ქშწკგს პროსოპოგრაფია

ფაქტები

რეგისტრირებული ფაქტები41868

ფილტრი:
ფაქტის ტიპი ღონისძიება

1919

ტიპი: ღონისძიება

1919 წლის დეკემბრის შუა რიცხვებში სახალხო გვარდიის დღესასწაულის გამო ნოე ჟორდანიამ, სახალხო გვარდიამ და დამფუძნებელი კრების პრეზიდიუმმა სხვადახვა კუთხიდან და ორგანიზაციებიდან მიიღეს მისალოცი დეპეშები.

1919

ტიპი: ღონისძიება

1919 წლის 19 დეკემბერს საქართველოს პრესბიურომ პარიზიდან მიიღო ჟურნალი "L'image" („სახე“), რომლის ყდაზე იყო ინფორმაცია საქართველოს დამოუკიდებლობის შესახებ, ნოე ჟორდანიას, მინისტრების, თამარ მეფის, ერეკლე მეორის, შოთა რუსთაველის, ილია ჭავჭავაძის, აკაკი წერეთლისა და სხვ. სურათები.

1919

ტიპი: ღონისძიება

1919 წლის დეკემბერში 10 მერვეკლასელს, რომლებიც გვარდიის დღეს მწკრივში არ ჩადგნენ, მეორე გიმნაზიის დირექტორმა სილოვან ხუნდაძემ ფიზიკური და სიტყვიერი შეურაცხყოფა მიაყენა და გიმნაზიიდან დაითხოვა.

1918

ტიპი: ღონისძიება

1918 წელს გოლოვინის პროსპექტის №10-ში ახალი თეატრის, „არგონავტების ნავის“, გახსნას დაესწრნენ ქართველი მწერლები, პოეტები, ეროვნული საბჭოს წევრები და რუსი მხატვრები, მათ შორის პოეტი გოროდეცკი და კომპოზიტორი ჩერეპნინი. მწერალი ლვოვი საზოგადოებას მიესალმა და ამ საქმის მოთავე ჯგუფის მიზანი გააცნო – ისეთი კუთხის მოწყობა, სადაც შეიკრიბებოდნენ ლიტერატორები, რომლებიც პოლიტიკისგან შორს იქნებოდნენ.

1918

ტიპი: ღონისძიება

1918 წელს სამხედრო მინისტრმა გრიგოლ გიორგაძემ ხუთი სახალხო გვარდიელი მეორე ხარისხის გიორგის ჯვრით დააჯილდოვა, 77 – მესამე ხარისხის ჯვრით, 37-მა კი მეოთხე ხარისხის გიორგის ჯვარი მიიღო. მესამე ხარისხის გიორგის ჯვრით დააჯილდოვეს ვერა ლუბატოვიჩიც, ხოლო მეოთხით – თამარა სამხარაძე.

1918

ტიპი: ღონისძიება

1918 წლის 8 სექტემბერს სახალხო გვარდიის მთავარმა შტაბმა ორთაჭალაში (ხარფუხის რაიონი) ახალი მუშათა კლუბი გახსნა. გახსნაზე სიტყვით გამოვიდნენ ნიკოლოზ ჩხეიძე, ალექსანდრე ლომთათიძე და სხვადასხვა დემოკრატიული დაწესებულებისა და ორგანიზაციის წარმომადგენლები. კლუბის გამგეობა მხატვრულ-ლიტერატურულ, დრამატულ და მუსიკალურ სექციებად იყო დაყოფილი.

1920

ტიპი: ღონისძიება

1920 წლის 26 მაისის დღესასწაულის ორგანიზება დამფუძნებელი კრების წევრ გრიგოლ ტიმოთეს ძე გიორგაძეს დაავალეს.

1872

ტიპი: ღონისძიება

1872 წელს ფონ-ვიხმანის წიგნის მაღაზია და ბიბლიოთეკა გაიხსნა.

1920

ტიპი: ღონისძიება

1920 წლის 26 მაისს საქართველოს დიპლომატიური წარმომადგენელი გრიგოლ რცხილაძე კონსტანტინოპოლიდან თბილისში დაბრუნდა.

1920

ტიპი: ღონისძიება

1920 წლის 27 მაისს მთავრობის თავმჯდომარე ნოე ჟორდანია ლანჩხუთში გაემგზავრა. მისი მოვალეობის შესრულება საგარეო საქმეთა მინისტრ ევგენი გეგეჭკორს დაევალა.

1920

ტიპი: ღონისძიება

1920 წლის 31 მაისს ზუგდიდიდან შინაგან საქმეთა სამინისტროში გაგზავნილ დეპეშაში აღნიშნულია, რომ სალომე მიურატის სასახლიდან მოპარული ნივთები აღმოაჩინეს და ბოროტმოქმედები დააპატიმრეს და რამდენიმე ნივთი მიურატის რწმუნებულის, მღვდელ ჭანტურიას სახლში იპოვეს.

1935

ტიპი: ღონისძიება

1935 წლის 23 ივნისს ცენტრალური კომიტეტის პლენუმმა ამორალური ქმედებების გამო აბელ ენუქიძის პარტიიდან გარიცხვის გადაწყვეტილება მიიღო.

1920

ტიპი: ღონისძიება

1920 წლის 24 დეკემბერს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს სატარიფო პალატის განკარგულება მოსამსახურე პირებისთვის 10 000 მანეთის საქონლის მიცემის შესახებ. გამგეობამ თხოვნა დააკმაყოფილა.

