ქშწკგს პროსოპოგრაფია

ფაქტები

რეგისტრირებული ფაქტები41868

ფილტრი:
ფაქტის ტიპი ღონისძიება

1918

ტიპი: ღონისძიება

1918 წელს სახალხო სახლში გამართულ მუშათა ყრილობაზე პროლეტარების ბელადმა ირაკლი წერეთელმა ქვეყნის წარსულსა და იმ პერიოდში არსებულ მდგომარეობაზე ისაუბრა. ყრილობაზე სიტყვით გამოვიდა ნოე ჟორდანიაც.

1918

ტიპი: ღონისძიება

1918 წელს ნიკოლოზ ჩხეიძის თავმჯდომარეობით გამართულ საქართველოს პარლამენტის სხდომაზე მუსულმანთა წარმომადგენელმა სალი გაიდარ კარაევმა პარლამენტის წევრობაზე უარი განაცხადა. მიზეზად დაასახელა ქართული ენის უცოდინარობა და ის, რომ საკუთარი თავისა და ამომრჩევლის მოტყუება არ უნდოდა.

1918

ტიპი: ღონისძიება

1918 წელს პირველი ციხის ტუსაღებმა ფანჯრის გისოსი გადახერხეს და გაიქცნენ. მათთან ერთად გაიქცა ციხის დარაჯი კონსტანტინე მიქაძე.

1918

ტიპი: ღონისძიება

1918 წლის 7 ნოემბერს რუსეთიდან ახლად დაბრუნებული სტანისლავ ვოლსკი ორი ლექციის წაკითხვას გეგმავდა თემაზე „განწირულთა ქვეყანაში“. პირველი ზუბალაშვილის სახალხო სახლში უნდა გამართულიყო, მეორე ლექციის „ბოლშევიკური მთავრობა სოფლად“ თარიღს კი გამოაცხადებდნენ.

1918

ტიპი: ღონისძიება

1918 წლის ნოემბერში გამართულ მთავრობის სხდომაზე კავკასიის ერთა კონფერენციაზე დასასწრებად საქართველოს რესპუბლიკის წარმომადგენლებად აირჩიეს შინაგან საქმეთა მინისტრი ნოე რამიშვილი და გარეშე საქმეთა მინისტრი ევგენი გეგეჭკორი.

1918

ტიპი: ღონისძიება

1918 წელს ნოე ჟორდანიამ გახსნა ამიერკავკასიის რესპუბლიკათა წარმომადგენლების კონფერენცია, რომელსაც დაესწრნენ აზერბაიჯანის დიპლომატიური წარმომადგენელი ჯაფაროვი, ვექილოვი, მთიულთა მთავრობის თავმჯდომარის ამხანაგი კოცევი და მთიელთა ფინანსთა მინისტრი ჯაბაღიევი.

1918

ტიპი: ღონისძიება

1918 წელს პეტრე ესიკოვსკის ცირკში გამართულ მიხა ცხაკაიას ლექციაზე, რომელიც დიდ მიტინგად იქცა, ბოლშევიკებმა საპროტესტო მანიფესტაციით გამართვა მოინდომეს, რასაც ქაოსი მოჰყვა. სიტუაცია გენერალ-გუბერნატორ გიორგი მაზნიაშვილის ბრძანებით განიმუხტა.

1918

ტიპი: ღონისძიება

1918 წელს ალექსანდრე ლომთათიძის თავმჯდომარეობით ქალაქის საბჭოს სხდომა გაიმართა, რომელზეც ქალაქის ფინანსური მდგომარეობისა და მოსამსახურეთა ჯამაგირის საკითხი განიხილეს.

1918

ტიპი: ღონისძიება

1918 წელს სოციალ-დემოკრატიული პარტიის მე-8 ყრილობაზე აგრარული საკითხი განიხილეს. მომხსენებელი იყო ნოე ხომერიკი. ყრილობის დიდ უმრავლესობას შეადგენდნენ დელეგატები, რომელთაც მისალმების დეპეშები გაუგზავნეს გერმანიის სოციალ-დემოკრატებს, ინტერნაციონალსა და რუსეთის სოციალ-დემოკრატიული მუშათა პარტიის ცენტრალურ კომიტეტს.

