ქშწკგს პროსოპოგრაფია

ფაქტები

რეგისტრირებული ფაქტები46487

1918

ტიპი: ღონისძიება

1918 წლის 5 სექტემბრის თარიღით, სახალხო განათლების სამინისტრომ თბილისის ქალთა მესამე გიმნაზიის დირექტორს ნება დართო ალექსანდრე ბოგოიავლენსკისთვის, სიდედრის დასაკრძალად, გიმნაზიის სპეციალური თანხიდან ფულადი დახმარება გამოეწერათ.

1918

ტიპი: თანამდებობა

1918 წლის 5 სექტემბრის განათლების მინისტრის ბრძანებით, ევგენი ალექსანდრეს ძე ჭოღოშვილი თბილისის ქალთა მესამე გიმნაზიის დირექტორად დაინიშნა.

1918

ტიპი: თანამდებობა

1918 წლის 5 სექტემბრის განათლების მინისტრის ბრძანებით, ილია ალექსის ძე ჯიშკარიანი თბილისის ვაჟთა მეხუთე გიმნაზიის დირექტორად დაინიშნა.

1918

ტიპი: თანამდებობა

1918 წლის 5 სექტემბრის განათლების მინისტრის ბრძანებით, თბილისის ქალთა პირველი გიმნაზიის ყოფილი დირექტორი იაროსლავ იოსების ძე სვატოვი გიმნაზიის შტატის მასწავლებლად დაინიშნა.

1918

ტიპი: თანამდებობა

1918 წლის 5 სექტემბრის განათლების მინისტრის ბრძანებით, თბილისის ქალთა მესამე გიმნაზიის ყოფილი დირექტორი ალექსანდრე ალექსანდრეს ძე ბოგოიავლინსკი გიმნაზიის შტატის მასწავლებლად დაინიშნა.

1918

ტიპი: ავტორობა

1918 წლის 6 სექტემბერს გაზეთ „საქართველოს რესპუბლიკის” ცნობით, იბეჭდებოდა და მალე გამოვიდოდა იოსებ გრიშაშვილის წიგნი „საიათნოვა და ძველი ტფილისი“.

1918

ტიპი: ღონისძიება

1918 წლის 6 სექტემბერს საქართველოს დემოკრატიული რესპუბლიკის პირველ სხდომაზე მოისმინეს მთავრობის საქმეთა მმართველის მოხსენება აფხაზეთში მიმავალი კომისიის ხარჯებისა და მოხელეთა შესახებ. დაადგინეს, რომ გასაგზავნი კომისიის წევრებისთვის მიღებული ყოფილიყო დღიური ხარჯი სამიდან ხუთ თუმნამდე და ბილეთის ფასი მესამე კლასიდან პირველამდე, რაც უნდა ეცნობებინათ სამინისტროებისთვის. ხელი მოაწერეს მთავრობის თავმჯდომარე ნოე ჟორდანიამ, საქმეთა მმართველმა და მდივანმა გრ. რობაქიძემ.

1918

ტიპი: ავტორობა

1919 წლის 7 სექტემბრის გაზეთ „საქართველოს რესპუბლიკის“ ცნობით, ნოე ჟორდანია აბასთუმანში აჭარის წარმომადგენლებს შეხვდა. მთავრობის თავმჯდომარემ მათ მოუსმინა, კითხვებს უპასუხა და გულწრფელი თანამშრომლობის იმედი გამოთქვა.

1918

ტიპი: ღონისძიება

1918 წლის 7 სექტემბერს საკონსტიტუციო კომისიის სხდომაზე მხოლოდ კონსტანტინე მაყაშვილი გამოცხადდა.

1918

ტიპი: ავტორობა

1918 წლის 7 აგვისტოს საკონსტიტუციო კომისიის სხდომაზე გიორგი ნანეიშვილმა, კომისიის დავალების თანახმად, განსახილველად წარმოადგინა მის მიერ შემუშავებული „საქართველოს რესპუბლიკის მოქალაქეთა უფლება-მოვალეობანი“ 16 მუხლად.

1918

ტიპი: ღონისძიება

1918 წლის 7 სექტემბერს განათლების სამინისტრომ თბილისის პირველი კომერციული სასწავლებლის დირექტორს 1918 წლის 30 აგვისტოს N378 მიწერილის პასუხად აცნობა, რომ წარედგინა სამინისტროში იუსტინე ირაკლის ძე აბულაძის ნამსახურეობითი წიგნი და აღენუსხა 1901 წლიდან 1918 წლამდე რამდენ გაკვეთილს ატარებდა იგი კვირაში. ხელს აწერენ მთავარგამგე თაქთაქიშვილი და საქმისმწარმოებელი ლ. ხარაძე.

1918

ტიპი: ავტორობა

1918 წლის 7 სექტემბერს ქუთაისის კლასიკური გიმნაზიის გერმანული ენის მასწავლებელმა ნინო აკოფაშვილმა სახალხო განათლების მინისტრს მისწერა, რომ 1918 წლის 17 ივნისს გიმნაზიის დირექტორმა ის კავკასიის სამოსწავლო ოლქში შტატის მასწავლებლის თანამდებობაზე დასამტკიცებლად წარადგინა, მაგრამ წარდგინებას შედეგი არ მოჰყოლია. აკოფაშვილმა მინისტრს სთხოვა მისი თანამდებობაზე დამტკიცება დაეჩქარებინა.

