1918

ტიპი: ღონისძიება

1918 წლის 7 თებერვალს საქართველოს ეროვნული საბჭოს დარბაზში (ფრეილინის ქ. N11-ში) საქართველოს ისტორიული და ეთნოგრაფიული საზოგადოების სხდომაზე პავლე ინგოროყვა წაიკითხავს მოხსენებას ტერიტორიული გამიჯვნის შესახებ, იუწყება „ერთობა“.

1918

ტიპი: ღონისძიება

1918 წლის 7 თებერვლის „ერთობის“ ცნობით, ქართული უნივერსიტეტის დეკანს, ივანე ჯავახიშვილს დაჰპირდნენ, რომ უნივერსიტეტის სტუდენტებს სამხედრო სამსახურის შესრულებასთან ერთად საღამოობით ლექციების მოსმენის საშუალება მიეცემოდათ.

1919

ტიპი: ღონისძიება

1919 წლის 24 იანვარს სახალხო განათლების სამინისტრომ წარადგინა სამტრედიის რკინიგზის უმაღლესი დაწყებითი სასწავლებლის პედაგოგის, რაჟდენ ქრისტეფორეს ძე აბულაძის ნამსახურეობითი სია, შედგენილი 1918 წლის 21 დეკემბერს.

1918

ტიპი: ღონისძიება

ი. გაბუნიას დოკუმენტები (ნამსახურეობის სია) დასამტკიცებლად გადაგზავნილი იყო დაბალი სასწავლებლების მთავარგამგესთან.

1919

ტიპი: ღონისძიება

1919 წლის 4 თებერვალს განათლების სამინისტრომ რკინიგზის სამმართველოს სასწავლო ნაწილის გამგეს აცნობა, რომ რაჟდენ ქრისტეფორეს ძე აბულაძე არ დაამტკიცეს სამტრედიის უმაღლესი დაწყებითი სასწავლებლის მასწავლებლად, რადგან მას არ ჰქონდა განათლების სათანადო ცენზი, რომელიც სამინისტროს მის თანამდებობაზე დამტკიცების უფლებას მისცემდა. ხელს აწერენ მთავარგამგე გიორგი ალმასხანის ძე ჭუმბურიძე და საქმისმწარმოებელი ლ. ჩიმაკაძე.

1918

ტიპი: ღონისძიება

1918 წლის 21 აგვისტოს განათლების სამინისტრომ რკინიგზის სამმართველოს სასწავლო ნაწილის გამგეს მისწერა, რომ სამტრედიის უმაღლესი დაწყებითი სასწავლებლის მასწავლებლად დამტკიცებას ითხოვდა რაჟდენ ქრისტეფორეს ძე აბულაძე. გამგეს სთხოვეს სამინისტროშო გაეგზავნათ ცნობები მისი პედაგოგიური მოღვაწეობის შესახებ და მათი ფორმალური დასკვნა. ხელს აწერენ მთავარგამგე გიორგი ალმასხანის ძე ჭუმბურიძე და საქმისმწარმოებელი ლ. ჩიმაკაძე.

1918

ტიპი: ღონისძიება

1918 წლის 15 აგვისტოს ქუთაისის გუბერნიამ და ბათუმის ოლქმა სახალხო განათლების მინისტრს აცნობეს, რომ რაჟდენ ქრისტეფორეს ძე აბულაძეს დამთავრებული ჰქონდა სასულიერო სემინარიის ოთხი კლასი, რისი მოწმობაც დირექციაში ინახებოდა. აბულაძის შესახებ ყველა დამატებითი ცნობების მიღება შესაძლებელი იყო ამიერკავკასიის რკინის გზის სამოსწავლო განყოფილებიდან. /учебнъй отдъл/. ხელს აწერენ დირექტორი ნიკოლოზ მგელაძე და საქმისმწარმოებელი ივ. ჯანელიძე.

ტიპი: ღონისძიება

გიგო შარაშიძეს უთხრეს, რომ გრიშა გიორგაძემ დაწერა წიგნი „რუსიფიკატორი ეპიზკოპოზი“. გიგო შარაშიძის ვარაუდით, ეს იქნებოდა გაბრიელ ქიქოძის შესახებ შურიძიების მიზნით დაწერილი და მან შალვა შარაშიძეს სთხოვა სიმართლე გაერკვია და გრიშა გიორგაძე სიცრუეში ემხილებინა.

