რეგისტრირებული ფაქტები44636
სორტირება თარიღი მზარდობით
1920
ტიპი: ღონისძიება
1920 წლის 12 ივლისს ახალქალაქს (გორის მაზრა) ესტუმრა დამფუძნებელი კრების წევრი ისიდორე რამიშვილი. 10 საათზე მიტინგის გახსნაზე მან ისაუბრა საგარეო და საშინაო პოლიტიკაზე და სხვ.
1920
ტიპი: ავტორობა
1920 წლის 13 ივლისის „ერთობაში“ ი. მაღლაკელიძე შორაპნის სამაზრო კომიტეტის დავალებით აქვეყნებს იმ პირთა სიას, რომელთაც ფრონტისთვის შემოწირულობები გაიღეს: ა. შალამბერიძე, ე. სალარიძე, მ. სიხარულიძე, ს. მამალაძე, ძმები ნიორაძეები, გაჩეჩილაძე, ზ. კოვზირიძე, ვ. წაქაძე, ი. ჩუბინიძე, ზ. ყუფარაძე, დ. მახარაძე, პ. ებანოიძე, ძმები შალამბერიძეები, მ. გაჩეჩილაძე,თ. ბურჯანაძე, ო. ჩოგავაძე, ვ. ჩოგავაძე, ო. მანაგაძე, ვლ. მაღლაკელიძე, ყ. ებანოიძე, ვ. კობახიძე, ე. აქსამდროპულო, პ. ხარაზოვი, მ. დანელია, ჭულუხაძე.
1920
ტიპი: ავტორობა
1920 წლის 13 ივლისს ი. მაღლაკელიძემ შორაპნის სამაზრო კომიტეტის დავალებით „ერთობაში“ გამოაქვეყნა სია იმ პირებისა, რომელთაც შემოწირულობები გაიღეს ფრონტისთვის: სერგო ნებიერიძე, ი. მაღლაკელიძე, მ. ბუცხრიკიძე, არქიფო ქლიბაძე, ხ. ხავთასი, ოლღა შენგელია, ლ. ალავიძე, კ. ჩუბინაძე, კოლ. გეწაძე, ილარიონ შეყრილაძე, ჭ. ბაღდავაძე, კ. ბუაძე, ს. ჯოჯუა, უ. მუმლაძე, კ. თორთლაძე, ნოე კუხიანიძე, ს. ოქოევი, ბიკტორ საკანდელიძე, ი. ჟღენტი, ვ. კაპანაძე, ს. კობახიძე, იოსებ გუნცაძე, თ. მესხიშვილი და მაღრაძე.
1920
ტიპი: ავტორობა
1920 წლის 13 ივლისის „ერთობაში“ ი. მაღლაკელიძე შორაპნის სამაზრო კომიტეტის დავალებით აქვეყნებს იმ პირთა სიას, რომელთაც შემოწირულობები გაიღეს ფრონტისთვის: პ. გველესიანი, ა. არაბიძე, ა. ბულეიშვილი, მ. აბრამიძე, გ. დევდარიანი, ლ. გოცაძე, ი. აბაშიძე, პ. ჭყოიძე, დ. გოგიაშვილი, ბ. შავდია, პ. რაბაროვსკი, დ. საკანდელოვი, დაშნიანი, ბ. ბურაკოვი.
1920
ტიპი: ღონისძიება
1920 წლის 24 ივლისის გაზეთ „ერთობის“ ცნობით, 14 ივლისის ნავთლუღის მუშა-მოსამსახურების კრების თავმჯდომარე იყო ილია კალანდაძე,მომხსენებლად მოწვეული იყო ნოე რამიშვილი. კრებაზე წაიკითხეს მოხსენებები საქართველოსა და საბჭოთა რუსეთის პოლიტიკური და ეკონომიკური მდგომარეობის და საქართველოში ბოლშევიკების მუშაობის შესახებ.
1920
ტიპი: ღონისძიება
1920 წლის 14 ივლისს ნოე ჟორდანია საქართველოში მყოფმა იტალიის რწმუნებულმა, ლუიჯი მერკანტელმა, ინახულა და დიდხანს ესაუბრა მას.
1920
ტიპი: ღონისძიება
1920 წლის 14 ივლისს მთავრობის თავმჯდომარე ინახულა საქართველოში მყოფმა სომხეთის დიპლომატიურმა წარმომადგენელმა.
1920
ტიპი: თანამდებობა
1920 წლის 14 ივლისის „ერთობა“ იუწყება, რომ თუშეთის მაზრის ერობის ხმოსანთა ყრილობამ ერობის გამგეობის წევრებად აირჩია: პარმენ თოთიბაძე, ნოე ლეჯავა და ილიკო ტყემალაძე.
1920
ტიპი: ღონისძიება
1920 წლის 14 ივლისის „ერთობა“ იუწყება, რომ დუშეთის მოქალაქეთა მიტინგი გვარდიისა და ჯარის მონაწილეობით გაეცნო ბათუმის ოლქის საქართველოსთვის გადმოცემას და კმაყოფილებით აღნიშნა ხელმძღვანელთა პოლიტიკის გამარჯვება. მიტინგის თავმჯდომარე ჭონიშვილი.
1920
ტიპი: ღონისძიება
1920 წლის 14 ივლისის „ერთობა“ იუწყება, რომ სიღნაღის მოქალაქეთა მრავალრიცხოვანმა მიტინგმა (თავმჯდომარე კრაწაშვილი) მოისმინა მოხსენება ბათუმის შემოერთების შესახებ და საქართველოს დემოკრატიის გამარჯვება მიულოცა.
