ქშწკგს პროსოპოგრაფია

ფაქტები

რეგისტრირებული ფაქტები45294

1920

ტიპი: ავტორობა

1920 წლის 3 თებერვალს, საღამოს ათ საათზე, ოლივერ უორდროპმა მეუღლეს მარგარეტ კოლეტს მისწერა, რომ მძიმე დღე ჰქონდა. ძალიან დაღლილი იყო, ორიოდე სიტყვას ძლივს წერდა, დაძინებას აპირებდა.

1920

ტიპი: ღონისძიება

1920 წლის 3 თებერვალს, საღამოს ათ საათზე, ოლივერ უორდროპმა მეუღლეს მარგარეტ კოლეტს მისწერა, რომ ჩაის სმისას მოულოდნელი სტუმრები ეწვივნენ: ოთხი გოგონა – მაკრინე მელიქიშვილი, თამარ გვაზავა, ლეილა ქავთარაძე, ქეთევან ერისთავი და ხუთი ქალბატონი: მარია კვინიტაძე, ნინო გვაზავა, ელენე აფხაზი, ეკატერინე ლორთქიფანიძე, ანა დიასამიძე. ისინის ჩაიზე დაეწვივნენ, ბევრი იცეკვეს, ითამაშეს და იმხიარულეს.

1920

ტიპი: ღონისძიება

1920 წლის 3 თებერვალს, საღამოს ათ სააათზე, ოლივერ უორდროპმა მეუღლეს მარგარეტ კოლეტს მისწერა, სტუმრობისას მაკრინე მელიქიშვილმა რევერანსი გაუკეთა და აღნიშნა, რომ ქართველი გოგონები და ქალბატონები ბედნიერებას უსურვებდნენ მათ შვილ ნინოს და მფარველი წმინდანის დღესთან დაკავშირებით, მცირე საჩუქარს უძღვნიდნენ. გადასცეს ძველი სპარსული მოზაიკის ყუთი, რომელშიც ოქროს ჯვარი იდო ლალისა და მარგალიტის თვლებით მორთული ყელსაბამით, უძვირფასესი რელიქვია, რომლის აღწერაც გაუჭირდებოდა.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე მიწის დეკრეტის შესახებ ნიკო ნიკოლაძეს სოციალ-ფედერალისტმა თევდორე ღლონტმა უპასუხა, რომ გერმანიაში სავარგული მიწების ყიდვა-გაყიდვა აკრძალული იყო.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე მიწის დეკრეტის შესახებ სოციალ-დემოკრატმა კირილე ნინიძემ ეროვნულ-დემოკრატ გრიგოლ ვეშაპელის მიერ უცხოელებზე მიწების მიყიდვის წესში შეტანილი შესწორების სამართლიანობის შესახებ ისაუბრა, ამასთანავე დასძინა, რომ მას შემდეგ, რაც საქართველო საერთაშორისო ოჯახის წევრი გახდა, უცხოელების კანონგარეშე დაყენება უსამართლო იქნებოდა. ეს საკონსტიტუციო კითხვა იყო და დეკრეტში ვერ შეიტანდნენ.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე მიწის დეკრეტის შესახებ სოციალ-დემოკრატმა კირილე ნინიძემ აღნიშნა, რომ მიწების ყიდვა-გაყიდვის დროებითმა აკრძალვამ მიზანს მიაღწია, ნორმაზე მეტი უკვე ყველას ჩამორთმეული ჰქონდა და ახლა შეიძლებოდა ყიდვა-გაყიდვის აღდგენა.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე მიწის დეკრეტის შესახებ სოციალ-დემოკრატმა კირილე ნინიძემ აღნიშნა, რომ ეთანხმებოდა ნიკო ნიკოლაძის მიერ გამოთქმულ მოსაზრებას მიწების ყიდვა-გაყიდვის აღდგენის თაობაზე.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე, რომელზეც განიხილავდნენ მიწის შესახებ დეკრეტს, სოციალ-დემოკრატმა გრიგოლ გიორგაძემ აღნიშნა, რომ საბჭოთა რუსეთში ბოლშევიკების მიერ გამოცემული მიწის სოციალური კანონი ქაღალდზე დაწერილი დარჩა და ვერ განხორციელდა.