1918

ტიპი: ღონისძიება

1918 წელს გაიმართა ქალაქის საბჭოს სხდომა ალექსანდრე ლომთათიძის თავმჯდომარეობით. მისი წინადადებით, ფეხზე ადგომით პატივი მიაგეს სომხეთის რესპუბლიკის მზრუნველობის მინისტრის, ყოფილი ხმოსნის, კარჩიკიანის ხსოვნას, შემდეგ იმსჯელეს ხმოსან ნიკოლოზ ხუდადოვის მიერ დასმულ საკითხზე – ქალაქში ბოლო დროს დინამიტების აღმოჩენასა და სხვა უწესობაზე. ხუდადოვის წინადადებით, ამ საკითხის გამოსაკვლევად კომისია უნდა შექმნილიყო.

1918

ტიპი: ღონისძიება

1918 წელს საქართველოს პარლამენტში ნიკოლოზ ჩხეიძის თავმჯდომარეობით გამართულ სხდომაზე დაამტკიცეს ორასი მილიონი მანეთის ბონის გამოცემის კანონის საბოლოო ტექსტი, პირველდაწყებითი სკოლების გახსნისა და სააქციზო უწყების ორგანიზაციის კანონები, ასევე განიხილეს რამდენიმე კანონპროექტი.

1918

ტიპი: ღონისძიება

1918 წელს შინაგან საქმეთა სამინისტროში გამართულ საქართველოს ერობათა წარმომადგენლების თათბირს, რომელსაც თავმჯდომარეობდა შინაგან საქმეთა მინისტრი ნოე რამიშვილი, დაესწრნენ სხვა უწყებათა წარმომადგენლებიც. მოისმინეს მოხსენებები შემდეგ საკითხებზე: საფოსტო, სასოფლო გზების დაქსელვა, ერობის ბიუჯეტი, რესპუბლიკის ტერიტორიის ახალ ადმინისტრაციულ ერთეულებად დაყოფა და სხვ.

1918

ტიპი: ღონისძიება

1918 წელს თეატრ „ავლაბარ-პალასის“ შენობაში გამართულ მუშათა კლუბის დამფუძნებელი კრებაზე კლუბის საპატიო წევრად სახალხო გმირი ვალიკო ჯუღელი აირჩიეს, კრების თავმჯდომარედ კი — ა. თუმანიანცი. გამომსვლელებმა აღნიშნეს მუშათა კლუბის დიდი მნიშვნელობა მშრომელთა განვითარების საქმეში.

1918

ტიპი: ღონისძიება

1918 წელს ალექსანდრე ლომთათიძის თავმჯდომარეობით გამართულ ქალაქის საბჭოს სხდომაზე მოხსენება წაიკითხა ალექსანდრე ხახანაშვილმა. სხდომაზე თბილისის საქალაქო არჩევნების საკითხი განიხილეს. ქალაქში შეიქმნა 51 საარჩევნო უბანი. საარჩევნო სიები დაიბეჭდა ქართულად, რუსულად და სომხურად. კანდიდატი ორი წლის სამუშაო ვადით აირჩიეს.

1918

ტიპი: ღონისძიება

1918 წელს დემოკრატიულ კლუბში ალექსანდრე მაისურაძის ხელმძღვანელობით გაიმართულმა კონცერტმა საზოგადოების მოწონება დაიმსახურა.

1918

ტიპი: ღონისძიება

1918 წლის პირველ დეკემბერს საქართველოს დამოუკიდებლობის აღდგენიდან 6 თვის აღსანიშნავად დედაქალაქში გაიმართა სახალხო ზეიმი, მსვლელობა მოაწყვეს თბილისის სახელმწიფო უნივერსიტეტის სტუდენტებმა (უნივერსიტეტიდან — მთავრობის სასახლემდე). მთავრობის სასახლის წინ შეკრებილ ხალხს სიტყვით მიმართეს პრემიერ-მინისტრმა ნოე ჟორდანიამ და მთავრობის წევრებმა.

1918

ტიპი: ღონისძიება

1918 წელს მთავრობის სასახლის წინ ჩატარდა საზეიმო აღლუმი, რომელშიც მონაწილეობა მიიღეს ქართული ჯარისა და სახალხო გვარდიის ყველა საბრძოლო დანაყოფებმა, აღლუმის ბოლოს მოედანს საზეიმოდ გადაუფრინეს აეროპლანებმა. აღლუმი ჩაიბარა საქართველოს სახელმწიფოს მეთაურმა ნოე ჟორდანიამ.