1918

ტიპი: ღონისძიება

1918 წლის 7 სექტემბრის გაზეთში „Грузия“ გამოქვეყნდა ალექსანდრე შერვაშიძის „წერილი რედაქციას“. სტატიაში შერვაშიძე დაწვრილებით განიხილავდა ბოლშევიკების წინააღმდეგ საბრძოლველად თურქეთის მიერ გაგზავნილ აფხაზთა რაზმთთან ერთად მისი აფხაზეთში მგზავრობის პერიპეტიებს. შერვაშიძე ამბობდა, რომ სტატიაში მოწოდებული ცნობები მხოლოდ და მხოლოდ სამართლიანობის აღდგენას ემსახურებოდა და იგი არამც და არამც არ აპირებდა გაზეთის საშუალებით შემდგომ პოლემიკაში შესვლას.

1918

ტიპი: ღონისძიება

1918 წლის 7 სექტემბრის გაზეთიდან „Грузия“ ირკვევა, რომ მ. ფეფედოვის ხარჯებით ორგანიზებულ კვარტეტში შედიოდნენ პროფესორები: ვიქტორ რობერტის ძე ვილშაუ, კონსტანტინე ალექსანდრეს ძე მინიარი, თ. ს. კაცი და სემიგლაზოვი.

1918

ტიპი: ღონისძიება

1918 წლის 7 სექტემბრის გაზეთის „Грузия“ ცნობით, თბილისის კონსერვატორიის დირექტორ ნიკოლაი ნიკოლაის ძე ჩერეპნინს შეუთავაზებია ნიკოლაი ნიკოლაევისთვის პროფესორის ადგილი თავის დაწესებულებაში.

1918

ტიპი: თანამდებობა

1918 წლის 7 სექტემბრის გაზეთიდან „Грузия“ ირკვევა, რომ კონსტანტინე ალექსანდრეს ძე მინიარი იყო კონსერვატორიის პროფესორი.

1918

ტიპი: თანამდებობა

1918 წლის 7 სექტემბრის გაზეთიდან „Грузия“ ირკვევა, რომ ვიქტორ რობერტის ძე ვილშაუ იყო კონსერვატორიის პროფესორი.

1918

ტიპი: ღონისძიება

1918 წლის 7 სექტემბრის გაზეთის „Грузия“ ცნობით, თბილისის კონსერვატორიის სტუდენტთა ჯგუფს ნიკოლაი ნიკოლაევისთვის კონსერვატორიაში თანამდებობის დაკავება უთხოვია.

1918

ტიპი: პირადი ურთიერთობა

1918 წლის 7 სექტემბრის გაზეთის „Грузия“ ცნობით, მიხეილ ლევანის ძე შერვაშიძე ალექსანდრე გრიგოლის ძე შერვაშიძის ბიძაშვილი იყო.

1918

ტიპი: პირადი ინფორმაცია

1918 წლის 7 სექტემბრის გაზეთის „Грузия“ ცნობით, კონსტანტინე ლევანის ძე გელოვანი ალექსანდრე გრიგოლის ძე შერვაშიძის ნათესავი იყო.

1918

ტიპი: ღონისძიება

1918 წლის 7 სექტემბრის გაზეთში „Грузия“ გამოქვეყნდა ალექსანდრე შერვაშიძის „წერილი რედაქციას“. სტატიის თანახმად, გაზეთმა „ბრძოლა“ ალექსანდრე შერვაშიძე საქართველოს უპირველეს მტრად გამოიყვანა.

1918

ტიპი: თანამდებობა

1918 წლის 7 სექტემბრის გაზეთიდან „Грузия“ ირკვევა, რომ ალექსანდრე მაქსიმეს ძე ვალობუევი იყო გიმნაზიის მასწავლებელი.

1918

ტიპი: ავტორობა

1918 წლის 7 სექტემბრის გაზეთში „Грузия“ გამოქვეყნდა ალექსანდრე შერვაშიძის „წერილი რედაქციას“.

1918

ტიპი: ღონისძიება

1918 წლის 7 სექტემბრის გაზეთში „Грузия“ გამოქვეყნდა ალექსანდრე შერვაშიძის „წერილი რედაქციას“. შერვაშიძის თქმით, აფხაზთა უმრავლესობა ბოლშევიკების წინააღმდეგ იყო განწყობილი, მაგრამ ისინიც არ დაინდეს, დაარბიეს და გაძარცვეს. თვითონ შერვაშიძეც არ ყოფილა ბოლშევიკი, მისი სახლი კი გაუძარცვავთ და დაუნგრევიათ.

1918

ტიპი: ღონისძიება

1918 წლის 7 სექტემბრის გაზეთში „Грузия“ გამოქვეყნდა ალექსანდრე შერვაშიძის „წერილი რედაქციას“. შერვაშიძე მსჯელობდა იმაზე, თუ რატომ მიმართა ბოლშევიკების წინააღმდეგ დასახმარებლად თურქეთს. მას უბრალოდ არ ჰქონია შესაძლებლობა სხვებისთვის მიემართა, როგორც ეს ქართველებმა მოახერხეს, როცა გერმანელებს მიმართეს გაჭირვების ჟამს. თანაც მისი აზრით, ისიც გასათვალისწინებელი იყო, რომ მან არა თურქები დაიხმარა, არამედ თურქებთან მომსახურე აფხაზები.