ქშწკგს პროსოპოგრაფია

ფაქტები

რეგისტრირებული ფაქტები46478

1902

ტიპი: ღონისძიება

1902 წლის 7 იანვარს ილია ჭავჭავაძის თავმჯდომარეობით გამართული ქართველთა შორის წერა-კითხვის გამავრცელებელი საზოგადოების სხდომის დადგენილებით, ბათუმიდან შემოსული საწევრო გადასახადების თანხა ადგილობრივ სკოლას უნდა მოხმარებოდა.

1902

ტიპი: ღონისძიება

1902 წლის 7 იანვარს ილია ჭავჭავაძის თავმჯდომარეობით ქართველთა შორის წერა-კითხვის გამავრცელებელი საზოგადოების სხდომა გაიმართა.

1902

ტიპი: ავტორობა

1902 წლის 2 იანვარს გაზეთ „ივერიაში“ ხელმოუწერლად გამოქვეყნდა ილია ჭავჭავაძის წერილი „საქართველოს ახალი ეგზარხოსი“.

1902

ტიპი: ავტორობა

1902 წლის 1-ელ იანვარს გაზეთ „ივერიაში“ ხელმოუწერლად გამოქვეყნდა ილია ჭავჭავაძის სტატია „თბილისი, 1 იანვარი 1902 წ.“.

1901

ტიპი: ღონისძიება

1901 წელს ილია ჭავჭავაძე ილია წინამძღვრიშვილთან ერთად თავადაზნაურობის მიერ დიდუბეში მოწყობილ გამოფენაზე მიხეილ ჯავახიშვილს შეხვდა.

1902

ტიპი: ავტორობა

1902 წლის 1-ელ იანვარს გაზეთ „ცნობის ფურცელში“ ილია ჭავჭავაძეზე, აკაკი წერეთელსა და გაზეთ „ივერიაზე“ საახალწლო შარჟები გამოქვეყნდა.

1901

ტიპი: თანამდებობა

1901 წლის 5 დეკემბერს ილია ჭავჭავაძის რედაქტორობით გაზეთ „ივერიის“ ბოლო ნომერი გამოვიდა. 1886 წლიდან ამ დრომდე ილიას რედაქტორობით „ივერიის“ 3 151 ნომერი დაიბეჭდა. 6 დეკემბრიდან ილია კვლავ გაზეთის რედაქტორი იყო, მაგრამ დროებითი რედაქტორი ალექსანდრე სარაჯიშვილი გახდა.

1902

ტიპი: ავტორობა

1902 წლის 1-ელ იანვარს გაზეთ „კვალში“ მოსაუბრის ხელმოწერით დაიბეჭდა ფილიპე მახარაძის წერილი „გასული წელი“, რომელშიც გაზეთი „ივერია“, მისი რედაქტორი და ქართველთა შორის წერა-კითხვის გამავრცელებელი საზოგადოება იყო გაკრიტიკებული.

1901

ტიპი: მფლობელობა

1901 წელს ილია ჭავჭავაძემ ბარბარე ღვინიაშვილისგან თბილისში, ანდრეევის ქ. №22-ში, მდებარე სახლი შეიძინა და გაარემონტა.

1902

ტიპი: ღონისძიება

1902 წლის 1-ელ იანვარს ილია ჭავჭავაძემ ხელი მოაწერა ვექსილს, რომლის მიხედვითაც ვალდებული იყო თბილისის ქაღალდის ფაბრიკის ამხანაგობისთვის 7 თვეში 275 მანეთი გადაეხადა.

1905

ტიპი: ავტორობა

1905 წელს ილია ჭავჭავაძემ ანა პეტრიაშვილისგან მიიღო მიწვევა ქუთაისის კლუბის მიერ სოფლის ღარიბ მასწავლებელთა სასარგებლოდ გამართულ მუსიკალურ-ლიტერატურულ საღამოზე დასასწრებად.

1905

ტიპი: ავტორობა

1905 წელს ილია ჭავჭავაძემ თხოვნით მიმართა ნიკო ცხვედაძეს, ინფორმაცია მიეწოდებინა იმ დეპუტაციის შემადგენლობის შესახებ, რომელიც გზათა მინისტრს უნდა შეხვედროდა.

1901

ტიპი: ავტორობა

1901 წელს ზურაბ ავალიშვილმა თავისი წიგნი „საქართველოს რუსეთთან შეერთება“ ილია ჭავჭავაძეს ხელმოწერით მიუძღვნა. ილიამ მიაწერა: „რა ქართველია, რომ ქართულს წყაროებს ფრანციცულიდან იღებს“.

