1920

ტიპი: ღონისძიება

1920 წელს თბილისის მე-3 ვაჟთა გიმნაზიის მე-8-კლასელთა სიას, რომლებიც ატესტატს იღებდნენ, ხელს აწერენ პედაგოგიური საბჭოს თავმჯდომარე ალექსანდრე საფაროვი და წევრები: მიხეილ ზარგარიანი, მიხეილ გიორგაძე, სერგეი ცივილინი, ალექსანდრე მირზოიანი, ნერსეს ტერ-მიქაელიანი, არშაკ ტერ-ავაკიანი, სულ 18 პირი.

1920

ტიპი: ღონისძიება

1920 წლის 14 ივლისის „ერთობა“ იუწყება, რომ დუშეთის მოქალაქეთა მიტინგი გვარდიისა და ჯარის მონაწილეობით გაეცნო ბათუმის ოლქის საქართველოსთვის გადმოცემას და კმაყოფილებით აღნიშნა ხელმძღვანელთა პოლიტიკის გამარჯვება. მიტინგის თავმჯდომარე ჭონიშვილი.

1920

ტიპი: ღონისძიება

1920 წლის 12 ივლისს გამართულ ქალაქის საბჭოს სხდომაზე თავმჯდომარემ, ალექსანდრე ლომთათიძემ განაცხადა, რომ ბევრს სურს საქართველო მოქალაქეობა, მაგრამ ქვეშევრდომობის კანონს აქვს დეფექტები, ამიტომ შეუძლებელია მოწმობების გაცემა. საბჭომ ამ საკითხზე სამსჯელოდ აირჩია კომისია ალ. ლომთათიძის, მელიტომ რუსიას, ივანე გომართლის, ალექსანდრე მდივნისა და ის. გუნცაძის შემადგენლობით.

1920

ტიპი: ღონისძიება

1920 წლის 15 ივლისის „ერთობა“ იუწყება, რომ დაიწყო სახალხო უნივერსიტეტის სარეორგანიზაციოდ არჩეული კომიტეტის სხდომები, რომელთა თავმჯდომარე იყო უნივერსიტეტის რექტორი ივანე ჯავახიშვილი. გადაწყდა სწავლების სისტემის შეცვლა, სასწავლებლად საუკეთესო განათლებული ძალების მოწვევა, მათ შორის თბილისის სახელმწიფო უნვერსიტეტიდან და სხვ. მსმენელები უმთავრესად მუშები უნდა ყოფილიყვნენ.

1920

ტიპი: ღონისძიება

1920 წლის 18 ივლისს დეპ. აკაკი ჩხენკელი ჩავიდა ქუთაისში, სადაც კლუბ „ინტერნაციონალში“ მოხსენებით გამოვიდა, იქიდან გაემგზავრება ტყიბულში, ხონსა და სამტრედიაში, სადაც გააკეთებს მოხსენებებს.

1920

ტიპი: ღონისძიება

1920 წლის 22 ივლისს სახალხო გვარდიის საგანგებო ბატალიონის და საინჟინრო გუნდის კულტ. საგანმანათლებლო კომისია მეორე მუშათა კლუბში (პლეხანოვის გამზ. N129) გამართავს საღამოს ამ ბატალიონის აზერბაიჯანთან ბრძოლის დროს დახოცილ გვარდიელთა ოჯახების დასახმარებლად. მოხსენებას გააკეთებს სახალხო გვარდიის მთ. შტაბის თავმჯდომარე ვალიკო ჯუღელი, იუწყება „ერთობა“.

1922

ტიპი: ღონისძიება

1922 წლის გაზეთ „ბარრიკადის“ ცნობით, ვალერიან სიდამონ-ერისთავმა დახატა და ხელოვანთა სასახლეს გადასცა დავით კლდიაშვილის, ტიციან ტაბიძისა და ნიკო სულხანიშვილის პორტრეტები.

1922

ტიპი: ღონისძიება

1922 წლის იანვარში გაზეთ „ბარრიკადის“ რედაქციამ მიიღო შემდეგი წიგნები: ტიციან ტაბიძისა და გიორგი ლეონიძის რედაქტორობით გამოცემული „რევოლუციის პოეტები“, ნიკოლოზ შიუკაშვილის „სულელი“, ვასილ ბარნოვის მონოგრაფია „არსენა“ და ანატოლი ლუნაჩარსკის „მეფის დალაქი“.

