1920

ტიპი: ღონისძიება

1920 წლის 16 მარტს ოზურგეთის ვაჟთა გიმნაზიის დირექტორმა ილია ფერაძემ სახალხო განათლების სამინისტროს მისწერა, რომ სემინარიის სტუდენტს, უმრევლო მღვდელს, ქართული ენის შტატის მასწავლებელ სოლომონ ანდღულაძეს მინდობილი ჰქონდა ქართული ენის 9 გაკვეთილი მე-5 კლასში (პროგიმნაზიულ კლასში).

1920

ტიპი: ღონისძიება

1920 წლის 16 მარტს ოზურგეთის ვაჟთა გიმნაზიის დირექტორმა ილია ფერაძემ სახალხო განათლების სამინისტროს მისწერა, რომ გიმნაზიის უფროს კლასებში ქართული ენის კლასის მასწავლებლისა და სააღმზრდელო მოვალეობას სოლომონ ანდღულაძე ასრულებდა. მას წაკითხული ჰქონდა უამრავი ქართული წიგნი, მოეპოვებოდა საკუთარი მდიდარი წიგნსაცავი. ლიტერატურას ნაყოფიერად ასწავლიდა, გაკეთილის ახსნის დროს სალიტერატურო ენით საუბრობდა და ამავე ენით ასაუბრებდა მოსწავლეებსაც, რომელთა მოსმენა მსმენელზე დიდ შთაბეჭდილებას ახდენდა.

1920

ტიპი: ღონისძიება

1920 წლის 14 ივლისის საქართველოს დემოკრატიული რესპუბლიკის სახალხო განათლების მინისტრის ამხანაგის ნოე ცინცაძის N 86 ბრძანების თანახმად, ოზურგეთის ვაჟთა გიმნაზიის მასწავლებელს, მღვდელ სოლომონ ანდღულაძეს საშუალო სკოლის ქართული ენის მასწავლებლის წოდება მიენიჭა და 1920 წლის პირველი ივნისიდან იმავე თანამდებობაზე დამტკიცდა. დედანთან სისწორეს ხელმოწერით ადასტურებს დ. მესხი.

1919

ტიპი: ღონისძიება

1919 წლის 22 დეკემბერს ოზურგეთის ქალთა გიმნაზიის უფროსმა ან. მგელაძემ საქართველოს რესპუბლიკის განათლების მინისტრს მისწერა, რომ 1915 წლიდან სოლომონ ანდღულაძე ოზურგეთის ქალთა გიმნაზიაში საქმისმწარმოებლად მსახურობდა. ის გიმნაზიის კერძო სასწავლებლის სახით გახსნის დღიდან იქ მუშაობდა და ორგანიზაციულ საკითხებშიც აქტიურად მონაწილეობდა.

1919

ტიპი: ღონისძიება

ჩრდილო კავკასიაში განვითარებულ მოვლენებთან დაკავშირებით, საქართველოს საგარეო საქმეთა მინისტრმა ევგენი გეგეჭკორმა 1919 წლის 2 ოქტომბერს საპროტესტო ნოტა გაუგზავნა შემდეგ ოფიციალურ პირებს: პოლკოვნიკ ჰასკელს (გასკელს) – მოკავშირეთა უზენაეს კომისარს ამიერკავკასიაში, ოლივერ უორდროპს – დიდი ბრიტანეთის უზენაეს კომისარს ამიერკავკასიაში, გაბას – იტალიის სამხედრო მისიის მეთაურს ამიერკავკასიაში, ასევე – საფრანგეთისა და საბერძნეთის სამხედრო მისიათა ხელმძღვანელებს ამიერკავკასიაში.

1919

ტიპი: ღონისძიება

საქართველოს საგარეო საქმეთა მინისტრის – ევგენი გეგეჭკორის – 2 ოქტომბრის ნოტაში ნათქვამია, რომ საქართველოს მთავრობა შეშფოთებულია იმ სისხლისღვრით, რაც დენიკინის წინააღმდეგ აჯანყებულ დაღესტანსა და ყოფილი მთიელთა რესპუბლიკის მთელ ტერიტორიაზე ხდება და საერთაშორისო მისიებს სთხოვს ჩაერიონ მღელვარების გამომწვევი მიზეზების დიპლომატიური გზით გადაჭრაში, წინააღმდეგ შემთხვევაში, მეზობლად მზარდი ანარქია საქართველოს დამოუკიდებლობასაც უქმნის საფრთხეს.

1910

ტიპი: ღონისძიება

1910 წელს ქართველთა შორის წერა-კითხვის გამავრცელებელი საზოგადოების მთავარმა გამგეობამ ბაქოს ფილიალის წევრ ტყეშელაშვილს ილია ჭავჭავაძის ძეგლის ფონდის გასაძლიერებლად დახმარების თხოვნით მიმართა.