1905

ტიპი: ავტორობა

1905 წელს ილია ჭავჭავაძემ თავის მოურავს, მოსე მემარნიშვილს წერილით სთხოვა, რომ თუ ხელისუფლება საგურამოში ჯარს გაგზავნიდა, ყველა ღონე ეხმარა, რათა მოსახლეობა არ დაეწიოკებინათ, თუ ამას ვერ შეძლებდა, სასწრაფოდ შეეტყობინებინა მისთვის, რომ პირადად ასულიყო და საქმის მშვიდობიანად მოგვარებაზე ეზრუნა.

1902

ტიპი: ავტორობა

1902 წლის 6 იანვრის გაზეთ „ცნობის ფურცლის“ ცნობით, იტალიელმა აღმოსავლეთმცოდნე აურელიო პალმიერიმ სტამბოლში სასწავლებლად მყოფი ივანე გველესიანის დახმარებით ფრანგულად თარგმნა ილია ჭავჭავაძის ნარკვევი „სომეხთა მეცნიერნი და ქვათა ღაღადი“.

1905

ტიპი: თანამდებობა

1905 წელს გამართულ თბილისის სათავადაზნაურო-საადგილმამულო საგანგებო კრებაზე ილია ჭავჭავაძეს დაბრუნება სთხოვეს, მაგრამ მან უარი განაცხადა.

1901

ტიპი: ავტორობა

1901 წელს ლაიფციგში ორ ტომად გამოვიდა გერმანელი მთასვლელის, მოგზაურისა და გეოგრაფის გოტფრიდ მერცბახერის წიგნი „კავკასიის მაღალმთიანი რეგიონებიდან“, რომელშიც ჩართული იყო ამონარიდები ილია ჭავჭავაძის რამდენიმე ლექსის არტურ ლაისტისეული თარგმანიდან.

1905

ტიპი: ღონისძიება

1905 წელს წმინდა ნიკოლოზის ეკლესიის სასწავლებლის შენობაში გამართულ სამღვდელოების კრებაზე ილია ჭავჭავაძემ სიტყვა წარმოთქვა საქართველოს ეკლესიის ავტოკეფალიის აღდგენის მნიშვნელობის შესახებ.

1901

ტიპი: ავტორობა

1901 წლის 16 დეკემბერს გაზეთ „ცნობის ფურცელში“ დაიბეჭდა ოტო შმერლინგის კარიკატურა „თავად-აზნაურების ბანკი“, რომელზეც გამოსახული იყო სათავადაზნაურო ბანკის გამგეობის თავმჯდომარე ილია ჭავჭავაძე და დირექტორები, რომლებიც ტორტმანებდნენ, რადგან მათ ვიღაცის ხელი ფეხქვეშ ხალიჩას აცლიდა.

1905

ტიპი: ღონისძიება

1905 წელს ილია ჭავჭავაძე ხელმძღვანელობდა ილარიონ ვორონცოვ-დაშკოვთან წარგზავნილ დეპუტაციას. დელეგაციამ მეფისნაცვალს სთხოვა, ამბოხებული გურულების დასასჯელად დამსჯელი რაზმი არ გაეგზავნა, რადგან ასეთ შემთხვევაში აჯანყება უფრო ფართო მასშტაბს მიიღებდა.

1901

ტიპი: ღონისძიება

1901 წლის 8-10 დეკემბერს ილია ჭავჭავაძე დაესწრო თბილისის გუბერნიის თავად-აზნაურთა საგანგებო კრებას, რომელზეც კახეთში არყის აქციზის შემოღების, თბილისში კადეტთა კორპუსის გახსნის, თავად-აზნაურთა შვილების განათლებისა და სხვა საკითხები განიხილეს.

1905

ტიპი: თანამდებობა

1905 წელს თბილისის სათავადაზნაურო-საადგილმამულო ბანკის რწმუნებულთა კრებაზე დადგა ბანკის გამგეობის თავმჯდომარის თანამდებობაზე ილია ჭავჭავაძის შემცვლელის არჩევის საკითხი.

1903

ტიპი: ავტორობა

1903 წელს თავადაზნაურობის კრებაზე განიხილეს პრინც ოლდენბურგის მიერ ილია ჭავჭავაძისთვის გაგზავნილი წერილი, რომელშიც საუბარი იყო გაგრაში რეალური სასწავლებლის დაარსებისა და ორწლიანი სამეურნეო და სატექნიკო კურსის გამართვის შესახებ მათთვის, ვისაც უმაღლეს სასწავლებელში წასვლის საშუალება არ ჰქონდა.

1906

ტიპი: ღონისძიება

1906 წლის 3 ივნისს ილია ჭავჭავაძე, ეპისკოპოსი კირიონი და გიორგი ჟურული პეტერბურგში ალექსანდრე ცაგარელს ესტუმრნენ.

1916

ტიპი: განათლება

1916-1918 წლებში მუშნი ხაშბა სწავლობდა ოჩამჩირის უმაღლეს დაწყებით სასწავლებელში.