1919

ტიპი: ღონისძიება

1919 წლის 1-ელ მარტს მთავარგამგე გრიგოლ იასონის ძე ნათაძემ და საქმისმწარმოებელმა ვარლამ დავითის ძე ძიძიგურმა თბილისის ვაჟთა მე-7 გიმნაზიის დირექტორს მისწერეს, რომ გიმნაზიის მასწავლებელ სავლე იოსების ძე აბულაძეს სახელმწიფო სამსახურში ჩაუთავლეს სახალხო განათლების ასპარეზზე ნამსახური წლები 1911 წლის 1-ლი სექტემბრიდან. ნათაძემ და ძიძიგურმა დირექტორს სთხოვეს შეედგინა სავლე აბულაძის ნამსახურების სია კანონით მიღებული ფორმის მიხედვით.

1919

ტიპი: ღონისძიება

„ვოლნი გორეცი“ საგანგებო ანკეტით მიმართავს ქართველ პოლიტიკურ და საზოგადო მოღვაწეებს. თემა ერთადერთია: რას ფიქრობს საქართველოს მოძმე დემოკრატიული რესპუბლიკა კავკასიელ მთიელთა ბრძოლაზე, მთიელთა რესპუბლიკის აღდგენის შესაძლებლობაზე. გაზეთის ამ ნომრის რესპონდენტები არიან: რაჟდენ არსენიძე, ნიკო ნიკოლაძე, გრიგოლ ვეშაპელი, გრიგოლ რობაქიძე და პაოლო იაშვილი.

1920

ტიპი: ღონისძიება

1920 წლის 13 სექტემბერს ბათუმის ქალაქისთავი გიორგი ანჯაფარიძე, პროფესიულ კავშირთა სეკრეტარიატის თავმჯდომარე აიოლო და მისი მოადგილე ნაკაშიძე ევროპიდან ჩამოსული დელეგაციის დასახვედრად გამართულ სხდომას ესწრებოდნენ.

1887

ტიპი: ღონისძიება

1887 წლის 27 თებერვლის გაზეთ „ივერიის“(რედაქტორი ილია ჭავჭავაძე) ცნობით, იმ დროისთვის მსოფლიოში ინგლისურ ენაზე 16 500 გაზეთი და ჟურნალი გამოდიოდა, ანუ ინგლისში 1 მილიონ მცხოვრებზე 200 ეგზემპლარი ჟურნალ-გაზეთი მოდიოდა.

1920

ტიპი: ღონისძიება

1920 წლის 10 სექტემბერს ბათუმში გაემგზავრა პარიზში მიმავალი საფრანგეთის უმაღლესი კომისარი გრაფი დე-მარტელი. მის გასაცილებლად მივიდნენ: სამხედრო მინისტრი გრიგოლ ლორთქიფანიძე, სამხედრო მინისტრის მოადგილე გედევანიშვილი, სომხეთის წარმომადგენელი თუმანოვი, საგარეო საქმეთა მინისტრის მოადგილე ქარცივაძე და სხვ. მარტელთან ერთად გაემგზავრა უმაღლესი კომისრის საქმეთა მმართველი ნეტემანი.

1920

ტიპი: ღონისძიება

1920 წლის 23 ივნისს ქართველთა შორის წერა-კითხვის გამავრცელებელი საზოგადოების რწმუნებულთა საზოგადო კრებაზე ვარლამ ამირანის ძე ბურჯანაძემ აღნიშნა, რომ 1919 წლის იანვრიდან გამგეობამ ბათუმის სკოლის შესანახად ყოველთვიურად 3000 მანეთი გადადო, მაგრამ ეს თანხა არ დასჭირდათ, რადგან ადგილობრივმა განყოფილებამ თვითონ მოიპოვა სკოლის შესანახი თანხა.

1919

ტიპი: ღონისძიება

ქუთაისის გუბერნიის მე-2 რაიონის სახალხო სკოლების მეთვალყურე ითხოვდა შუამდგომლობას დაბალ სასწავლებლთა მთავარ-გამგის წინაშე მასწავლებელ მღ. აბიბო ბოჭორიშვილის ჯამაგირის დანაკლისის ასანაზღაურებლად ( 372 ლ. 20 კაპ. ). სამინისტრომ ვერ შეძლო შუამდგომლობის დაკმაყოფილება, ხოლო მთვრობის წინაშე ასეთი უმნიშვნელო თანხის შესახებ შუამდგომლობის აღძვრა უხერხულად მიაჩნდათ.