1881

ტიპი: ღონისძიება

1881 წელს გაბრიელ ქიქოძე ქუთაისის სახალხო სკოლების მასწავლებლების კრებაზე გამოვიდა სიტყვით, რომელიც შემდეგ დაიბეჭდა ჟურნალ-გაზეთებში.

ტიპი: ღონისძიება

გაბრიელ ქიქოძემ გრიშა გიორგაძეს ხუცესობა ჩამოართვა.

1920

ტიპი: ღონისძიება

„ერთობაში“ გამოქვეყნდა სამხედრო მინისტრ გრიგოლ ლორთქიფანიძის 1920 წლის 22 ივლისის ბრძანება რესპუბლიკის ჯარებისადმი იმის შესახებ, რომ 1919 წლის იანვრის დასაწყისში დაარსებულ ფრონტის დამხმარე მთავარ კომიტეტში გაერთიანებული არიან: დამფუძნებელი კრების სამხედრო კომისიის წევრები – ნ. იმნაიშვილი, სამხედრო სამინისტროდან – ტიტე ართმელაძე, გვარდიის ექიმი ე. ცინცაძე, პროფესიული კავშირებიდან – ფანცხავა, დაჭრილთა და დასახიჩრებულთა კავშირიდან – მუსელიანი, ვაჭარ-მრეწველთა – ლაღიძე, რკინიგზის – ს. დოლიძე და ნინო განაშვილისა, ელიავასი, რამიშვილისა, კიკვაძისა და ბახტაძისა სერ. ჟორჟოლიანის თავმჯდომარეობით. კომიტეტმა ფრონტზე მყოფ მეომართათვის ბევრი რამ გააკეთა. მინისტრი მხედრობის სახელით მადლობას უხდის კომიტეტს და ყველას, ვინც ხელი შეუწყო ფრონტის გაძლიერებას.

ტიპი: ღონისძიება

გიორგი ლაფანაშვილმა და ვანო შუშიაშვილმა ურემი დატვირთეს იარაღით და საბურთალოს დაღმამდი მიიყვანეს.

ტიპი: ღონისძიება

1918 წელს სოფელ წილკაანიდან დაიბარეს ურემი სომხეთის ნაციონალური საბჭოს სამხედრო ბაზიდან ნივთების გასატანად, ურემი გაფორმდა თედო შუშიაშვილის სახელზე , ყვირილის ქუჩაზე, სადაც მოთავსებული იყო ბოლშევიკების საიდუმლო იარაღის საწყობი.

1918

ტიპი: ღონისძიება

1918 წლის 14 მაისს გიორგი ლაფანაშვილმა და თომა ჩუბინიძემ ინახულეს ამხ. ხანოიანი, რომელმაც ისინი შუაბაზარში მდებარე ყოფილ მანთაშევის ქარვასლაში წაიყვანა, სადაც სომხეთის ნაციონალური საბჭოს სამხედრო იარაღი ეწყო. ამ საწყობიდან ლაფანაშვილს უნდა გაეტანა სხვადასხვა სახის იარაღი

1920

ტიპი: ღონისძიება

1920 წლის 17 ივლისს ჭიათურაში აკაკი ჩხენკელმა წაიკითხა მოხსენება რუსეთის, ამიერკავკასიის, კერძოდ, საქართველოს პოლიტიკური და ეკონომიკური მდგომარეობის შესახებ.

1920

ტიპი: ღონისძიება

1920 წლის 25 ივლისს, 10 სთ-ზე, სოფ. ქვემო ავჭალაში გაიმართება დიდი მიტინგი, რომელზეც მოხსენებებით გამოვლენ დამფუძნებელი კრების წევრები – სარდიონ თევზაძე და გრიგოლ ცინცაძე, იუწყება „ერთობა“.

1920

ტიპი: ღონისძიება

1920 წლის 16-22 იანვარს თბილისის ქალთა მე-7 გიმნაზიის დირექტორს აუწყეს, რომ საქართველოს რესპუბლიკის ფარგლებში სამსახური მასწავლებელს ეთვლებოდა დროებითი დებულების მე-18 მუხლის თანახმად და ამისთვის არავითარი ცალკე ბრძანება არ იყო საჭირო. ხელს აწერენ დირექტორი გიორგი ნიკიფორეს ძე მებუკე, მდივანი ვუკოლ მიხეილის ძე ბერიძე და საქმისმწარმოებელი დ. მესხი.

