ქშწკგს პროსოპოგრაფია

ფაქტები

რეგისტრირებული ფაქტები46478

ფილტრი:
ფაქტის ტიპი ღონისძიება

1882

ტიპი: ღონისძიება

1882 წლის 26 სექტემბერს ქართულმა დრამატულმა დასმა გრიგოლ არწრუნის თეატრში მისივე პოემა „დედა და შვილი“ დადგა. დედის როლს ნატო გაბუნია ასრულებდა, შვილისას – კოტე მესხი.

1894

ტიპი: ღონისძიება

1894 წლის 12 ნოემბრის გაზეთ „ივერიაში“ გამოქვეყნდა, რომ საქართველოში გამომგზავრებულ ინგლისელ მთარგმნელს, მარჯორი უორდროპს იმჟამად თბილისში მყოფი მისი ძმა, ოლივერ უორდროპი სტამბოლში დახვდებოდა.

1894

ტიპი: ღონისძიება

1894 წლის 12 ნოემბერს გაზეთ „ივერიაში“ გამოქვეყნდა, რომ ილია ჭავჭავაძის პოემა „განდეგილის“ ინგლისურად მთარგმნელი მარჯორი უორდროპი უკვე გამოემგზავრა საქართველოში.

1884

ტიპი: ღონისძიება

1884 წელს ჟურნალ „ნობათში“ ილია ჭავჭავაძის ლექსზე „ნანა“ შექმნილი მუსიკის ნოტები დაიბეჭდა, რომელიც ჩაწერა რომანოზ ძამსაშვილმა.

1884

ტიპი: ღონისძიება

1884 წლის 29 დეკემბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, არ დაკმაყოფილდა ვარლამ გაბიჩვაძის თხოვნა „ქართული წერის დედნის“ გამოსაცემად მისთვის ფულის სესხების თაობაზე.

1884

ტიპი: ღონისძიება

1884 წლის 16 დეკემბერს ქართულმა დასმა წარმოადგინა ილია ჭავჭავაძის ორმოქმედებიანი კომედია „მაჭანკალი“.

1884

ტიპი: ღონისძიება

1884 წლის დეკემბერში იონა მეუნარგიამ, ილია ჭავჭავაძის რჩევით, მურიესა და ზუტნერის დახმარებით, მუშაობა დაასრულა „ვეფხისტყაოსნის“ ფრანგულ თარგმანზე.

1884

ტიპი: ღონისძიება

1884 წლის 30 ნოემბერს ილია ჭავჭავაძემ სიტყვა წარმოთქვა „დროების“ რედაქციაში საფრანგეთის კონსულ მ. მეიერის პატივსაცემად გამართულ ნადიმზე.

1884

ტიპი: ღონისძიება

1884 წლის 30 ნოემბერს ილია ჭავჭავაძე გრიგოლ არწრუნის თეატრში ქართული პრესისა და თეატრალური დასის მიერ თბილისელ ფრანგთა საზოგადოების სასარგებლოდ გამართულ საქველმოქმედო წარმოდგენას დაესწრო.

1884

ტიპი: ღონისძიება

1884 წლის 4 ოქტომბერს გაზეთ „დროებაში“ დაიბეჭდა ინფორმაცია, რომ წიგნების გამომცემელმა ვარლამ ჭილაძემ ხელშეკრულება დადო ილია ჭავჭავაძესთან და აკაკი წერეთელთან მათი თხზულებების გამოცემასთან დაკავშირებით. მან თავად იკისრა ბეჭდვის მთელი ხარჯები და ავტორებს დაჰპირდა შემოსავლის ნახევარს.

1884

ტიპი: ღონისძიება

1884 წლის 29 სექტემბერს ილია ჭავჭავაძემ პირობა დადო წიგნის გამომცემელ ვარლამ ჭილაძესთან, თავისი თხზულებების გამოცემის თაობაზე.

1884

ტიპი: ღონისძიება

1884 წლის 29 სექტემბერს გიორგი ქართველიშვილის სახლში ილია ჭავჭავაძის თავმჯდომარეობით გაიმართა კრება „ვეფხისტყაოსნის“ ტექსტის აღდგენისა და გამოცემის საკითხებთან დაკავშირებით.