1919

ტიპი: ღონისძიება

თბილისის წმ. ნინოს ქალთა გიმნაზიის დირექტორმა საშუალო სასწავლებელთა მთავარგამგეს მარიამ ბუტულაშვილი-ჭრელაშვილის მისდამი რწმუნებულ გიმნაზიაში დანიშვნა სთხოვა.

1919

ტიპი: ღონისძიება

იასონ გაბაშვილის მეუღლე, თამარა გაბაშვილი, სახალხო განათლების სამინისტროს სთხოვდა დახმარებას, რომ მეუღლის ჯამაგირი დაენიშნათ შემწეობის სახით. მეუღლის გარდაცვალების შემდეგ სამშვილიანი ოჯახი მატერიალურად შევიწროებული დარჩა.

1918

ტიპი: ღონისძიება

სახალხო განათლების სამინისტრო დაეთანხმა, რომ თამარა გაბაშვილ-მიქელაძეს მისცემოდა პერიოდული დახმარება, გარდაცვლილი მეუღლის ჯამაგირი შემწეობის სახით.

1919

ტიპი: ღონისძიება

ქუთაისის წმ. ნინოს სახელობის ქალთა გიმნაზიის დირექტორი, კ. გაბარაშვილი გადაყვანილ იქნა გორის ვაჟთა გიმნაზიის დირექტორად 1919წ. I სექტემბრიდან.

1919

ტიპი: ღონისძიება

თბილისის ვაჟთა მე-2 გიმნაზიის დირექტორმა გაუგზავნა მოხსენება უმაღლეს და საშუალო სასწავლებელთა მთავარ-გამგეს, რომლის მიხედვითაც ითხოვდა ხსენებული გიმნაზიის კლასის დამრიგებლის თანაშემწეს, სპირიდონ გაბელაშვილს, გიმნაზიის სპეციალური თანხიდან ჯილდოდ გამოწეროდა თვიურიად 120 მან. სახლის გამგისა და ხაზინდარობის თანამდებობის აღსრულებისათვის 1919წ. I იანვრიდან.

1919

ტიპი: ღონისძიება

სახალხო განათლების სამინისტრო დაეთანხმა ბ-ნ სპირიდონ გაბელაშვილს მისცემოდა თვიური ჯილდო 120 მან. გიმნაზიის სპეციალური თანხიდან სახლისგამგისა და ხაზინდარობის თანამდებობის აღსრულებისათვის.

ტიპი: ღონისძიება

სახალხო განათლების სამინისტრომ თბილისის ვაჟთა მე-2 გიმნაზიის დირექტორს გაუგზავნა წერილი, რომლის მიხედვითაც სპირიდონ გაბელაშვილს ჩაეთვალა სახელმწიფო სამსახურში ყველა ნამსახური წლები.

1920

ტიპი: ღონისძიება

ლეჩხუმის სამაზრო ერობის გამგეობა შუამდგომლობდა სახალხო განათლების სამინისტროსთან, რათა ლაილაშის გამგის თანამდებობის აღმსრულებელი, ე. გაბიანი დაემტკიცებინათ აღნიშნული სასწავლებლის გამგედ. შუამდგომლობის წერილს თან ახლდა ნამსახურეობით სია.

1919

ტიპი: ღონისძიება

ერმილე გაბიანმა ჯვარი დაიწერა 1919 წლის 22 ნოემბერს.

1920

ტიპი: ღონისძიება

1920 წლის 2 თებერვალს საქართველოს დემოკრატიული რესპუბლიკის სახალხო სკოლის მთავარგამგე გიორგი ჭუმბურიძემ დეკანოზი გალუსტ აბულიანცი ჩუღურეთის უმაღლეს დაწყებით სასწავლებელში მასწავლებლის მოვალეობის შემსრულებლად დანიშნა.

1918

ტიპი: ღონისძიება

1918 წლის 27 დეკემბერს დირექტორმა ალექსანდრე ნიკოლოზის ძე მიქაბერიძემ და საქმისმწარმოებელმა მაქსიმე დავითის ძე ბერძნიშვილმა თბილისის ვაჟთა მე-6 გიმნაზიის დირექტორს სთხოვეს სამინისტროში წარედგინა ცნობები დეკანოზ იოსებ აბულიანცის შესახებ.