1918

ტიპი: ღონისძიება

1918 წლის 15 სექტემბრის გაზეთ ”საქართველოს რესპუბლიკის” ცნობით, ეროვნულ-დემოკრატიულ პარტიაში მომხდარი განხეთქილების გამო პარტიის საპარლამენტო ფრაქციის 6 წევრმა (ფრაქციის მემარჯვენე ფრთა) ეროვნული საბჭოს პრეზიდიუმს დამოუკიდებელი ეროვნულ-დემოკრატიული ფრაქციის დაარსების შესახებ განუცხადა. დაარსდა დამოუკიდებელი ეროვნულ-დემოკრატიული პარტიის მთავარი კომიტეტის გაზეთი „კლდე“, გრიგოლ ვეშაპელის რედაქტორობით.

1919

ტიპი: ღონისძიება

1920 წლის 5 ივნისს ირაკლი წერეთელი და გრიგოლ ურატაძე ლანჩხუთში ჩავიდნენ. რაიონში გამართულ კრებაზე ირაკლი წერეთელი მოხსენებით გამოვიდა დასავლეთ ევროპის მდგომარეობის შესახებ.

1920

ტიპი: ღონისძიება

1920 წლის 7 ივნისს თბილისში ჩამოვიდა საქართველოს დიპლომატიური წარმომადგენელი აზერბაიჯანში გრიგოლ ალშიბაია.

1920

ტიპი: ღონისძიება

1920 წლის 7 ივნისს ალექსანდრე ლომთათიძის თავმჯდომარეობით გამართულ თბილისის საბჭოს სხდომაზე განიხილეს უპატრონო ქალთა შესანახად და სოციალური დახმარებისთვის 15 000 მანეთის, უფასო სასადილოების ხარჯების ასანაზღაურებლად კი 20000 მანეთის გადადების საკითხები და სხვ.

1920

ტიპი: ღონისძიება

1920 წლის 8 ივნისს ალექსანდრე ლომთათიძის თავმჯდომარეობით დამფუძნებელი კრების სხდომა გაიმართა.

1920

ტიპი: ღონისძიება

1920 წლის 11 ივნისს მხატვრებმა – ევგენი ევგენის ძე ლანსერემ, იაკობ ივანეს ძე ნიკოლაძემ, დიმიტრი შევარდნაძემ, გიორგი კონსტანტინეს ძე ერისთავმა და იოსებ ადოლფის ძე შარლემანმა – დაიწყეს ახალი ფულის ნიშნების პროექტის შედგენა 1, 3, 5, 10, 25, 100, 250 და 500-მანეთიანი კუპიურებისათვის. პროექტში შენარჩუნებული უნდა ყოფილიყო ქართული სტილი.

1920

ტიპი: ღონისძიება

1920 წლის 13 ივნისს მიხეილ ნაკაშიძემ ომში დახოცილ მეომართა ოჯახების დასახმარებლად 100 000 მანეთის შემოწირულება გაიღო.

1920

ტიპი: ღონისძიება

1920 წლის 18 ივნისს ალექსანდრე ლომთათიძის თავმჯდომარეობით დამფუძნებელი კრების სხდომა გაიმართა.

1918

ტიპი: ღონისძიება

1918 წლის სექტემბერში კარლო ჩხეიძის თავმჯდომარეობით გამართულ საქართველოს ეროვნული საბჭოს სხდომაზე საბჭომ საპარლამენტო ენის შესახებ წინა სხდომაზე მიღებული კანონპროექტი დაამტკიცა. კანონპროექტის თანახმად, ოფიციალურ სახელმწიფო ენად ქართული აღიარეს, ხოლო ეროვნულ უმცირესობათა წარმომადგენლებს საბჭოში დედაენაზე გამოსვლის უფლება მისცეს.

1918

ტიპი: ღონისძიება

1918 წელს ქართული ლატარიის ბილეთების საჯარო გაყიდვა დაიწყო. თანხა უნივერსიტეტსა და თეატრს უნდა მოხმარებოდა. აკაკი ხოშტარიამ ლატარიას 50 000 მანეთი შესწირა, მესტამბე ბართლომე კილაძემ – 2 000 მანეთი და ნაღდი ფულით 1000 მანეთის ბილეთები შეიძინა.

1918

ტიპი: ღონისძიება

1918 წელს სოჭაში ქართველების მიერ გამართულ კრებაზე განიხილეს ევგენი გეგეჭკორისა და გენერალ გიორგი მაზნიაშვილის მიერ წამოჭრილი საკითხები ყუბანის მთავრობისა და მოხალისეთა რაზმის შესახებ და გადაწყვიტეს, ეროვნული საბჭოსა და რესპუბლიკის მთავრობისთვის ერთხოვათ დახმარება, რადგან ალექსეევის მოხალისეთა რაზმი, რომელმაც სოჭის ოლქი დაიკავა, მუდამ შეეწინააღმდეგებოდა საქართველოს დამოუკიდებლობას.

1918

ტიპი: ღონისძიება

1918 წელს თბილისის სახალხო უნივერსიტეტში ახალი აკადემიური წელი დაიწყო. ლექტორებად სამსონ დადიანი, შალვა ნუცუბიძე, აკაკი პაპავა და ქრისტეფორე რაჭველიშვილი იყვნენ ჩაწერილები.