ქშწკგს პროსოპოგრაფია

ფაქტები

რეგისტრირებული ფაქტები46338

1920

ტიპი: ღონისძიება

1920 წლის 24 იანვარს სრულიად საქართველოს მეცხვარე-მესაქონლეთა წარმომადგენელთა ყრილობამ მწარმოებელი კოოპერატივების საგამსაღებლო კავშირის თავმჯდომარე ივანე გიორგის ძე ციციშვილის მოხსენებების დებულებები მიიღო.

1920

ტიპი: ღონისძიება

1920 წლის 24 იანვრის გაზეთ „საქართველოს“ ცნობით, იუსტიციის მინისტრ რაჟდენ არსენიძეს საველე სასამართლომ შეატყობინა, რომ გიორგი გუჯეჯიანის საქმე გადაეცა სახალხო გვარდიის გორის რაზმის უფროს პოლკოვნიკ გოგი ხიმშიაშვილს.

1920

ტიპი: ღონისძიება

1920 წლის 24 იანვრის გაზეთ „საქართველოს“ ცნობით, იუსტიციის სამინისტრომ გამოითხოვა ეროვნულ-დემოკრატიული პარტიის ჭიათურის რაიონის თავმჯდომარის, გიორგი გუჯეჯიანის საქმე, რომელსაც ადგილობრივმა საველე სასამართლომ კატორღა მიუსაჯა.

1920

ტიპი: ავტორობა

1920 წლის 24 იანვრის გაზეთ „საქართველოს“ ცნობით, საქართველოს საგარეო საქმეთა მინისტრმა ევგენი გეგჭკორმა საქართველოს დამოუკიდებლობის ცნობის მისალოცი დეპეშა მიიღო თერგის ოლქში საქართველოს კონსულ ზურაბ მაჩაბლისგან.

1920

ტიპი: ავტორობა

1920 წლის 24 იანვრის გაზეთ „საქართველოს“ ცნობით, საქართველოს მთავრობის თავმჯდომარე ნოე ჟორდანიამ მიიღო საქართველოს დამოუკიდებლობის ცნობის მისალოცი დეპეშა რომიდან, იტალიაში საქართველოს მისიისგან.

1920

ტიპი: ღონისძიება

1920 წლის 24 იანვრის გაზეთ „საქართველოს“ ცნობით, ამერიკის ყოფილი კონსული დულიტლი გამოეთხოვა საქართველოს საგარეო საქმეთა მინისტრ ევგენი გეგეჭკორს და საქართველოს წარმატება უსურვა.

1920

ტიპი: ღონისძიება

1920 წლის 24 იანვრის გაზეთ „საქართველოს“ ცნობით, საქართველოს საგარეო საქმეთა მინისტრ ევგენი გეგეჭკორს ამერიკის ახლად დანიშნული კონსული ჩარლზ მოზერი ყოფილმა კონსულმა დულიტლმა წარუდგინა.

1920

ტიპი: ღონისძიება

1920 წლის 24 იანვრის გაზეთ „საქართველოს“ ცნობით, იუსტიციის მინისტრ რაჟდენ არსენიძის თავმჯდომარეობით გაიმართა საგანგებო თათბირი, რომელზეც გაირკვა, რომ ახალციხე-ახალქალაქის მაზრას და სოხუმის ოლქს ესაჭიროებოდა 6 სასამართლოს გამომძიებელი. აღნიშნულ თანამდებობის პირებს დაენიშნებოდათ ხელფასი 5000 მანეთზე ზემოთ. მსურველებს განცხადების შეტანა შეეძლოთ იუსტიციის სამინისტროში.

