რეგისტრირებული ფაქტები47996
სორტირება თარიღი მზარდობით
1919
ტიპი: ღონისძიება
1919 წლის 18 აგვისტოს მასწავლებელთა კავშირის თავმჯდომარემ ვ. გელოვანმა, წევრებმა: ილარიონ კოპალიანმა, კოწია ბერუჩაშვილმა, ი. გულბანმა და მდივანმა – ვ. მახარობლიძემ ყრილობის სახელით მიმართეს ლეჩხუმის სამაზრო ერობის გამგეობას, რომ ყრილობამ იმსჯელა მასწავლებელთა მატერიალური მდგომარეობის შესახებ და დაადგინა: მთავრობისგან მოითხოვოს მატერიალური პირობების გაუმჯობესება – დაუნიშნოს მათ 1000 მან. ჯამაგირი და გაუსწოროს მიუღებელი ხელფასები. წინააღმდეგ შემთხვევაში მასწავლებლები 1-ლი სექტემბრიდან გაფიცვას აპირებდნენ.
1919
ტიპი: ღონისძიება
1919 წლის 19 აგვისტოს ნოე რამიშვილის თავმჯდომარეობით გამართულ საუწყებათაშორისო კომისიის პირველ სხდომას საზღვარგარეთ წამსვლელი ახალგაზრდებისთვის სტიპენდიის მიცემის წესი უნდა შეემუშავებინა.
1919
ტიპი: თანამდებობა
1919 წლის 19 აგვისტოს განათლების სამინისტრო სწერს თბილისის ქალთა ყოფილი მეშვიდე გიმნაზიის უფროსს, თამარ ჯავახიშვილს, რომ დაინიშნა წმინდა ნინოს სახელობის თბილისის ქალთა მეშვიდე გიმნაზიის უფროსად.
1919
ტიპი: ღონისძიება
1919 წლის 20 აგვისტოს, 10 საათზე, პოლკოვნიკი უილიამ ჰასკელი ოფიციალური ვიზიტით ეწვია ევგენი გეგეჭკორს. ვიზიტის შემდეგ სტუმარმა სასახლე დაათვალიერა და კმაყოფილი დარჩა.
1919
ტიპი: ღონისძიება
1919 წლის 24 აგვისტოს გაზეთ „საქართველოს რესპუბლიკის“ ცნობით, ინგლისელთა მისიამ აცნობა საქართველოს საგარეო საქმეთა სამინისტროს, რომ ბრიტანეთის საგარეო საქმეთა სამინისტრო ამიერკავკასიაში გზავნიდა პოლიტიკურ მისიას ოლივერ უორდროპის მეთაურობით, რომელსაც ერქმეოდა ბრიტანეთის მთავარი კომისარი. მისია მიზნად ისახავდა ამიერკავკასიის მთავრობებთან კავშირის შეკვრას და მათთვის რეგიონში ბრიტანეთის ინტერესების გაცნობას.
1919
ტიპი: პირადი ურთიერთობა
ოლივერ უორდროპი იყო „ვეფხისტყაოსნის“ ინგლისურ ენაზე მთარგმნელის, მარჯორი უორდროპის ძმა.
1919
ტიპი: ღონისძიება
1919 წლის სექტემბერში გენერალი სტეფანე ახმეტელაშვილი ამავე რაზმის უფროსის, პოლკოვნიკ ქარცივაძის თანხლებით სიღნაღის რაზმის დასათვალიერებლად გაემგზავრა.
1919
ტიპი: ღონისძიება
1919 წლის სექტემბერში ქუთაისის სახალხო გვარდიის ბინაში გაიმართა ქუთაისის ოლქის გვარდიელების ყრილობა, რომელსაც მთავარი შტაბის თავმჯდომარე ვალიკო ჯუღელიც დაესწრო.
1919
ტიპი: განათლება
1919 წლის სექტემბერში ფინანსთა სამინისტრომ შეიმუშავა სია იმ სტუდენტებისა, რომლებიც სპეციალური უმაღლესი განათლების მისაღებად ევროპაში უნდა გაეგზავნათ. სულ წარდგენილი იყო 121 თხოვნა, საიდანაც შეირჩა 19 სტუდენტი: ეპიფანე ალშიფანია, გიორგი ბაქრაძე (ელექტრობა), ვალერიან ახვლედიანი, გიორგი ედიბერიძე, ივანე ლაზარაშვილი (სამთო მრეწველობა), დავით ბერიკაშვილი, ნიკოლოზ ცაგურია (მეტალურგია), დ. გოგიჩაიშვილი, ზურაბ ელიავა (ეკონომიკა), კონსტანტინე კობახიძე (ფინანსები), ნიკოლოზ მესხი (ელექტრომექანიკა), ალექსანდრე ნაზაროშვილი (ელექტროტექნიკა), ლიდია პაპასკირი, მიხეილ ცეკვაშვილი (ეკონომიკა), სპირიდონ ჩომახიძე (საქონელთმცოდნეობა), ივანე ჩხენკელი (ტექნოლოგია), გრიგოლ კახაძე, გაბრიელ ქიქოძე და მირონ წულეისკირი. მათგან მხოლოდ სამი იყო საშუალო განათლებით, დანარჩენები დამამთავრებელი კურსის სტუდენტები იყვნენ.
