რეგისტრირებული ფაქტები41868
ფილტრი:
სორტირება ახალი ჩანაწერების მიხედვით
1920
ტიპი: ღონისძიება
1920 წლის თებერვალში აკაკი წერეთლის ძეგლის დასადგმელად საჭირო პირობების შესამუშავებლად ხელოვნების კომისიისა და ეთნოგრაფიული საზოგადოების გაერთიანებული სხდომა მოიწვიეს.
1920
ტიპი: ღონისძიება
1920 წლის 15 თებერვალს ნოე ჟორდანიამ მიიღო დეპეშა აზერბაიჯანის სამხრეთ-დასავლეთ ნაწილში მცხოვრები თათრებისგან, რომლებიც სომეხთა თავდასხმების გამო ჩიოდნენ და მთავრობის თავმჯდომარეს საზღვრებზე სომხების თავდასხმების აღსაკვეთად ზომების მიღებას სთხოვდნენ.
1920
ტიპი: ღონისძიება
1920 წლის თებერვალში თბილისის მომღერალთა კავშირმა კომპოზიტორ კოტე ფოცხვერაშვილის ხელმძღვანელობით სახალხო სახლში მუშებისათვის უფასო კონცერტი გამართა.
1920
ტიპი: ღონისძიება
1920 წლის თებერვალში იტალიის სამოქალაქო მისიამ სენატორ კონტორის მეთაურობით ინახულა მთავრობის თავმჯდომარე ნოე ჟორდანია. მათ დიდხანს ისაუბრეს საქართველოსა და იტალიის ეკონომიკური დაახლოების პერსპექტივებზე.
1920
ტიპი: ღონისძიება
1920 წლის თებერვალში მიწისძვრასთან დაკავშირებით თბილისიდან გორში გაგზავნეს შინაგან საქმეთა მინისტრის მოადგილე ნიკოლოზ ჭიჭინაძე, რკინიგზის უფროსი, სამედიცინო პერსონალი და ინჟინრები.
1920
ტიპი: ღონისძიება
1920 წლის თებერვალში გორიდან თბილისში დაბრუნდნენ შინაგან საქმეთა მინისტრის მოადგილე ნიკოლოზ ჭიჭინაძე და ადმინისტრაციულ განყოფილებათა უფროსი ვ. მგალობლიშვილი. ისინი 20 თებერვალს გაგზავნეს გორში მიწისძვრის შედეგების ადგილზე გასაცნობად და სასწრაფო ზომების მისაღებად.
1920
ტიპი: ღონისძიება
1920 წლის თებერვალში სწრაფი მატარებლით გორში გაემგზავრნენ ბრიტანეთის უმაღლესი კომისარი ოლივერ უორდროპი, საფრანგეთის მისიის უფროსი დე ნონანკური, საფრანგეთის კონსული დუ-რუა, პოლონეთის წარმომადგენელი ვაცლავ ოსტროვსკი და იტალიის მისიის წარმომადგენელი კუკი.
1920
ტიპი: ღონისძიება
1920 წლის თებერვალში ნოე ჟორდანია მთავრობისა და დამფუძნებელი კრების წევრებთან ერთად საგანგებო მატარებლით გორში გაემგზავრა.
1920
ტიპი: ღონისძიება
1920 წელს საქართველოს პროფკავშირთა სეკრეტარიატმა მიიღო დადგენილება, სახალხო უნივერსიტეტს ეშუამდგომლა მთავრობის თავმჯდომარე ნოე ჟორდანიასთან და სწავლის წლის ბოლომდე გაგრძელებაში დახმარებოდა.
1920
ტიპი: ღონისძიება
1920 წლის მარტში იოსებ ზაქარიას ძე იმედაშვილის რედაქტორობით გამოვიდა ახალი მხატვრული ჟურნალი „პარნასი“.
1920
ტიპი: ღონისძიება
1920 წლის მარტში ტასო აბაშიძის, ელისაბედ ჩერქეზიშვილისა და შალვა დადიანის შემადგენლობით ქართული დასი თბილისიდან ბათუმში გაემგზავრა.
1920
ტიპი: ღონისძიება
1920 წლის მარტში აჭარიდან ჩამოსული დელეგაცია შეხვდა აკაკი ჩხენკელს. მათ აჭარასთან დაკავშირებულ საკითხებზე ისაუბრეს.
1920
ტიპი: ღონისძიება
1920 წლის მარტში საქართველოს დემოკრატიული რესპუბლიკის დამფუძნებელი კრების წევრი გიორგი ანჯაფარიძე ართვინსა და არტანუჯში გაემგზავრა.
1920
ტიპი: ღონისძიება
1920 წლის მარტში მთავრობის თავმჯდომარე ნოე ჟორდანიამ ახალციხიდან დეპეშა მიიღო, რომელშიც სოფელ შავშეთის წარმომადგენლები მთავრობას ჯარის გაგზავნისთვის მადლობას უხდიდნენ.