1920

ტიპი: ღონისძიება

1920 წლის 24 იანვრის გაზეთ „საქართველოს“ ცნობით, იუსტიციის მინისტრ რაჟდენ არსენიძის თავმჯდომარეობით გაიმართა საგანგებო თათბირი, რომელზეც გაირკვა, რომ ახალციხე-ახალქალაქის და რაჭა-ლეჩხუმის მაზრებს ესაჭიროებოდათ 14 მომრიგებელი მოსამართლე. აღნიშნულ თანამდებობის პირებს დაენიშნებოდათ ხელფასი 5000 მანეთზე ზემოთ. მსურველებს განცხადების შეტანა შეეძლოთ იუსტიციის სამინისტროში.

1920

ტიპი: ღონისძიება

1920 წლის 24 იანვარს დაიხურა სრულიად საქართველოს მეცხვარე-მესაქონლეთა წარმომადგენლების ყრილობა, დახურვის წინ ყრილობამ აირჩია საბჭო, რომლის შემადგენლობაში შედიოდნენ: შაქრო ბეგიაშვილი, შალვა ალექსანდრეს ძე ქარუმიძე, ივანე გიორგის ძე ციციშვილი, ალექსანდრე კუჩენბახი, ალექსანდრე ნიკოლოზის ძე ჯავახიშვილი, ვ. ათანაშვილი, ალექსანდრე აბაშიძე, გ. ედიშერიძე, ვ. ბაკურაძე, გ. ქუმსიშვილი (კარატიელ?), ლ. ლიქოკელი, კ. სვიმონიშვილი, ტამელინი, გაბრიელ დიმიტრის ძე ცისკარაშვილი, ალექსანდრე აბრამის ძე მაჩაბლიშვილი, მოლა-ყარა-მუსა-ოღლი, ავარამაზ მემედ ალიოზ-ოღლი, შ. ღვინიაშვილი, ჰაჯი-ყერამინ-აჯი ვალი ოღლი.

1920

ტიპი: ღონისძიება

1920 წლის 24 იანვრის გაზეთ „საქართველოს“ ცნობით, ილია ჭავჭავაძის სახლი, რომელიც ქართველთა შორის წერა-კითხვის გამავრცელებელი საზოგადოების (თავმჯდომარე დავით კარიჭაშვილი) გამგებლობაში იმყოფებოდა, საზოგადოებამ დააზღვია 30 000 მანეთად.

1920

ტიპი: ღონისძიება

1920 წლის 24 იანვარს სოფელ ენისელში მასწავლებელ ლევან ხოსროშვილს თავს დაესხნენ ყაჩაღები.

1920

ტიპი: ავტორობა

1920 წლის 24 იანვარს სრულიად საქართველოს მეცხვარე-მესაქონლეთა წარმომადგენელთა ყრილობაზე მწარმოებელ კოოპერატივთა საგამსაღებლო კავშირის თავმჯდომარე ივანე ციციშვილმა წაიკითხა მოხსენება დარგის ამხანაგობებისა და კოოპერაციების დაარსების შესახებ.

1920

ტიპი: ავტორობა

1920 წლის 24 იანვარს საქართველოს მეცხვარე-მესაქონლეთა ყრილობაზე მწარმოებელ კოოპერატივთა საგამსაღებლო კავშირის თავმჯდომარე ივანე ციციშვილმა აღნიშნა, რომ საჭირო იყო მეცხვარე-მესაქონლეთა სარაიონო ამხანაგობების დაარსება.

1920

ტიპი: გარდაცვალება

1920 წელს ცნობილი საზოგადო მოღვაწე გიორგი მიხეილის ძე თუმანიშვილი გარდაიცვალა.

1920

ტიპი: ღონისძიება

1920 წლის 25 იანვარს თბილისში, სასოფლო-სამეურნეო საზოგადოების დარბაზში, გაიხსნა საქართველოს აგრონომიული დახმარების მოღვაწეთა ყრილობა სიმონ ავალიანის თავმჯდომარეობით.

1920

ტიპი: ღონისძიება

1920 წლის 25 იანვარს ქართველთა შორის წერა-კითხვის გამავრცელებელი საზოგადოების ხაშურის განყოფილებიდან ვასილ ამბაკოს ძე ზაქარეიშვილმა მთავარგამგეობას შეატყობინა, რომ რევოლუციის შემდეგ განყოფილების სამკითხველო სრულიად უმოქმედოდ იყო, რის გამოც მან გადაწყვიტა მისი შენახვა ადგილობრივი თვითმმართველობისთვის ეთხოვა.