ტიპი: ღონისძიება

იაკობ ნიკოლაძემ გამოაქანდაკა შოთა რუსთაველის ბიუსტი თბილისის შოთა რუსთაველის სახელობის თეატრისთვის.

1919

ტიპი: ღონისძიება

1919 წელს პეტერბურგის პოლიტექნიკური ინსტიტუტის მეტალურგიული განყოფილების მეხუთე კურსის სტუდენტმა დავით ბერეკაშვილმა განათლების მინისტრს ევროპაში სპეციალობის გაღრმავების მიზნით გაგზავნის თხოვნით მიმართა.

1919

ტიპი: ღონისძიება

თბილისის ქალთა მესამე გიმნაზიის დირექტორი სახალხო განათლების სამინისტროს სთხოვდა, 1919 წლის პირველი სექტემბრიდან მის მიერ რწმუნებულ გიმნაზიაში ქართული ისტორიის შტატის მასწავლებლად დაენიშნათ თბილისის მერვე გიმნაზიის მასწავლებელი ივანე სიმონის ძე ბერიაშვილი.

1919

ტიპი: ღონისძიება

1919 წელს ივანე ბერიაშვილმა სახალხო განათლების მინისტრის ამხანაგს წერილით თბილისის ერთ-ერთ ვაჟთა გიმნაზიაში მსოფლიო ისტორიის ან საქართველოს ისტორიის მასწავლებლის ადგილს სთხოვდა.

1919

ტიპი: ღონისძიება

თბილისის ვაჟთა მერვე გიმნაზიის დირექტორი განათლების სამინისტროს სთხოვდა ნებართვას ივანე ბერიაშვილისთვის იმ მძიმე და რთული შრომის გამო, რომელსაც ის ეწეოდა მისცემოდა გიმნაზიის სპეციალური თანხიდან ერთდროული დახმარება 1200 მანეთი. განათლების სამინისტრომ დირექტორის თხოვნა არ დააკმაყოფილა.

1893

ტიპი: ღონისძიება

1893 წელს თბილისის სასულიერო სემინარიაში მოხდა არეულობა, რომელსაც აკაკი ჩხენკელის მონაწილეობით საიდუმლო სოციალისტური ჯგუფი ხელმძღვანელობდა.

1918

ტიპი: ღონისძიება

აკაკი ჩხენკელი მონაწილეობას ღებულობდა ქართული უნივერსიტეტის დაარსებაში.

1918

ტიპი: ღონისძიება

1918 წლის 18 სექტემბერს განათლების სამინისტროს სატეხნიკო და საპროფესორო სასწავლებლების მთავარგამგემ თბილისის პირველი კომერციული სასწავლებლის დირექტორს გაუგზავნა მინისტრის 18 სექტემბრის N50,51 ბრძანების პირი. დოკუმენტს ხელს აწერენ მთავარგამგის ნაცვლად გიორგი ალმასხანის ძე ჭუმბურიძე და საქმისმწარმოებელი ლ. ხარაძე.

1919

ტიპი: ღონისძიება

1919 წელს აკაკი ჩხენკელი უცხოეთში საქართველოს დამოუკიდებლობის ცნობაზე მუშაობდა. ამავე დროს ის, როგორც საქართველოს სოციალ-დემოკრატიული პარტიის დელეგატი, ბერნში სოციალისტური ინტერნაციონალის პირველ (ომის შემდეგ) კონფერენციას ესწრებოდა, სადაც საქართველოს დამოუკიდებლობის ცნობის შესახებ პირველი რეზოლუცია მიიღეს.

1918

ტიპი: ღონისძიება

1918 წლის 29 სექტემბერს პირველი კომერციული სასწავლებლის მასწავლებელი იუსტინე ირაკლის ძე აბულაძე სახალხო განათლების სამინისტროს თხოვნით მიმართავს, რომ აცნობონ იმ დაწესებულებებს, სადაც სამსახური აქვს. სახელდობრ: პირველ კომერციულ სასწავლებელს, ქალაქის სახელოსნო სასწავლებელს და მანთაშევის სავაჭრო სკოლის უფროსებს, რათა მათ განკარგულება გასცენ განწესებათა შეცვლის შესახებ, იმ ორი კვირის განმავლობაში, როდესაც იგი თავისი პირდაპირი სამსახურისთვის მოუცლელი იქნება.

