1918

ტიპი: ღონისძიება

1918 წელს საქართველოს რესპუბლიკის თავმჯდომარეს თელავიდან დეპეშით შეატყობინეს, რომ 21 დეკემბერს თელავში გამართულ სომეხთა კრებაზე დამწრე საზოგადოება აპროტესტებდა სომეხ ავანტურისტთა მოქმედებებს. ისინი საქართველოს რესპუბლიკას თანადგომას უცხადებდნენ და ბრძოლაში დახმარებას ჰპირდებოდნენ. დეპეშას ხელს აწერდა სხდომის თავმჯდომარე ნინო ხითაროვი.

1918

ტიპი: ღონისძიება

1918 წელს საქართველოს პარლამენტმა და მთავრობის თავმჯდომარე ნოე ჟორდანიამ მიიღო კანონი აჭარისთვის ავტონომიის მინიჭების შესახებ საქართველოს რესპუბლიკის ფარგლებში.

1920

ტიპი: ღონისძიება

1920 წელს მეორე ქართულ კლუბში ბელეტრისტ ვასილ ბარნოვის საიუბილეო საღამო გაიმართა.

1920

ტიპი: ღონისძიება

მესხეთ-ჯავახეთის სახალხო ყრილობა დეპეშით მიესალმა რესპუბლიკის მთავრობის თავმჯდომარეს და დახმარება აღუთქვა იმ ბრძოლაში, რომელიც მას ისტორიამ დააკისრა.

1920

ტიპი: ღონისძიება

1920 წელს ახალი ათონის სვიმონ კანანელის მონასტრის წინამძღვარმა შუამდგომლობა აღძრა შინაგან საქმეთა სამინისტროს წინაშე, რომ მონასტრისთვის ნება მიეცათ, გაეყიდა ქალაქ სოხუმში, მიხეილისა და ოლგას ქუჩაზე მდებარე მისი კუთვნილი მამული. საქართველოს საკათალიკოსო საბჭოს დასკვნის თანახმად შსს მინისტრმა თხოვნის დაკმაყოფილება შესაძლებლად მიიჩნია.

1920

ტიპი: ღონისძიება

1920 წლის 18 აპრილს შინაგან საქმეთა და განათლების მინისტრი ნოე რამიშვილი მიწისძვრისაგან დანგრეულ გორს ეწვია.

1920

ტიპი: ღონისძიება

1920 წლის 2 მაისს ზუბალაშვილის სახალხო სახლში ნოე ჟორდანიას თავმჯდომარეობით თბილისის მუშათა დეპუტატების საბჭოსა და ყველა პროფესიული კავშირის წარმომადგენელთა შეერთებული სხდომა შედგა. სხდომამ მოისმინა მოხსენებები აზერბაიჯანში საბჭოთა მთავრობის გამოცხადების შესახებ.

1920

ტიპი: ღონისძიება

1920 წელს ალექსანდრე ლომთათიძის თავმჯდომარეობით გაიმართა დამფუძნებელი კრების სასწრაფო სხდომა, რომელზეც აზერბაიჯანში მომხდარი გადატრიალება განიხილეს.

1920

ტიპი: ღონისძიება

1920 წლის 6 მაისს საქართველოს რკინიგზელთა ცენტრალური გამგეობა მიესალმა თავდაცვის საბჭოს თავმჯდომარე ნოე ჟორდანიას და აღთქმა დადო, რომ შეებრძოლებოდა თავისუფლების მტრებს, როგორც გარე თავდამსხმელებს, ისე შიგნით მომუშავე ბნელ ელემენტებს.

1920

ტიპი: ღონისძიება

1920 წელს დამფუძნებელი კრების თავმჯდომარის უფროსი მოადგილე ალექსანდრე ლომთათიძე მოხსენების წასაკითხად თბილისიდან დასავლეთ საქართველოში გაემგზავრა.