1920
ტიპი: ღონისძიება
1920 წლის 14 ივლისის საქართველოს დემოკრატიული რესპუბლიკის სახალხო განათლების მინისტრის ამხანაგის ნოე ცინცაძის N 86 ბრძანების თანახმად, ოზურგეთის ვაჟთა გიმნაზიის მასწავლებელს, მღვდელ სოლომონ ანდღულაძეს საშუალო სკოლის ქართული ენის მასწავლებლის წოდება მიენიჭა და 1920 წლის პირველი ივნისიდან იმავე თანამდებობაზე დამტკიცდა. დედანთან სისწორეს ხელმოწერით ადასტურებს დ. მესხი.
1920
ტიპი: ავტორობა
1920 წლის 15 ივლისის „ერთობაში“ გამოქვეყნებულია ონის ქალ-ვაჟთა გიმნაზიის დირექტორის, გიორგი კვიტაშვილის წერილი, რომელშიც იგი ონის გიმნაზიის მოსაწყობად გაღებული შეწირულობისთვის მადლობას უხდის შემდეგ პირთ: სპირიდონ ოტიას ძე ბენდუქიძეს, რაჟდენ ყარამანის ძე დათეშიძეს, ალექსანდრე მიხეილის ძე ჯაფარიძეს, ვარლამ ლავრენტის ძე კანდელაკს, ალექსანდრე გიორგის ძე ბაქრაძეს.
1920
ტიპი: ღონისძიება
„ერთობა“ იუწყება, რომ 1920 წლის 15 ივლისს მეორე ქართულ კლუბში (პლეხანოვის პრ.) გაიმართება ლადო მაჭავარიანის საღამო. მონაწილეობენ: გრ. რობაქიძე, დუტუ მეგრელი, ვარ. რუხაძე, გალაკტიონ ტაბიძე, ტიციან ტაბიძე, გ. ქუჩიშვილი, ხარ. ვარდოშვილი, ივ. ყიფიანი, გრ. ცეცხლაძე, აკ. ბერეკაშვილი, ლ. მაჭავარიანი, თაგუნა, ნ. გოცირიძე.
1920
ტიპი: ღონისძიება
1920 წლის 15 ივლისის „ერთობა“ იუწყება, რომ უნივერსიტეტის რექტორის, ი. ჯავახიშვილის თავმჯდომარეობით დაიწყო უნივერსიტეტის სარეორგანიზაციოდ არჩეული კომიტეტის სხდომები. გადაწყდა სწავლების სისტემის შეცვლა, სასწავლებლად საუკეთესო განათლებული ძალების მოწვევა და სხვ. მსმენელები უმთავრესად მუშები იქნებიან.
1920
ტიპი: ავტორობა
1920 წლის 15 ივლისის „ერთობაში“ დაიბეჭდა დეკანოზ იროდიონ ოქროპირიძის წერილი, რომელშიც იგი ოსების ტყვეობიდან დაბრუნებული ოფიცრების, გვარდიელების, მილიციელების და სხვ. (354 კაცის) სახელით მადლობას უხდის ვლადიკავკაზში მცხოვრებ ქართველობას და მათ ეროვნულ საბჭოს, რომელიც დაეხმარა ტყვეობიდან გათავისუფლებაში, მათ შორის, საბჭოს თავმჯდომარეს, კონსულის მოადგილე მღვდელ გიორგი ნათაძეს, მარიამ ოქროპირიძე-ცაბოლოვისას, არდონის მღვდელ ნიკოლოზ იტონიევს, ალაგირში მცხოვრებ გაბო კოჩოევს, საქართველოს მთავრობას და მის გამოგზავნილ პოლკოვნიკ ავქსენტი აბესაძეს.
1920
ტიპი: ღონისძიება
1920 წლის 15 ივლისს ახალსენაკში შეხვდნენ ფრონტიდან დაბრუნებულ გვარდიელებს. მათ მიმართა შტაბის თავმჯდომარე ევტროფი გოგავამ, ერობის სახელით – პ. ქავთარაძემ და ქალაქის თვითმართველობის სახელით – გ. ჯაკობიამ. შემდეგ მოინახულეს აზერბაიჯანის ფრონტზე დაცემული პლ. ხუბუტიას, ქოჩო გუგუშვილისა და ვალიკო გოგოლაშვილის საფლავები. სიტყვა წარმოთქვა ახალგაზრდა გვარდიელმა აკაკი კალანდარიშვილმა.
1920
ტიპი: პირადი ინფორმაცია
1920 წლის 15 ივლისს ლადო მესხიშვილი არტისტული საზოგადოების თეატრში პირველად მონაწილეობდა წარმოდგენაში „ინსტინქტი“.
1920
ტიპი: ღონისძიება
„ერთობა“ იუწყება, რომ 1920 წლის 15 ივლისს მეორე ქართულ კლუბში (პლეხანოვის პროსპ.) გაიმართებოდა საღამო გალაკტიონ ტაბიძის, ვ. რუხაძის, გ. ქუჩიშვილის, დუტუ მეგრელის, რობაქიძის, თაგუნას და სხვ. მონაწილეობით.
1920
ტიპი: ღონისძიება
1920 წლის 16 ივლისს დეპუტატი აკაკი ჩხენკელი გაემგზავრა ჭიათურაში, სადაც 17-ში უნდა წაეკითხა საჯარო მოხსენება, მეორე დღეს კი მოხსენებით გამოსულიყო ზესტაფონსა და ქუთაისში.
1920
ტიპი: ღონისძიება
დამფუძნებელი კრების 1920 წლის 16 ივლისის სხდომაზე, რომლის თავმჯდომარე იყო ალექსანდრე ლომთათიძე, ივანე გომართელის წინადადებით მიიღეს მადნეულობის სახელმწიფო საკუთრებად გამოცხადების კანონის საბოლოო ტექსტი.