ქშწკგს პროსოპოგრაფია

ფაქტები

რეგისტრირებული ფაქტები46506

1864

ტიპი: პირადი ურთიერთობა

1864 წელს ილია ჭავჭავაძე შეხვდა თავის ქვისლს, დიმიტრი სტაროსელსკის.

1881

ტიპი: ავტორობა

1881 წლის 1-ელ იანვარს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „საახალწლო მილოცვა“.

1880

ტიპი: ავტორობა

1880 წლის 31 დეკემბერს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „გავლილი 1880 წელიწადი“.

1880

ტიპი: ღონისძიება

1880 წლის 12 დეკემბერს ილია ჭავჭავაძის თავმჯდომარეობით ქართველთა შორის წერა-კითხვის გამავრცელებელი საზოგადოების სხდომა გაიმართა.

1880

ტიპი: ავტორობა

1880 წლის 11 დეკემბერს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „ქუთაისის საოსტატო სემინარია“.

1880

ტიპი: ღონისძიება

1880 წლის 12 დეკემბერს ქართველთა შორის წერა-კითხვის გამავრცელებელი საზოგადოების სხდომამ ივანე მაჩაბლის თხოვნა საკვირაო სკოლების გახსნის შესახებ არ დააკმაყოფილა.

1864

ტიპი: პირადი ინფორმაცია

1864 წელს ილია ჭავჭავაძე ქუთაისიდან თბილისში გაემგზავრა მეუღლის, ოლღა გურამიშვილის ქუთაისში წასაყვანად.

1865

ტიპი: თანამდებობა

1865 წელს ილია ჭავჭავაძემ კოლეგიის რეგისტრატორის ჩინი მიიღო.

1864

ტიპი: პირადი ინფორმაცია

1864 წელს ილია ჭავჭავაძე სამსახურებრივი საქმიანობის გამო ქუთაისის მაზრის სოფლებში მოგზაურობდა.

1880

ტიპი: ავტორობა

1880 წლის 21 დეკემბერს ილია ჭავჭავაძემ ალექსანდრე ნანეიშვილს ბათუმში მისწერა და სთხოვა, ბათუმის სკოლის გახსნის თარიღი შეეტყობინებინა.

1893

ტიპი: ღონისძიება

1893 წლის ოქტომბერში ილია ჭავჭავაძეს ქვიშხეთში დიმიტრი ყიფიანის ოჯახში უმასპინძლეს.

1864

ტიპი: ავტორობა

1864 წელს კირილე ლორთქიფანიძემ ილია ჭავჭავაძეს წერილით შეატყობინა, რომ ქართული პოეტური ნაწარმოებების კრებულის გამოცემას აპირებდა და თავისი ლექსების სასწრაფოდ გაგზავნა სთხოვა.

1880

ტიპი: ავტორობა

1880 წლის 24 დეკემბერს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „ბათომის სკოლა“.

1880

ტიპი: ავტორობა

1880 წელს ჟურნალის „ფალანგა“ №6-ში დაიბეჭდა ოსკარ შმერლინგის კარიკატურა „ქართული ჟურნალისტიკის ძიძა“, რომლის ცენტრში გამოსახული იყო ილია ჭავჭავაძე ხელში ორი „ბავშვით“ – სერგეი მესხითა და ივანე მაჩაბლით.

1878

ტიპი: თანამდებობა

1878-1901 წლებში კირილე პეტრეს ძე იანოვსკი კავკასიის სასწავლო ოლქის მზრუნველი იყო.

1893

ტიპი: ავტორობა

1893 წლის 4 ნოემბრის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 4 ნოემბერი“, რომელიც მწერლის თხზულებათა კრებულებში დაიბეჭდა სათაურით „ტფილისის საურთიერთო სამეურნეო კრედიტის საზოგადოება“.

1864

ტიპი: ღონისძიება

1864 წელს ილია ჭავჭავაძემ მონაწილეობა მიიღო თავად-აზნაურთა საგანგებო კრებაში, რომელზეც საგლეხო რეფორმა განიხილეს.

1893

ტიპი: ავტორობა

1893 წლის 21 ნოემბრის გაზეთ „ივერიაში“ გამოქვეყნდა ილია ჭავჭავაძის წერილი „ტფილისი, 21 ნოემბერი“, რომელიც მწერლის თხზულებათა კრებულებში დაიბეჭდა სათაურით „საგაზეთო შენიშვნები თბილისის ქალაქის გამგეობის მიმდინარე საქმეებზედ“.

1893

ტიპი: ღონისძიება

1893 წლის 9 დეკემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე მიიღეს დადგენილება იაკობ გოგებაშვილის „დედა ენის“ ხელახლა გამოცემის შესახებ.

1893

ტიპი: ავტორობა

1893 წლის 19 ნოემბერს ილია ჭავჭავაძემ ხელი მოაწერა თბილისის სათავადაზნაურო ბანკის გამგეობის სხდომის ოქმს, რომელშიც ივანე მაჩაბლის წინადადება მივლინების დროის წინასწარ განსაზღვრასთან დაკავშირებით გაზიარებული არ იყო.

1880

ტიპი: ღონისძიება

1880 წლის 25 დეკემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ბათუმის სკოლისთვის შენობის დაქირავების, სასწავლო საათების რაოდენობისა და სასწავლო პროგრამის დამტკიცების საკითხები განიხილეს.

1893

ტიპი: ღონისძიება

1893 წლის 9 დეკემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე მოისმინეს ინფორმაცია წინარეხის სკოლის მასწავლებლის მიერ მოვალეობის უპასუხისმგებლოდ შესრულების შესახებ.

1893

ტიპი: ავტორობა

1893 წლის 31 ოქტომბრის გაზეთ „ივერიაში“ დაიბეჭდა ილია ჭავჭავაძის სტატიის „მოკითხული საზოგადო ფული“ დასასრული. წერილი ილიას სახელით პირველად მის თხზულებათა ოცტომეულში დაიბეჭდა.

1893

ტიპი: ღონისძიება

1893 წლის 24 ოქტომბრამდე ილია ჭავჭავაძე ლევან ჯანდიერთან, ალექსანდრე ჩოლოყაშვილთან, დავით მიქელაძესთან გრიგოლ და ალექსანდრე ყიფშიძეებთან ერთად სტუმრად იყო საღოლაშენში, სარდიონ ამირეჯიბისა და მაკინე ავალიშვილის ოჯახში და ავტოგრაფი დატოვა მათი ცნობილი სუფრის შუაგულში. ამ სუფრას ოჯახის ყველა საპატიო სტუმარი აწერდა ხელს და ამირეჯიბთა ქალიშვილები ფერადი ნართით ქარგავდნენ.