1920

ტიპი: ღონისძიება

1920 წლის მაისში მთავრობის თავმჯდომარე ნოე ჟორდანიას წარუდგა სომხეთის დიპლომატიური მისიის წარმომადგენელი ბეკზადიანი.

1920

ტიპი: ღონისძიება

მთავრობის თავმჯდომარემ სენაკის სახალხო გვარდიელებისა და ტყიბულის მაღაროელებისაგან მიიღო დეპეშა, რომელშიც აღნიშნული იყო, რომ ისინი დაიცავდნენ დედასამშობლოს.

1920

ტიპი: ღონისძიება

1920 წელს სოფელ კულაშში გაიმართა მიტინგი, რომელსაც ალექსანდრე ლომთათიძეც დაესწრო. მომიტინგეებმა მთავრობას თავდაცვის საქმეში ყოველგვარი დახმარება აღუთქვეს.

1920

ტიპი: ღონისძიება

1920 წელს კონსტანტინე ბერეკაშვილი კახეთში გაჩენილი ვენახების ახალი სენის წინააღმდეგ ბრძოლის საშუალებებს ეძებდა.

1920

ტიპი: ღონისძიება

1920 წლის მაისში რაჟდენ არსენიძე სამუშაო ვიზიტით გორის მაზრასა და ქუთაისის გუბერნიაში გაემგზავრა.

1920

ტიპი: ღონისძიება

1920 წლის მაისში მთავრობის თავმჯდომარე ნოე ჟორდანიას შეხვდნენ ქიზიყელები, რომლებმაც მზადყოფნა გამოთქვეს მთავრობასთან ერთად დაეცვათ ზაქათალას ოლქი.

1920

ტიპი: ღონისძიება

1920 წლის მაისში გზათა დეპარტამენტის დირექტორ ვ. ა. ჭიჭინაძის განკარგულებით შექმნილი კომისიის მუშაობაში მონაწილეობა სთხოვეს უნივერსიტეტის რექტორ ივანე ჯავახიშვილს, ისტორიკოს სარგის კაკაბაძესა და ეთნოგრაფ პავლე ინგოროყვას.

1918

ტიპი: ღონისძიება

1918 წელს სოფელ ალის მახლობლად დაბანაკებული სამხედრო ნაწილის უფროსმა, პოლკოვნიკმა შენგელიამ ალექსანდრე სულხანიშვილი 12 კაცის თანხლებით რუსი ჯარისკაცების ადგილსამყოფლის გასარკვევად გაუშვა. გზაში შეტაკება მოხდა. ქართველებიდან იბრძოდნენ ალექსანდრე სულხანიშვილი, გუნცაძე და კიდევ ერთი ჯარისკაცი. ბრძოლიდან გაქცეულ ჯარისკაცებს შენგელიამ საყვედური გამოუცხადა.

1917

ტიპი: ღონისძიება

1917 წლის გვიან შემოდგომაზე გენერალ მაზნიაშვილის თხოვნის საფუძველზე საზოგადო მოღვაწეებმა შალვა ქარუმიძე და ქაქუცა ჩოლოყაშვილი ხევსურეთში გაგზავნეს. მათ თბილისში ჩამოიყვანეს ოთხასამდე ხევსური, რომლებიც სამხედრო სკოლის შენობაში დააბინავეს, შემოსეს, იარაღით აღჭურვეს, ჯგუფებად დაყვეს და ოფიცრები დაუნიშნეს. რამდენიმე დღის შემდეგ ეს ჯგუფები სამხედრო ქონების საწყობების სადარაჯოდ გაანაწილეს.

1917

ტიპი: ღონისძიება

1917 წლის გვიან შემოდგომით (თითქმის იმავე დროს, როცა თბილისში ჩოლოყაშვილისა და ქარუმიძის თაოსნობით ოთხასი ხევსური ჩამოვიდა) კაპიტან ჯაფარიძის მეთაურობით ათასეული შედგა. გენერალ გიორგი მაზნიაშვილს ამ ათასეულის თავის მიერ შედგენილ მე-2 დივიზიასთან შეერთება ჰქონდა განზრახული.