1920
ტიპი: ღონისძიება
1920 წელს დამფუძნებელმა კრებამ ნიკო ნიკოლაძისგან შეიძინა სამკითხველო, რომელიც ფოთიდან თბილისში გადმოიტანეს.
1920
ტიპი: ღონისძიება
1920 წლის 19 მარტს სასახლის წინ შეკრებილმა მომიტინგეებმა მთავრობის თავმჯდომარე ნოე ჟორდანიას გადასცეს რეზოლუცია, რომელშიც აღნიშნული იყო, რომ ბათუმის ოლქი საქართველოს განუყოფელი ნაწილია. მომიტინგეები მთავრობისგან პრობლემის მოსაგვარებლად გაბედული ნაბიჯის გადადგმას მოითხოვდნენ.
1920
ტიპი: ღონისძიება
1920 წელს კახეთიდან დაბრუნებულმა აკაკი ჩხენკელმა ფართო აუდიტორიის წინაშე საქართველოს საშინაო და საგარეო ვითარება მიმოიხილა.
1920
ტიპი: ღონისძიება
1920 წლის მარტში ნოე ჟორდანიამ მიუღებლად ჩათვალა ზუგდიდის მაზრის მასწავლებელთა კავშირის მდგომარეობა, ამიტომ საქმე გამოსაკვლევად შინაგან საქმეთა სამინისტროს გადასცა.
1920
ტიპი: ღონისძიება
1920 წლის 30 მარტს საქართველოში ჩამოვიდა პოლონეთის დიპლომატიური მისია ტიტუს ფილიპოვიჩის ხელმძღვანელობით. სტუმრები შეხვდნენ მთავრობის თავმჯდომარესა და დამფუძნებელი კრების თავმჯდომარის მოადგილე ექვთიმე თაყაიშვილს. პოლონელი დიპლომატები აზერბაიჯანსა და სომხეთსაც ეწვივნენ.
1920
ტიპი: ღონისძიება
1920 წლის 31 მარტს იტალია-კავკასიის ბანკის გამგემ შინაგან საქმეთა მინისტრ ნოე რამიშვილს აუწყა, რომ ევროპასთან მჭიდრო კავშირისთვის მათ შეიმუშავეს ამიერკავკასიაში რადიოტელეგრამის ექსპლოატაციისა და დამოუკიდებელი საზოგადოების დაარსების პროექტი.
1918
ტიპი: ღონისძიება
1918 წელს ექვთიმე თაყაიშვილის თავმჯდომარეობით გამართულ საქართველოს პარლამენტის სხდომაზე განიხილეს კანონპროექტი შავი ზღვის სანაპირო რკინიგზის დამთავრების შესახებ. გობეჩიამ პროექტის მნიშვნელობაზე ისაუბრა და განაცხადა, რომ ხალხისა და რესპუბლიკის ინტერესებიდან გამომდინარე სასურველი იყო, გზას ზუგდიდში გაევლო. პარლამენტმა კანონი უცვლელად მიიღო.
1918
ტიპი: ღონისძიება
1918 წლის ოქტომბერში ექვთიმე თაყაიშვილის თავმჯდომარეობით გამართულ საქართველოს პარლამენტის რიგგარეშე სხდომაზე საქართველოსა და სომხეთის კონფლიქტის მიზეზები განიხილეს. სიტყვით გამოვიდნენ შინაგან საქმეთა მინისტრი ნოე რამიშვილი და სამხედრო მინისტრი გრიგოლ გიორგაძე, რომელთაც აღნიშნეს, რომ უთანხმოების მიზეზი იყო სომხების მიერ მოსაზღვრე ხიდიდან კობერამდე არსებული ტერიტორიის დაკავება.
1918
ტიპი: ღონისძიება
1918 წელს ალექსანდრე ლომთათიძის თავმჯდომარეობით გამართულ ქალაქის საბჭოს კრებაზე განიხილეს საქართველოსა და სომხეთს შორის კონფლიქტის საკითხი. ა. ლომთათიძემ კრებას წაუკითხა ყველა საბუთი, რომლებიც მთავრობას კონფლიქტის შესახებ ჰქონდა მიღებული, მათ შორის გენერალ მიხეილ ციციშვილისა და სომხეთის მთავრობის თავმჯდომარის, რ. ი. კაჩაზნუნის დეპეშა. დადგინდა, რომ ორივე რესპუბლიკა მზად იყო საზღვრების საკითხის უიარაღოდ მოსაგვარებლად.
1918
ტიპი: ღონისძიება
1918 წელს ნიკოლოზ ჩხეიძის თავმჯდომარეობით საქართველოს პარლამენტში გამართულ სხდომაზე დამფუძნებელი კრების არჩევნების დებულება განიხილეს. მომხსენებელი იყო ალექსანდრე ლომთათიძე.