1919

ტიპი: ღონისძიება

1919 წლის 20 მარტს თბილისის ვაჟთა მე-7 გიმნაზიამ სახალხო განათლების სამინისტროს მისწერა, რომ შუამდგომლობს პლატონ ქრისტეფორეს ძე აბულაძეს, რათა მას ყველა ნამსახური წელი ჩაუთვალონ ნამდვილ სამსახურში და დაამტკიცონ ლათინური ენის შტატის მასწავლებლად. ხელს აწერენ დირექტორი და საქმისმწარმოებელი გ. მამულაშვილი.

1919

ტიპი: ღონისძიება

1919 წლის 27 მარტის საქართველოს დემოკრატიული რესპუბლიკის უმაღლესი და საშუალო სასწავლებლების მთავარგამგის N86 ბრძანების მიხედვით, თბილისის ვაჟთა მე-7 გიმნაზიის მასწავლებელ პლატონ ქრისტეფორეს ძე აბულაძეს სახალხო განათლების ასპარეზზე ნამსახური წლები ჩაუთვალეს. ხელს აწერს მთავარგამგე გრიგოლ იასონის ძე ნათაძე.

1920

ტიპი: ღონისძიება

1920 წლის 11 ივლისს ბათუმის შემოერთების აღსანიშნავად თიანეთში გაიმართა მრავალრიცხოვანი მიტინგი, რომელიც გახსნა სოციალ-დემოკრატიული პარტიის სამაზრო კომიტეტის თავმჯდომარემ, პაპავამ. სიტყვები წარმოთქვეს: თიანეთის სამაზრო ერობის მუშა-მოსამსახურეთა პროფესიული კავშირის თავმჯდომარემ შარაშიძემ, სოციალისტ-ფედერალისტთა ორგანიზაციის წარმომადგენელმა ვ. ჯიბლაძემ, სახალხო გვარდიის წარმომადგენელმა კ. ბრეგვაძემ, ამხ. ჩაჩიბაიამ და ნ. სოზორმა.

1922

ტიპი: ღონისძიება

ვასო აბაშიძის იუბილეზე სიტყვით გამოვიდნენ: გრიგოლ რობაქიძე, ვასილ ბარნოვი, კოტე მაყაშვილი, ტიციან ტაბიძე და პაოლო იაშვილი.

1920

ტიპი: ღონისძიება

1920 წლის 15 ივლისს ახალსენაკში შეხვდნენ ფრონტიდან დაბრუნებულ გვარდიელებს. მათ მიმართა შტაბის თავმჯდომარე ევტროფი გოგავამ, ერობის სახელით – პ. ქავთარაძემ და ქალაქის თვითმართველობის სახელით – გ. ჯაკობიამ. შემდეგ მოინახულეს აზერბაიჯანის ფრონტზე დაცემული პლ. ხუბუტიას, ქოჩო გუგუშვილისა და ვალიკო გოგოლაშვილის საფლავები. სიტყვა წარმოთქვა ახალგაზრდა გვარდიელმა აკაკი კალანდარიშვილმა.

1920

ტიპი: ღონისძიება

1920 წლის 21 ივლისის „ერთობა“ იუწყება, რომ გორის ფონდს ორი ათასი მან. შესწირა ექიმმა ბეგთაბეგიშვილმა, 15 213 მან.– სახელმწიფო დაწესებულებებში მოსამსახურეთა ეკონომიკურმა საზოგადოებამ. ეს თანხები მიიღო ივანე გომართელმა.

1920

ტიპი: ღონისძიება

1920 წლის 21 ივლისის „ერთობაში“ ნათქვამია, რომ ქართველ მსახიობთა კავშირთან არსებულ გ. არდაშელი-იშხნელის სახელობის კავშირის წევრთა ობლად დარჩენილი შვილების აღსაზრდელ ფონდს ნ. ჩხეიძემ ათასი მანეთი შესწირა.

1920

ტიპი: ღონისძიება

1920 წლის 19 ივლისს შრომის ბირჟის სახალხო კინოთეატრში ჯარისკაცებისთვის გაიმართა ფილმის „შეერთება ბათუმის საქართველოსთან“ დემონსტრაცია. ფილმის დაწყებამდე პოლკოვნიკმა ქარცივაძემ წარმოთქვა სიტყვა ბათუმის საქართველოსთან შეერთების მნიშვნელობაზე.