1917

ტიპი: ღონისძიება

1917 წლის გვიან შემოდგომაზე თბილისიდან 303-ე ვერსზე თავი მოიყარა ოსმალეთის ფრონტიდან უკანდახეულმა თექვსმეტმა რუსულმა ეშელონმა ზარბაზნებითა და ტყვიამფრქვევებით. მათ მთავრობას წაუყენეს მოთხოვნები, რომელთა შორის მთავრობის გადადგომა იყო. გენერალი გიორგი მაზნიაშვილი მეფისნაცვლის სასახლეში ევგენი გეგეჭკორთან მიიწვიეს, რათა გაერკვიათ, შეძლებდნენ თუ არა ქალაქის დაცვას მათ ხელთ არსებული ძალებით. გენერალმა მოახსენა, რომ მე-2 დივიზიის შექმნის საქმე ცუდად მიდიოდა, თუმცა, საჭიროების შემთხვევაში, თავს არ დაზოგავდნენ.

1917

ტიპი: ღონისძიება

1917 წელს ევგენი გეგეჭკორთან გამართულ შეხვედრაზე განიხილეს ფრონტებიდან მობრუნებული თექვსმეტი ეშელონის მხრიდან თბილისზე თავდასხმის საფრთხე. შეხვედრის დეტალები გენერალმა გიორგი მაზნიაშვილმა სამხედრო კორპუსის უფროსს, სტეფანე ახმეტელსა და შტაბის უფროს სოსო გედევანიშვილს გააცნო.

1917

ტიპი: ღონისძიება

1917 წელს, სამხედრო კორპუსის შტაბში გამართული თათბირის შემდეგ, გიორგი მაზნიაშვილმა არტილერიის ახლად შექმნილ ბატარეას მახათას მთისა და სოღანლუღის ქედის დაკავება დაავალა. შემდეგ კი ევგენი გეგეჭკორს არსებული ვითარება მოახსენა.

ტიპი: ღონისძიება

1917 წლის დამლევს, მას შემდეგ, რაც გენერალმა მაზნიაშვილმა არტილერია გააგზავნა მახათას მთისა და სოღანლუღის ქედის დასაკავებლად, იგი გაემართა სამხედრო სკოლისაკენ სადაც თავი მოუყარა ხევსურთა დანაყოფებს (ოთხასამდე კაცი) და თავისუფალ ჯარისკაცებს კაპიტან ჯაფარიძის სუდენტთა ათასეულიდან და გაგზავნა არტილერიის დასაცავად თავად კი ისევ მთავრობის თავმჯდომარესთან გაემართა საქმის ვითარების მოსახსენებლად. მოხსენების შემდეგ იგი შეუერთდა არტილერიას მახათას მტაზე. საჭირო ზომებისა და ულტიმატუმის თავის დროზე წარდგენის გამო, მტრის ეშელონები მთავრობის გადადგომის ნაცვლად სურსათს, ტანისამოსსა და ცხენის საკვებს დასჯერდნენ და ბაქოსკენ გასწიეს, თუმცა მთავრობა კვლავაც შიშობდა, რომ ეშელონებს შეეძლოთ ფოილოს ხიდთან გადმოსხდომა და თბილისზე იერიშის მიტანა.

1917

ტიპი: ღონისძიება

1917 წლის დეკემბერში ნოე რამიშვილის მიერ მეფისნაცვლის სასახლეში გამართულ კრებაზე გადაწყდა, კახეთიდან გამოეწვიათ აფხაზავას ჯავშნიანი მატარებელი, რომელიც ერთ-ერთ რუსულ სამხედრო ნაწილს ადევნებდა თვალყურს. აფხაზავას დაავალეს, ბაქოსკენ მიმავალ 16 რუსულ ეშელონს გაჰყოლოდა.