1897

ტიპი: ღონისძიება

1897 წლის 13 მარტს გრიგოლ სერგეის ძე გოლიცინს ა. ა. ივანენკომ ვერცხლის ჭურჭლით პურ-მარილი მიართვა.

1880

ტიპი: ღონისძიება

1880 წლის 21 თებერვალს ქართული თეატრის ამხანაგობის სხდომამ დიმიტრი ყიფიანის არც ერთი მოთხოვნა არ დააკმაყოფილა. განაწყენებულმა ყიფიანმა ამხანაგობა დატოვა.

1880

ტიპი: ღონისძიება

1880 წლის 21 თებერვალს ილია ჭავჭავაძე დავით სარაჯიშვილის სახლში გამართულ ქართული თეატრის ამხანაგობის კრებას დაესწრო.

1893

ტიპი: ღონისძიება

1893 წლის 13 აპრილს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ალექსანდრე ივანოვის წიგნის „ცა და დედამიწა“ თარგმანის ცენზორთან წარსადგენი ეგზემპლარის გადაწერის თანხა გამოყვეს.

1880

ტიპი: ღონისძიება

1880 წლის 21 თებერვალს ქართული თეატრის ამხანაგობის სხდომაზე განიხილეს დიმიტრი ყიფიანის რამდენიმე წინადადება – გაეუქმებინათ დეკლამაციისა და დიქციის კლასები, ჯილდო მიეცათ გიორგი წერეთლის პიესა „ოჯახის ასულისთვის“ და მიხეილ ბებუთაშვილი ამხანაგობის წევრად მიეღოთ.

1892

ტიპი: ღონისძიება

1892 წლის 25 ნოემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე აბრამ აკოფოვისთვის წიგნების აკინძვის საფასური გამოყვეს.

1880

ტიპი: ღონისძიება

1880 წლის 8 მარტს ილია ჭავჭავაძის თავმჯდომარეობით ქართველთა შორის წერა-კითხვის გამავრცელებელი საზოგადოების სხდომა გაიმართა.

1893

ტიპი: ღონისძიება

1893 წლის 16 თებერვალს ილია ჭავჭავძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე დააკმაყოფილეს რუისის სკოლის მასწავლებლისა და სახალხო ბიბლიოთეკარის თხოვნა საზოგადოების მიერ გამოცემული წიგნების მიწოდების თაობაზე.

1880

ტიპი: ღონისძიება

1880 წლის 3 მარტს ილია ჭავჭავაძის თავმჯდომარეობით ქართველთა შორის წერა-კითხვის გამავრცელებელი საზოგადოების სხდომა გაიმართა.

1893

ტიპი: ღონისძიება

1893 წლის 2 მარტს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე განიხილეს კავკავის ქართული სკოლის მზრუნველთა კომიტეტის თხოვნა შენობის ასაგებად სიმონ საყვარელიძის ნაანდერძევი თანხის დროულად გამოტანისა და ლატარეის გამართვის აუცილებლობის შესახებ.

1892

ტიპი: ღონისძიება

1892 წლის 16-18 სექტემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე საქმეთმწარმოებელს დავით ჩუბინაშვილის ბიბლიოთეკის წიგნების კატალოგის შედგენა დაავალეს.

1880

ტიპი: ღონისძიება

1880 წლის 4 მარტს ილია ჭავჭავაძე და ნიკო ნიკოლაძე ოფიციალურად შეარიგეს და შერიგების ოქმიც შეადგინეს. ოქმს ხელს აწერდნენ: ნიკოლოზ ერისთავი, იოსებ შალიკაშვილი, დავით გურამიშვილი და ნიკოლოზ სიმბორსკი.

1892

ტიპი: ღონისძიება

1892 წლის 16-18 სექტემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე გამოყვეს თანხა ხელნაწერის „ცხენების აქიმობა“ დასაბეჭდად.