ქშწკგს პროსოპოგრაფია

ფაქტები

რეგისტრირებული ფაქტები46487

1894

ტიპი: ავტორობა

1894 წლის 8 სექტემბერს ილია ჭავჭავაძემ მარჯორი უორდროპს მისწერა, რომ თანახმა იყო პოემა „განდეგილის“ ინგლისური თარგმანის გამოცემაზე და ძმასთან ერთად საქართველოში დაპატიჟა.

1881

ტიპი: ავტორობა

1881 წლის 19 სექტემბერს გაზეთ „დროებაში“ გამოქვეყნებულ სტატიაში „ბანკეტი პროფესორ ჩუბინოვის პატივსაცემად“ ილია ჭავჭავაძის ბანკეტზე წარმოთქმული სიტყვა დაიბეჭდა.

1881

ტიპი: ღონისძიება

1881 წლის 19 სექტემბერს ილია ჭავჭავაძემ ოლღა გურამიშვილს საგურამოში ხანჯალი გაუგზავნა, რომ კარგი სამსახურისთვის თავიანთი მეცხვარისთვის გადაეცა.

1881

ტიპი: ავტორობა

1881 წლის 19 სექტემბერს ილია ჭავჭავაძემ ოლღა გურამიშვილს მისწერა, რომ რამდენიმე დღეში საგურამოში ოცამდე სტუმარს ელოდებოდა და თადარიგის დაჭერა სთხოვა.

1903

ტიპი: ავტორობა

1903 წელს ილია ჭავჭავაძის ხელმოწერით ცალკე წიგნად გამოვიდა ქართველთა შორის წერა-კითხვის გამავრცელებელი საზოგადოების ანგარიში.

1904

ტიპი: ღონისძიება

1904 წელს თბილისის სასამართლო პალატამ განიხილა ზაალ გურამიშვილის მეურვის სააპელაციო საჩივარი ილია ჭავჭავაძის წინააღმდეგ წისქვილის თაობაზე და ძალაში დატოვა საოლქო სასამართლოს 1902 წლის 13 თებერვლის გადაწყვეტილება, რომლის მიხედვითაც ილია ჭავჭავაძის ბრალეულობა არ დასტურდებოდა.

1894

ტიპი: ავტორობა

1894 წლის 4 სექტემბრის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 3 სექტემბერი“, რომელიც მწერლის თხზულებათა ოცტომეულში დაიბეჭდა სათაურით „მინისტრის მოლოდინში“.

1894

ტიპი: ავტორობა

1894 წლის 28 აგვისტოს გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 28 აგვისტო“, რომელიც მწერლის თხზულებათა ოცტომეულში დაიბეჭდა სათაურით „სოფლის მეურნეობა რუსეთში“.

1903

ტიპი: ღონისძიება

1903 წელს ნაძალადევში ბიბლიოთეკის გახსნაზე მისულ ილია ჭავჭავაძეს სოციალ-დამოკრატები დაუპირისპირდნენ.

1904

ტიპი: ავტორობა

1904 წელს ილია ჭავჭავაძემ მიიღო ვასილ გამრეკელის წერილი. იგი ახალციხეში მცხოვრებ ქართველთა სახელით შუამდგომლობას სთხოვდა, წმინდა მარინეს სახელობის ადგილობრივ ეკლესიაში ქართული ენის მცოდნე სასულიერი პირი დაენიშნათ.

1903

ტიპი: ავტორობა

1903 წელს ილია ჭავჭავაძემ შეადგინა პირობის წერილი, რომლის თანახმადაც მოჯამაგირედ აიყვანა დუშეთის მაზრის სოფელ საგურამოს მცხოვრები სანდრო უნდილაშვილი.

1903

ტიპი: ავტორობა

1903 წელს ილია ჭავჭავაძემ მიიღო ყვარლის მოურავის გიორგი გიგინაშვილის წერილი საოჯახო-სამეურნეო საკითხებთან დაკავშირებით.

1894

ტიპი: ავტორობა

1894 წლის 18 სექტემბრის გაზეთ „ივერიაში“ უსათაუროდ და ხელმოუწერლად დაიბეჭდა ილია ჭავჭავაძის წერილის „ტფილისი, 18 სექტემბერი“ დასაწყისი. წერილი ილიას თხზულებათა კრებულებში დაიბეჭდა სათაურით „ჩვენი სარჩიელი სოფლის მეურნეობის ძვირფას დარგებზე“.