1911

ტიპი: ღონისძიება

1911 წლის 3 აპრილს ქართველთა შორის წერა-კითხვის გამავრცელებელი საზოგადოების ქუთაისის ფილიალის წევრებმა (გამგეობის მდივანი – იაზონ ბაქრაძე) მთავარ გამგეობას რამდენიმე წიგნსაცავ-სამკითხველოს წესდების გაგზავნა სთხოვეს.

1918

ტიპი: ღონისძიება

1918 წლის 28 ოქტომბერს საქართველოს რესპუბლიკის მთავრობის განკარგულებით, იუსტინე ირაკლის ძე აბულაძე სომხეთში ორი კვირით გააგზავნეს. ხელს აწერს ვუკოლ მიხეილის ძე ბერიძე.

1918

ტიპი: ღონისძიება

1918 წლის 6 ნოემბერს თბილისის საქალაქო სახელოსნო-სასწავლებლის გამგეს აცნობეს, რომ მასწავლებელი იუსტინე ირაკლის ძე აბულაძე საქართველოს მთავრობის განკარგულებით 30 ოქტომბრიდან ორი კვირით სომხეთში გაგზავნეს. ხელს აწერენ კანცელარიის დირექტორის ნაცვლად დ. მიქაბერიძე და საქმისმწარმოებლის ნაცვლად ვარლამ დავითის ძე ძიძიგური.

1918

ტიპი: ღონისძიება

1918 წლის 6 ნოემბერს თბილისის მანთაშევის სავაჭრო სკოლის უფროსს აცნობეს, რომ მათდამი რწუნებულის სკოლის მასწავლებელი იუსტინე აბულაძე საქართველოს რესპუბლიკის მთავრობის განკარგულებით გაიგზავნა სომხეთში 30 ოქტომბრიდან ორი კვირის ვადით. ხელს აწერენ: კანცელარიის დირექტორის ნაცვლად დ. მიქაბერიძე და საქმისმწარმოებლის ნაცვლად ვარლამ ძიძიგური.

1918

ტიპი: ღონისძიება

1918 წლის 1-ელ ნოემბერს თბილისის პირველი კომერციული სასწავლებლის დირექტორს აცნობეს, რომ საქართველოს რესპუბლიკის მთავრობის განკარგულების თანახმად, მასწავლებელი იუსტინე ირაკლის ძე აბულაძე 30 ოქტომბრიდან ორი კვირით სომხეთში გააგზავნეს. ხელს აწერენ კანცელარიის დირექტორის ნაცვლად დ. მიქაბერიძე და საქმისმწარმოებლის ნაცვლად ვარლამ დავითის ძე ძიძიგური.

1920

ტიპი: ღონისძიება

„ერთობა“ იუწყება, რომ საგარეო საქმეთა სამინისტრომ ბაქოში მყოფი დიპლომატიური წარმომადგენლის, ექიმ ალშიბაიასგან მიიღო დეპეშა, რომ 12 ივლისს, 5 საათზე, ჩავიდა ბაქოში, სადაც მას დახვდნენ: მე-11 ლაშქრის სარდალი ლევანდოვსკი, სამხედრო საქმეთა სახალხო კომისარი კარაევი, გზათა სახალხო კომისარი, ბაქოს კომენდანტი, შრომის კომისრის მოადგილე ტურაევი. 13 ივლისს კი მან ინახულა რევკომის თავმჯდომარე ნარიმანოვი და საგარეო საქმეთა კომისარი ჰუსეინოვი.

1918

ტიპი: ღონისძიება

განათლების მინისტრის მოადგილე ალექსანდრე ბესარიონის ძე მდივანმა თბილისის მოურავ ნიკოლოზ ზურაბის ძე ელიავას მისწერა, რომ თბილისის გამგეობამ სახელოსნო-სასწავლებლის მასწავლებელ იუსტინე ირაკლის ძე აბულაძეს შენიშვნა მისცა, რადგან იგი გამგეობის ნებართვის გარეშე წავიდა სომხეთში, რისი უფლებაც არ ჰქონდა. გააფრთხილეს, რომ მსგავსი საქციელის გამეორების შემთხვევაში სამსახურიდან დაითხოვდნენ. გამგეობამ განკარგულება გასცა იუსტინე აბულაძისთვის დაეკავებინათ ჯამაგირი იმ დღეებისა, რომლებიც გააცდინა.