1919

ტიპი: ღონისძიება

1919 წლის 17 იანვარს სახალხო განათლების სამინისტრომ თბილისის ვაჟთა მე-6 გიმნაზიის დირექტორს N 7 ბრძანებით აცნობა, რომ გიმნაზიის სომხური ენის თავისუფლად დაქირავებულ მასწავლებლად 1919 წლის 16 იანვრიდან იოსებ აბულიანცი დაამტკიცეს. ხელს აწერენ გრიგოლ იასონის ძე ნათაძე და საქმისმწარმოებელი ნიკოლოზ ივლიანეს ძე აბესაძე.

1918

ტიპი: ღონისძიება

1918 წლის 30 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლების მთავარგამგის N 113 ბრძანების თანახმად, 1917 წლის პირველი სექტემბრიდან მღვდელი იოსებ აბულიანცი თბილისის რეალური სასწავლებლის საღვთო სჯულის მასწავლებლად დაამტკიცეს. ბრძანებას ხელს აწერს მთავარგამგე გრიგოლ იასონის ძე ნათაძე.

1918

ტიპი: ღონისძიება

1918 წლის 29 ნოემბერს თბილისის ვაჟთა მე-4 გიმნაზიის დირექტორს აცნობეს, რომ მისდამი რწმუნებულ გიმნაზიაში ანა აგარონიანი მიმდინარე წლის პირველი ოქტომბრიდან უმცროსი მოსამზადებელი კლასის თავისუფლად დაქირავებული მასწავლებლის თანამდებობის დროებით აღმასრულებლად დანიშნეს. ხელს აწერენ გრიგოლ იასონის ძე ნათაძე და ვარლამ დავითის ძე ძიძიგური.

1918

ტიპი: ღონისძიება

1918 წლის 26 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლების მთავარგამგის N 135 ბრძანების თანახმად, 1918 წლის პირველი ოქტომბრიდან ანნა აგარონიანი თბილისის ვაჟთა მე-4 გიმნაზიის უმცროსი მოსამზადებელი კლასის თავისუფლად დაქირავებული მასწავლებლის თანამდებობის დროებით აღმასრულებლად დანიშნეს. ხელს აწერს მთავარგამგე გრიგოლ იასონის ძე ნათაძე.

1919

ტიპი: ღონისძიება

1919 წლის 7 ივნისს თბილისის ვაჟთა გიმნაზიის დირექტორს 2 ივნისის N284 შუამდგომლობის პასუხად აცნობეს, რომ გიმნაზიის პედაგოგიური საბჭოს 20 მაისის სხდომის დადგენილება დაამტკიცეს და უფლება მისცეს სპეციალური საშუალებიდან იოსებ აბულიანცისთვის 225 მანეთი გამოეწერა. ხელს აწერენ მთავარგამგე სერგი იოსების ძე დანელია და საქმისმწარმოებელი ვარლამ დავითის ძე ძიძიგური.

1919

ტიპი: ღონისძიება

1919 წლის 16 იანვრის საქართველოს დემოკრატიული რესპუბლიკის უმაღლესი და საშუალო სასწავლებლების მთავარგამგის N 7 ბრძანების თანახმად, თბილისის ვაჟთა მე-6 გიმნაზიის სომხური ენის თავისუფლად დაქირავებულ მასწავლებლად იოსებ აბულიანცი დაამტკიცეს. ხელს აწერს მთავარგამგე გრიგოლ იასონის ძე ნათაძე.

1919

ტიპი: ღონისძიება

1919 წლის 22 ოქტომბერს მთავარგამგე სერგი იოსების ძე დანელიამ და საქმისმწარმოებელმა ნიკოლოზ ივლიანეს ძე აბესაძემ ტიხომოროვისა და ნაშჩენკოს კერძო გიმნაზიის გამგეს აცნობეს, რომ 1919 წლის 6 ოქტომბრიდან გიმნაზიის მე-4 და მე-5 კლასების ისტორიისა და რუსული ენის მასწავლებლად ანტანინა ვასილის ასული აღლაძე დაუშვეს.