1920

ტიპი: ავტორობა

1920 წლის 3 თებერვალს გამართულ დამფუძნებელი კრების სხდომაზე, რომელზეც განიხილავდნენ მიწის შესახებ დეკრეტს, სოციალ-დემოკრატმა გრიგოლ გიორგაძემ უპასუხა სოციალ-ფედერალისტ თევდორე ღლონტს და სოციალ-რევოლუციონერ ლეო შენგელაიას, რომ მთავრობის პოლიტიკა მიწის საკითხზე სწორი იყო და თუ ამას არ იზიარებდნენ მემარცხენე ოპოზიციონერები (ს.-ფ. და ს.-რ.), მხოლოდ იმიტომ, რომ მათი გზა იყო ბოლშევიზმისა და ანარქიისკენ, რასაც მთავრობა არ გაიზიარებდა.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე, რომელზეც განიხილებოდა დეკრეტი მიწის შესახებ ნიკო ნიკოლაძემ სოციალ-ფედერალისტ თევდორე ღლონტს ჰკითხა, წაკითხული ჰქონდა თუ არა გერმანიის მიწის კანონი.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე მიწის დეკრეტის შესახებ ნიკო ნიკოლაძემ ჰკითხა სოციალ-ფედერალისტ თევდორე ღლონტს, თუ სად იყო აკრძალული მიწების ყიდვა-გაყიდვა.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე მიწის დეკრეტის შესახებ, სოციალ-დემოკრატმა კირილე ნინიძემ აღნიშნა, რომ მას საკმარისად არ მიაჩნია სოციალ-ფედერალისტ თევდორე ღლონტის უსაფუძვლო სტატისტიკური ციფრები და სოციალ-რევოლუციონერ ლეო შენგელაიას პროპაგანდისტული სოციალისტური მაგალითები.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე, რომელზეც განიხილავდნენ მიწის შესახებ დეკრეტს, ეროვნულ-დემოკრატმა გრიგოლ ვეშაპელმა აღნიშნა, რომ დეკრეტის მიხედვით მიწები 3 კატეგორიად უნდა დაყოფილიყო, რაც არ მოხდა და ყველა მიწა პირველ კატეგორიაში შეიყვანეს.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე გრიგოლ ვეშაპელმა მიწის დეკრეტის განხილვისას მოითხოვა შესწორების შეტანა 1-ლ მუხლში, რათა კანონი უცხოელებზე არ გავრცელებულიყო.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე გრიგოლ ვეშაპელმა მიწის დეკრეტის განხილვის დროს აღნიშნა, რომ ამ კანონით ისარგებლებდნენ საქართველოში დამკვიდრებული უცხოელები, რომელთაც სურდათ მოქალაქეობის მიღება, ისინი ეცდებოდნენ მიწების დასაკუთრებას და დიდი ნაწილი მათ ხელში გადავიდოდა.

1920

ტიპი: ავტორობა

1920 წლის 3 თებერვალს დამფუძნებელი კრების სხდომაზე გრიგოლ ვეშაპელმა მიწის დეკრეტის განხილვისას განაცხადა, რომ დამფუძნებელმა კრებამ მიიღო ეროვნულ-დემოკრატიული პარტიის პროგრამა და ამიტომ გლეხებისთვის არ უნდა მიეცათ მიწის თავისუფლად ყიდვა-გაყიდვის უფლება.

1920

ტიპი: ავტორობა

1920 წლის 4 თებერვლის გაზეთ „საქართველოს“ ცნობით, შინაგან საქმეთა მინისტრის ამხანაგის ნიკოლოზ გაბრიელის ძე ჭიჭინაძის განკარგულებით ყოველდღიური სომხური გაზეთი „პაჰაკი“ საქართველოს დამოუკიდებლობის საწინააღმდეგო წერილების გამოქვეყნების გამო დაიხურა.

