეს. ახალი წესდება დასამტკიცებლად რუსეთის იმპერიის ფინანსთა სამინისტროში გაგზავნეს.

1878

ტიპი: ღონისძიება

1878 წლის 25 აპრილს ილია ჭავჭავაძე დაესწრო თბილისის სათავადაზნაურო ბანკის სხდომას, რომელზეც ბანკის 1877 წლის ანგარიში განიხილეს.

1892

ტიპი: ღონისძიება

1892 წლის 13 მაისს ილია ჭავჭავაძე თბილისის თავად-აზნაურთა საადგილმამულო ბანკის წევრთა წლიურ კრებაზე არ დაეთანხმა გამგეობის წევრთა წინადადებას ბათუმსა და ბაქოში სააგენტოების გახსნასთან დაკავშირებით.

1892

ტიპი: ღონისძიება

1892 წლის 3 ივნისს ილია ჭავჭავაძემ ქართულ დრამატულ საზოგადოებში საწევრო შეიტანა.

1892

ტიპი: ღონისძიება

1892 წლის 9 ოქტომბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ნიკოლოზ ბარათაშვილის ნეშტის განჯიდან გადმოსვენების საკითხი განიხილეს.

1892

ტიპი: ღონისძიება

1892 წლის 2 ოქტომბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე დააკმაყოფილეს წინარეხისა და ხელთუბნის სკოლების თხოვნა წიგნებისა და სასკოლო ინვენტარის მიწოდების შესახებ.

1892

ტიპი: ღონისძიება

1892 წლის 13 სექტემბერს სოფელ ოქროყანაში ილია ჭავჭავაძე ივანე პოლტორაცკის დაკრძალვას დაესწრო.

1892

ტიპი: ღონისძიება

1892 წლის 17 ივნისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ქუთაისის სათავადაზნაურო სკოლის ინსპექტორის ანგარიში განსახილველად ლექსი ჭიჭინაძეს გადასცეს.

1878

ტიპი: ღონისძიება

1878 წლის 9 მარტს გაზეთ „ივერიაში“ ავტორისა და მთარგმნელის მიუთითებლად ილია ჭავჭავაძის თარგმნილი ჯურა იაკშიჩის მოთხრობის „შვილი მოხუცებულის გამზისა“ მეხუთე ნაწილი გამოქვეყნდა.

1884

ტიპი: ღონისძიება

1884 წლის 3 თებერვალს პეტერბურგში ილია ჭავჭავაძემ საადგილმამულო ბანკების წარმომადგენელთა მეხუთე ყრილობის სხდომაზე დასაგირავებელი მამულების შეფასებისა და ბანკების მევალეთათვის შეღავათების დაწესების საკითხებზე მოსაზრება გამოთქვა.

1892

ტიპი: ღონისძიება

1892 წლის 14 ოქტომბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ბათუმის სკოლის შენობის დასაქირავებლად თანხა გამოყვეს.

1892

ტიპი: ღონისძიება

1892 წლის 17 ივნისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ბათუმის სკოლის მასწავლებლის მიხეილ შარაშიძის წლიური ანგარიში განიხილეს.

1892

ტიპი: ღონისძიება

1892 წლის 17 ივნისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე მხარი დაუჭირეს იაკობ გოგებაშვილის თხოვნას, „დედა ენის“ მერვე გამოცემა ეგზარქოსს სამრევლო სკოლების სახელმძღვანელოდ დაემტკიცებინა.

1878

ტიპი: ღონისძიება

1878 წლის 25 ივნისს ილია ჭავჭავაძემ ილია ბახტაძეს შეატყობინა, რომ მისი კორესპონდენცია მიიღო და მცირეოდენი შესწორებით დაბეჭდა.

1892

ტიპი: ღონისძიება

1892 წლის 11 აგვისტოს ილია ჭავჭავაძემ მონაწილეობა მიიღო თბილისის სათავადაზნაურო ბანკის საგანგებო კრებაში, რომელზეც თბილისის გუბერნიის სოფლებში ქოლერის გავრცელებისა და დაზარალებულთა დახმარების აღმოსაჩენად 20 000 მანეთის გამოყოფა გადაწყდა.

1890

ტიპი: ღონისძიება

1890 წლის 9 დეკემბერს ილია ჭავჭავაძე დაესწრო ნატო გაბუნია-ცაგარლის მიერ საბენეფისოდ წარმოდგენილ აქვსენტი ცაგარლის დრამებს „მტარვალი“ და „ქართვლის დედა“.

1892

ტიპი: ღონისძიება

1892 წლის 12 ივლისს ილია ჭავჭავაძემ თბილისის გუბერნატორს შეატყობინა, რომ საგურამოში ქოლერის გავრცელების საფრთხე არსებობდა და გადამოწმება სთხოვა.

1892

ტიპი: ღონისძიება

1892 წლის 22 აგვისტოს გაზეთ „ნოვოე ობოზრენიეში“ გამოქვეყნდა ილია ჭავჭავაძის ლექსის „გავსწორდეთ ბედო“ ვასილ ველიჩკოსეული თარგმანი.