1903

ტიპი: პირადი ურთიერთობა

1903 წელს ილია ჭავჭავაძე ესტუმრა სათავადაზნაურო საადგილმამულო ბანკის ზედამხედველი კომიტეტის წევრს, მხატვარსა და საზოგადო მოღვაწე დავით გურამიშვილს.

1893

ტიპი: ღონისძიება

1893 წლის 25 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე დააკმაყოფილეს თხოვნა ხევსურეთსა და გრემისხევში წიგნების გაგზავნის თაობაზე.

1893

ტიპი: ღონისძიება

1893 წლის 25 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ბიბლიოთეკისთვის ხელნაწერის, „ბეჟან მანიჟანიანის“ შესყიდვა გადაწყდა.

1903

ტიპი: მფლობელობა

1903 წელს პეტერბურგში გამართულ ხილეულის პირველ გამოფენა-ბაზრობაზე ილია ჭავჭავაძის საკონსერვო ფირმის „ანკარა“ პროდუქცია ოქროს მედლით დაჯილდოვდა.

1903

ტიპი: ღონისძიება

1903 წელს ილია ჭავჭავაძე დელეგაციასთან ერთად გაგრიდან სოხუმში პრინც ალექსანდრე ოლდენბურგელთან ჩავიდა.

1903

ტიპი: ღონისძიება

1903 წელს ილია ჭავჭავაძე დელეგაციასთან ერთად გაგრაში გაემგზავრა. დელეგაციაში, რომელსაც ილია ხელმძღვანელობდა, მონაწილეობდნენ თბილისის მაზრის თავად-აზნაურთა ყოფილი წინამძღოლი ალექსანდრე ორბელიანი, სიღნაღის მაზრის თავად-აზნაურთა წინამძღოლი დიმიტრი ჩოლოყაშვილი და სხვ.

1893

ტიპი: ღონისძიება

1893 წლის 25 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ზაქარია ჭიჭინაძისა და დავით კარიჭაშვილს ნაწარმოებთა შესასყიდად თანხა გამოყვეს.

1913

ტიპი: ღონისძიება

1913 წელს ქართველთა შორის წერა-კითხვის გამავრცელებელი საზოგადოების ზუგდიდის განყოფილებას იოსებ გაბუნიამ, გრიშა გიგინეიშვილმა და კაჭარავამ თითო მანეთი შესწირეს.

1913

ტიპი: ღონისძიება

1913 წელს ქართველთა შორის წერა-კითხვის გამავრცელებელი საზოგადოების ზუგდიდის განყოფილებას ერმინე ქანთარიამ 5 მანეთი შესწირა, იონა ბუკიამ და ილიკო თაყაიშვილმა კი — თითო მანეთი.

1913

ტიპი: ღონისძიება

1913 წლის განმავლობაში ქართველთა შორის წერა-კითხვის გამავრცელებელი საზოგადოების ზუგდიდის განყოფილებას ივლონ და მაქსიმე ფიფიებმა, ასევე ვლადიმერ კეშელავამ ხუთ-ხუთი მანეთი შესწირეს.

1913

ტიპი: ღონისძიება

1913 წლის 1-ელ იანვარს ზუგდიდის განყოფილების გამგეობამ ქართველთა შორის წერა-კითხვის გამავრცელებელი საზოგადოების მთავარ გამგეობას განყოფილების 1913 წლის მოქმედების ანგარიში გაუგზავნა. დოკუმენტის მიხედვით, წლის განმავლობაში განყოფილებას ზუგდიდის ნდობის საზოგადოებამ შესწირა 100 მანეთი, თბილისის სავაჭრო სახლმა „აფრიკიანმა“ — 50, თეიმურაზ ცხადაიამ — 10 მანეთი.

1886

ტიპი: ავტორობა

1886 წლის 9 იანვარს ილია ჭავჭავაძემ გაზეთ „ივერიაში“ უსათაუროდ და ხელმოუწერლად გამოაქვეყნა სტატია „ტფილისი, 8 იანვარს“.