1920

ტიპი: ავტორობა

1920 წლის 4 თებერვალს დამფუძნებელი კრების სხდომაზე სოც. დემოკრატმა გრიგოლ გიორგაძემ განაცხადა, რომ საპროპაგანდო კომისიის შესახებ შეთანხმებას მიაღწევდნენ, თუ ყველა ფრაქციის წევრი პრინციპად მიიღებდა, რომ ისინი პროვინციებში ივლიდნენ დამფუძნებელი კრების დასაცავად და არა მის წინააღმდეგ სააგიტაციოდ.

1920

ტიპი: ავტორობა

1920 წლის 4 თებერვალს ოლივერ უორდროპმა მეუღლეს მარგარეტ კოლეტს მისწერა, რომ მის და ბავშვების გარეშე ვეღარ იცხოვრებდა. თბილისის სახლში უამრავი ადგილი იყო და თავისუფლად მოთავსდებოდნენ ყველანი. მას მსახურებთანაც არ ექნებოდა პრობლემა, თავისი საქმე ყველამ კარგად იცოდა.

1920

ტიპი: ავტორობა

1920 წლის 4 თებერვალს ოლივერ უორდროპმა მეუღლეს მარგარეტ კოლეტს მისწერა, რომ თუკი ერთ თვეში ან ექვს კვირაში არ გადაწყდებოდა სააღდგომოდ მისი ინგლისში გამგზავრება, მაშინ მოუწევდა ტელეგრამის გაგზავნა და თხოვნა, ის ბავშვებთან ერთად მშვიდობიანად და კომფორტულად ჩამოეყვანათ. ადმირალიტეტს ეს ნამდვილად შეეძლო.

1920

ტიპი: ავტორობა

1920 წლის 4 თებერვალს ოლივერ უორდროპმა მეუღლეს მარგარეტ კოლეტს მისწერა, რომ არ იცოდა რამდენად მიზანშეწონილად ჩათვლიდა მის სახლში დაბრუნებას ბრიტანეთის საგარეო საქმეთა სამინისტრო არსებულ კრიტიკულ ვითარებაში.

1920

ტიპი: ავტორობა

1920 წლის 4 თებერვალს ოლივერ უორდროპმა მეუღლეს მარგარეტ კოლეტს მისწერა, რომ აზერბაიჯანის, სომხეთისა და საქართველოს მთავრობა ჯიუტად ამტკიცებდა, რომ ის იყო მათი დამოუკიდებლობის შემოქმედი და მის გარეშე შორს ვერ წავიდოდნენ. ისინი ამას გამუდმებით იმეორებდნენ.

1920

ტიპი: ავტორობა

1920 წლის 4 თებერვალს ოლივერ უორდროპმა მეუღლეს მარგარეტ კოლეტს მისწერა, რომ აზერბაიჯანის, სომხეთისა და საქართველოს მთავრობას იმის გაგონებაც კი არ სურდა, რომ ოდესმე წავიდოდა სადმე სხვაგან. მტკიცედ სჯეროდათ, რომ ის და ბავშვები საცხოვრებლად ჩამოვიდოდნენ.

1920

ტიპი: პირადი ურთიერთობა

1920 წლის 4 თებერვალს ოლივერ უორდროპმა მეუღლეს მარგარეტ კოლეტს მისწერა, რომ მათი პარიზში გამგზავრების შანსები ძალიან დაბალი იყო.

1920

ტიპი: პირადი ურთიერთობა

1920 წლის 4 თებერვალს ოლივერ უორდროპმა მეუღლეს მარგარეტ კოლეტს მისწერა, რომ მისმა აღწერილმა შობის დღესასწაულმა სახლი კიდევ უფრო მოანატრა.