1920

ტიპი: ავტორობა

1920 წლის 25 იანვარს ოლივერ უორდროპმა მეუღლეს მარგარეტ კოლეტს ბაქოდან მისწერა, რომ თავს კარგად გრძნობდა, მიუხედავად ქალაქში გავრცელებული ავადმყოფობისა.

1920

ტიპი: ავტორობა

1920 წლის 25 იანვარს ოლივერ უორდროპმა მეუღლეს მარგარეტ კოლეტს მისწერა, რომ შესაძლო იყო ბაქოში 26 იანვარს სომხების მიერ გამართულ წვეულებას დასწრებოდა.

1920

ტიპი: ავტორობა

1920 წლის 25 იანვარს ოლივერ უორდროპმა მეუღლეს მარგარეტ კოლეტს ბაქოდან მისწერა, რომ საღამოს ცხრა საათზე კიდევ ერთი ბანკეტი იმართებოდა აზერბაიჯანის მთავრობის ორგანიზებით და იმედოვნებდა, იქიდან, პირველი საათისთვის შეძლებდა წამოსვლას და მატარებლით თბილისში გამომგზავრებას.

1920

ტიპი: ავტორობა

1920 წლის 25 იანვარს ოლივერ უორდროპმა მეუღლეს მარგარეტ კოლეტს ბაქოდან მისწერა, რომ პოლიტიკურად კრიტიკული პერიოდი იდგა, ბევრი რამ უახლოეს დღეებში განვითარებულ მოვლენებზე იყო დამოკიდებული.

1920

ტიპი: ღონისძიება

1920 წლის 25 იანვარს ოლივერ უორდროპმა მეუღლეს მარგარეტ კოლეტს მისწერა, რომ ბაქოში ვიზიტისას გამართულ ბანკეტზე მევიოლინე ბრეტანიცკის შესრულება, ბეთჰოვენის სონატის ჩათვლით, საუკეთესო იყო ყველა იმ შესრულებას შორის, რაც კი ოდესმე მოუსმენია.

1920

ტიპი: ავტორობა

1920 წლის 25 იანვარს ოლივერ უორდროპმა მეუღლეს მარგარეტ კოლეტს მისწერა, რომ ბაქოში ვიზიტისას გამართულ ბანკეტს 25 ადამიანი დაესწრო. ბევრი სიტყვა წარმოითქვა – რამდენიმე ძალიან საქებარიც.

1920

ტიპი: ავტორობა

1920 წლის 25 იანვარს ოლივერ უორდროპმა მეუღლეს მარგარეტ კოლეტს მისწერა, რომ ბაქოში ვიზიტისას გამართულ ბანკეტზე მყოფი ოთხი ქალბატონიდან სამი ქართველი იყო. ერთ-ერთი კი – მისი მასპინძლის დოქტორ გრიგოლ ალშიბაიას მეუღლე.

1920

ტიპი: ავტორობა

1920 წლის 25 იანვრის გაზეთ „საქართველოს“ ცნობით, ყოველთვიურ ჟურნალ „შვილდოსანში“ დაიბეჭდა გრიგოლ რობაქიძის „ფრანგ პოეტს“, პაოლო იაშვილის „ალი არსენიშვილს“, ვალერიან გაფრინდაშვილის „საფერფლე“, ტიციან ტაბიძის „ღვდელი და მალარია“, „დაისიული სებასტიანე“, კოლაუ ნადირაძის „საქორწინო მოგზაურობა მთვარესთან“, „ქართული პოეზია“, რაჟდენ გვეტაძის „ყვავები სასაფლაოზე“, შალვა აფხაიძის მინიატურა და „ლიტერატურული პროფილები“, დია ჩიანელის მინიატურა.