1918

ტიპი: ღონისძიება

1918 წლის 8 ოქტომბერს ზესტაფონის ვაჟთა გიმნაზიის დირექტორმა ნიკოლოზ კვინიკაძემ უმაღლეს და საშუალო სკოლების მთავარგამგეს მისწერა, რომ 1917 წლის პირველი სექტემბრიდან კონსტანტინე ანთაძე მისდამი რწმუნებული გიმნაზიის საღვთო სჯულის მასწავლებლად ითვლებოდა. პედაგოგიური საბჭოს დადგენილების თანახმად, ანთაძეს ჩაბარებული ჰქონდა ქართული ენის გაკვეთილები პირველ, მეორე და მესამე კლასებში 1917-1918 სასწავლო წლის განმავლობაში. ხელს აწერენ გიმნაზიის დირექტორი ნიკოლოზ კვინიკაძე და მდივანი ტერ. დუგლაძე.

1918

ტიპი: ღონისძიება

1918 წლის 8 ოქტომბერს ზესტაფონის ვაჟთა გიმნაზიის დირექტორმა ნიკოლოზ კვინიკაძემ უმაღლეს და საშუალო სკოლების მთავარგამგეს მისწერა, რომ კონსტანტინე ანთაძე ქართული ენის გამოცდილ მასწავლებლად ითვლებოდა. მან მთავარგამგეს სთხოვა, ანთაძე გამოერიცხათ როგორც სჯულის მასწავლებელი და დაბალი კლასების ქართული ენის მასწავლებლად დაენიშნათ ზესტაფონის ვაჟთა გიმნაზიაში. ხელს აწერენ გიმნაზიის დირექტორი ნიკოლოზ კვინიკაძე და მდივანი ტერ. დუგლაძე.

1920

ტიპი: ღონისძიება

1920 წლის 12 ივნისს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს ზაქარია ედილაშვილის წინადადება მისი საინგილოს შესახებ შედგენილი დასურათებული წიგნის გამოცემის შესახებ. გამგეობამ ედილაშვილს ნაშრომის წარდგენა სთხოვა.

1918

ტიპი: ღონისძიება

1918 წლის პირველ ოქტომბერს კანცელარიის დირექტორი ალექსანდრე მიქაბერიძე და საქმისმწარმოებელი ვარლამ ძიძიგური ყვირილის ვაჟთა გიმნაზიის დირექტორს 2 ოქტომბრის N 291 მინაწერის პასუხად სწერენ, რომ საჭიროა წარმოადგინოს კონსტანტინე ანთაძის დოკუმენტები. ის დროებით დაშვებულია ქართული ენის მასწავლებლად გიმნაზიის დაბალ კლასებში.

1918

ტიპი: ღონისძიება

1918 წლის 9 დეკემბერს ზესტაფონის ვაჟთა გიმნაზიის დირექტორმა ნიკოლოზ კვინიკაძემ უმაღლეს და საშუალო სკოლების მთავარგამგეს გიმნაზიის ქართული ენის მასწავლებლად დროებით დაშვებული კონსტანტინე ანთაძის დოკუმენტები გაუგზავნა: განათლების მოწმობა N 1124 და ფორმულიარის ასლი.

1918

ტიპი: ღონისძიება

1918 წლის 18 დეკემბერს მთავარგამგე გრიგოლ ნათაძემ და საქმისმწარმოებელმა ნიკოლოზ აბესაძემ ზესტაფონის ვაჟთა გიმნაზიის დირექტორს აცნობეს, რომ 1918 წლის პირველი ოქტომბრიდან (ბრძ. N 166) დაბალი კლასების ქართული ენის მასწავლებლად კონსტანტინე ანთაძე დაინიშნა.

1918

ტიპი: ღონისძიება

1918 წლის 29 ნოემბერს მღვდელ კონსტანტინე ანთაძის ფორმულარული სიის ასლში წერია, რომ იგი მართლმადიდებელი სარწმუნოების აღმსარებელია. ასლის ნამდვილობას 1918 წლის 29 ნოემბერს ხელმოწერით და საეკლესიო საბჭოს ბეჭდის დასმით ადასტურებს არგვეთის საოლქო საეკლესიო საბჭოს თავმჯდომარე, მღვდელი ისიდორე ქოჩიაშვილი.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე გრიგოლ ვეშაპელის მოხსენებით მიიღეს დეკრეტი ქ. ახალციხის წყალსადენის აღსადგენად 900 000 მან. გამოყოფის შესახებ.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე გრიგოლ გიორგაძის მოხსენებით მიიღეს დეკრეტი სახელმწიფო ბანკისთვის 50 მილ მან. სესხის მიცემის შესახებ დამზღვევი ფონდის დასაარსებლად.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე გრიგოლ გიორგაძის მოხსენებით მიიღეს დეკრეტი მთავრობის სტამბის შესაკეთებლად 392 747 მან. გამოყოფის შესახებ.