1919
ტიპი: ღონისძიება
1919 წლის სექტემბერში მეჯლისის დადგენილების დასამტკიცებლად თბილისში ჩამოვიდნენ სამუსლიმანო საქართველოს მეჯლისის თავმჯდომარე მემედ-ბეგ აბაშიძე და წარმომადგენლები.
1919
ტიპი: თანამდებობა
1919 წლის სექტემბერში გაიხსნა საქართველოს ერობების წარმომადგენელთა II ყრილობა, რომელზეც წარმოდგენილი იყო 13 ერობა, სოხუმის ოლქისა და რაჭის მაზრის დელეგატების გარდა. ყრილობის თავმჯდომარედ აირჩიეს დავით ონიაშვილი, მოადგილეებად – შიო ჭანტურიშვილი და ლეო შენგელაია, მდივნებად – დ. ჩხეიძე და მენაღარიშვილი.
1919
ტიპი: ღონისძიება
1919 წლის სექტემბერში საქართველოს მთავრობამ სასტუმრო „ორიენტში“ აჭარის დელეგაციის პატივსაცემად, რომელსაც მეთაურობდა მემედ-ბეგ აბაშიძე, რაუტი გამართა. რაუტს ესწრებოდნენ ნოე ჟორდანია, ნოე რამიშვილი, ბენიამინ ჩხიკვიშვილი, ისკანდერ ცივაძე და ნიკო ნიკოლაძე.
1919
ტიპი: ღონისძიება
1919 წლის პირველ სექტემბერს აჭარის დელეგაციის პატივსაცემად გამართულ დარბაზობაზე სიტყვით გამოვიდნენ ისკანდერ ცივაძე, ნოე რამიშვილი, ნიკოლოზ ნიკოლაძე და ნოე ჟორდანია. თამადობდა ბენია ჩხიკვიშვილი.
1919
ტიპი: ღონისძიება
1919 წლის სექტემბერში ზუბალაშვილის სახალხო სახლში გვარდიელების წარმომადგენელთა ყრილობის გახსნაზე შეიკრიბნენ სხვადასხვა პოლიტიკური პარტიის წარმომადგენლები, მუშები და სხვ. მათ ჰქონდათ ეროვნული და წითელი დროშები. ყრილობა შტაბის უფროსმა ვალიკო ჯუღელმა გახსნა.
1919
ტიპი: ღონისძიება
1919 წლის სექტემბერში სახალხო გვარდიის წარმომადგენელთა I ყრილობაზე გადაწყდა, რომ გვარდიელთა სამკერდე ნიშნის მხატვრისა და პროექტის ავტორ იაკობ ნიკოლაძისთვის 2000 მანეთი გადაეცათ.
1919
ტიპი: თანამდებობა
1919 წლის სექტემბერში სამინისტროს ლაბორატორიის მიმღებ კომისიაში სახელმწიფო უნივერსიტეტმა თავის წარმომადგენლებად დანიშნა ქიმიის კათედრის ასისტენტები ა. ციციშვილი და თამარ ბებურიშვილი, რომელთაც უხელმძღვანელებდა პროფესორი პეტრე მელიქიშვილი.
1919
ტიპი: ღონისძიება
1919 წლის სექტემბერში მიწათმოქმედების სამინისტრომ ბორჯომის წყლის კონტრაგენტ დავით ქებაძის საშუალებით სტამბოლში ბორჯომის წყალი გაგზავნა. წყალი ქართულ ფულზე უნდა გაყიდულიყო.
1919
ტიპი: ღონისძიება
1919 წლის სექტემბერში სახელმწიფო თეატრში ზამთრის საოპერო სეზონი ზაქარია ფალიაშვილის ოპერა „აბესალომ და ეთერით“ გაიხსნა.
1919
ტიპი: ღონისძიება
1919 წლის სექტემბერში სოხუმის ეროვნულ საბჭოსთან არსებულმა ხელოვნების სექციამ მსახიობი ნატალია ჯავახიშვილი სცენისმოყვარეთა დასის გასაძლიერებლად მიიწვია. სექციას კიდევ ერთი მსახიობი ქალისა და ერთიც კაცის ჰქონდა განზრახული.