1918

ტიპი: ღონისძიება

1918 წელს, ზეიმის დასრულების შემდეგ, პარლამენტის საგანგებო სხდომა გაიმართა, რომელსაც საქართველოში მყოფი უცხო ქვეყნების დიპლომატიური კორპუსის წარმომადგენლებიც დაესწრნენ, მათ შორის იყო გერმანიის დელეგაცია ფონ-კრესთან ერთად. სხდომაზე მთავრობის თავმჯდომარე ნოე ჟორდანიამ შეაჯამა ხელისუფლების საქმიანობის ექვსი თვის შედეგები და საზოგადოებას უსურვა, რომ 26 მაისის აქტი მათთვის მუდმივ დღესასწაულად გადაქცეულიყო.

1911

ტიპი: ღონისძიება

1911 წლის 15 სექტემბერს ქართველთა შორის წერა-კითხვის გამავრცელებელი საზოგადოების ილია ჭავჭავაძის ძეგლის ფონდს ქეთევან ჟურულის მიერ შეგროვებული 140 მანეთი გადაეცა.

1918

ტიპი: ღონისძიება

1918 წელს ჟურნალის „თეატრი და ცხოვრება“ მხარდასაჭერად ქართული კლუბის მიერ გამართულ სალიტერატურო, სამუსიკო და საცეკვაო საღამოში მონაწილეობდნენ: გალაკტიონ ტაბიძე, ტიციან ტაბიძე, იოსებ გრიშაშვილი, შალვა დადიანი და სხვ.

1918

ტიპი: ღონისძიება

1918 წელს ბათუმში ჩავიდა ამერიკის შეერთებული შტატების მისიის წარმომადგენელი, ჩიკაგოს უნივერსიტეტის რექტორი, საერთაშორისო სამართლის დოქტორი ჯედსონი, რომელიც საქართველოს ხელისუფლების წარმომადგენელ დიომიდე თოფურიძეს შეხვდა.

1918

ტიპი: ღონისძიება

1918 წელს საქართველოს მთავრობის განცხადების შემდეგ, სომხეთთან ფართომაშტაბიანი ომის დაწყების შესახებ, ქვეყანაში სამხედრო მობილიზაცია გამოცხადდა. მთავრობის თავმჯდომარე ნოე ჟორდანიამ პარლამენტს მიმართა სიტყვებით, რომ რადგან არარატის რესპუბლიკის მთავრობა მშვიდობიან პოლიტიკურ მოლაპარაკებაზე უარს ამბობდა, საქართველოს მთავრობა იძულებული იყო, მშვიდობიანობა იარაღით დაემყარებინა.

1918

ტიპი: ღონისძიება

1918 წლის დეკემბერში სომხეთის თავდასხმის გამო შედგა საქართველოს პარლამენტის საგანგებო სხდომა. სიტყვით გამოვიდნენ მთავრობის თავმჯდომარე ნოე ჟორდანია, სამხედრო მინისტრი გრიგოლ გიორგაძე, სახალხო გვარდიის სარდალი ვალიკო ჯუღელი, პარლამენტის სხვა წევრები და ეროვნული უმცირესობების წარმომადგენლები. მათ ერთხმად დაგმეს თავდასხმის ფაქტი და მთავრობას თავდაცვის გაძლიერებისკენ მოუწოდეს.

1918

ტიპი: ღონისძიება

1918 წლის 20 დეკემბრის გაზეთ „საქართველოს რესპუბლიკის“ ცნობით, სამხედრო მინისტრმა გრიგოლ გიორგაძემ ქართველ ხალხს და ჯარისკაცებს საომარი სულისკვეთების ასამაღლებლად მიმართა. საქართველოს სხვადასხვა მაზრეაი შედგა მოხალისეთა რაზმები, რომლებიც ფრონტისაკენ გაემგზავრნენ (სომხეთ-საქართველოს ომი).

1918

ტიპი: ღონისძიება

1918 წელს „ქართულ კლუბში“ ალექსანდრე მაისურაძის გუნდის მონაწილეობით ქართული ჯარის დასახმარებლად საქველმოქმედო კონცერტი გაიმართა.