1920

ტიპი: ღონისძიება

1920 წლის 4 აგვისტოს სამხედრო სამინისტროს კულტურა-განათლების სექციის წევრები – ტიტე ართმელიძე და ალექსანდრე ჟორჟოლიანი, კოოპ. კავშირის კინემატოგრაფიული განყოფილების გამგე გერმანე გოგიტიძე და მხატვარი კონსტანტინე ქავთარაძე გაემგზავრნენ ბათუმ-აჭარაში მყოფი სამხედრო ნაწილებისთვის ფილმების საჩვენებლად და საუბრების გასამართად. მათთან ერთად ჩავიდა ფრონტის დღის დამხმარე მთავარი კომიტეტის თავმჯდომარე სერგო ჟორჟოლიანი, შემდეგ გაემგზავრნენ აჭარის წყალზე, ქედაში. ღამე გაათენეს წითელჯვრის საავადმყოფოში, სადაც ექიმად იყო ბ. იაშვილი. სექცია 10 აგვისტოს დაბრუნდა თბილისში.

1920

ტიპი: ღონისძიება

1920 წლის 14 აგვისტოს სამუსლიმანო საქართველოს მეჯლისის თავმჯდომარემ მემედ-ბეგ იბრაჰიმის ძე აბაშიძემ აბასთუმანში ინახულა მთავრობის თავმჯდომარე ნოე ნიკოლოზის ძე ჟორდანია და შინაგან საქმეთა მინისტრი ნოე ბესარიონის ძე რამიშვილი. მათ ხანგრძლივად ისაუბრეს.

ტიპი: ღონისძიება

შალვა მიქელაძე მკურნალობდა შალვა შარაშიძეს.

1918

ტიპი: ღონისძიება

1918 წლის 29 ნოემბერს მღვდელ კონსტანტინე ანთაძის ფორმულარული სიის ასლში წერია, რომ კონსტანტინე ანთაძე 1902 წელს საშარჯულეთი დაჯილდოვებულია იმერეთის ეპისკოპოსის ლეონიდისაგან, 1905 წელს კი იარაღჩინით. უმაღლესი მთავრობისაგან 1911 წელს კამილავკით, 1915 წელს მკერდის ჯვრით. ასევე, აქვს მთავარდიაკვნობისა და მღვდლის გრამატები. ასლის ნამდვილობას 1918 წლის 29 ნოემბერს ხელმოწერით და საეკლესიო საბჭოს ბეჭდის დასმით ადასტურებს არგვეთის საოლქო საეკლესიო საბჭოს თავმჯდომარე, მღვდელი ისიდორე ქოჩიაშვილი.

1918

ტიპი: ღონისძიება

1918 წლის 29 ნოემბერს მღვდელის კონსტანტინე ანთაძის ფორმულარული სიის ასლში წერია, რომ თავად აქვს კეთილად შეძენილი ქონება, მისი ოჯახის წევრებს კი არა. ასლის ნამდვილობას ხელმოწერით და საეკლესიო საბჭოს ბეჭდის დასმით ადასტურებს არგვეთის საოლქო საეკლესიო საბჭოს თავმჯდომარე, მღვდელი ისიდორე ქოჩიაშვილი.

1918

ტიპი: ღონისძიება

კონსტანტინე ანთაძის ფორმულარული სიის ასლის მიხედვით, ის იმერეთის ეპისკოპოსმა ბესარიონმა მარელისის მაცხოვრის ეკლესიაში მთავარდიაკვნად დანიშნა. ასლის ნამდვილობას 1918 წლის 29 ნოემბერს ხელმოწერით და საეკლესიო საბჭოს ბეჭდის დასმით ადასტურებს არგვეთის საოლქო საეკლესიო საბჭოს თავმჯდომარე, მღვდელი ისიდორე ქოჩიაშვილი.

1901

ტიპი: ღონისძიება

1901 წლის პირველი იანვრიდან 1904 წლის 20 მაისამდე კონსტანტინე დავითის ძე ანთაძე ქუთაისის გუბერნიის სახალხო სკოლების დირექტორმა ლეღვნის სამინისტროს სასწავლებლის რჯულის მასწავლებლად დანიშნა. ასლის ნამდვილობას 1918 წლის 29 ნოემბერს ხელმოწერით და საეკლესიო საბჭოს ბეჭდის დასმით ადასტურებს არგვეთის საოლქო საეკლესიო საბჭოს თავმჯდომარე, მღვდელი ისიდორე ქოჩიაშვილი.

1914

ტიპი: ღონისძიება

1914 წლის 9 იანვარს ქართველთა შორის წერა-კითხვის გამავრცელებელი საზოგადოების ზუგდიდის განყოფილების სარევიზიო კომისიამ მხარი დაუჭირა გამგეობის წინადადებას, რომელიც დაბა ზუგდიდში ქართული სკოლის გახსნას ეხებოდა. დოკუმენტს ხელს აწერენ სარევიზიო კომისიის წევრები: ფარნაოზ ფიჩხაია, აპოლონ ჯიქია და ალექსანდრე გაბუნია.