1928

ტიპი: ღონისძიება

1928 წლის 24 მაისს აკაკი ჩხენკელი უგზავნის მილოცვის წერილს ჩილეს საგანგებო და სრულუფლებიან ელჩს არტურო ალემპარტეს საფრანგეთის რესპუბლიკის პრეზიდენტისათვის რწმუნებათა სიგელების გადაცემასთან დაკავშირებით.

1928

ტიპი: ღონისძიება

1928 წლის 15 სექტემბერს საქართველოს მინისტრი აკაკი ჩხენკელი და მისი მეუღლე მადლობას უხდიან ჩილეს მინისტრსა და მის მეუღლეს 18 სექტემბერს ეროვნული დღესასწაულისადმი მიძღვნილ ზეიმზე მოწვევისათვის. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.

1928

ტიპი: ღონისძიება

1928 წლის 1-ელ ოქტომბერს საქართველოს მინისტრი აკაკი ჩხენკელი მადლობას უხდის კანადის მინისტრსა და მის მეუღლეს 2 ოქტომბერს მაკენზი კინგის პატივსაცემად გამართულ ღონისძიებაზე მიწვევისათვის. აკაკი ჩხენკელი ადასტურებს დასწრებას.

1928

ტიპი: ღონისძიება

1928 წლის 10 ოქტომბერს საქართველოს მინისტრი აკაკი ჩხენკელი ულოცავს კანადის ელჩ ფილიპე როის მეფე ჯორჯ მეხუთის მიერ დადასტურებული რწმუნებათა სიგელების გადაცემას საფრანგეთის რესპუბლიკის პრეზიდენტისათვის და გამოთქვამს ოფიციალური თანამშრომლობის სურვილს.

1928

ტიპი: ღონისძიება

1928 წლის 11 დეკემბერს საქართველოს მინისტრი აკაკი ჩხენკელი ულოცავს ავღანეთის ელჩს ჰაბიბულა ტარზის ავღანეთის მეფის მიერ დადასტურებული რწმუნებათა სიგელის გადაცემას საფრანგეთის რესპუბლიკის პრეზიდენტისათვის და გამოთქვამს ოფიციალური თანამშრომლობის სურვილს.

1928

ტიპი: ღონისძიება

1928 წლის 26 დეკემბერს საქართველოს მინისტრი აკაკი ჩხენკელი და მისი მეუღლე მადლობის ბარათს უგზავნიან ჰაიტის მინისტრსა და ა. ნემურს ჰაიტის ეროვნული დღისადმი მიძღვნილ საღამოზე მიწვევისთვის, რომელიც გაიმართება 1929 წლის 1-ლ იანვარს. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.

1928

ტიპი: ღონისძიება

1928 წლის 26 დეკემბერს საქართველოს მინისტრი აკაკი ჩხენკელი ულოცავს უნგრეთის ელჩს ფრედერიკ ვილანს საფრანგეთის რესპუბლიკის პრეზიდენტისათვის რწმუნებათა სიგელის გადაცემას და გამოთქვამს ოფიციალური ურთიერთობების დამყარების სურვილს.

1929

ტიპი: ღონისძიება

1929 წლის 9 თებერვალს საქართველოს მინისტრი აკაკი ჩხენკელი ულოცავს დომინიკანის რესპუბლიკის ელჩ ლ. ვასკესს საფრანგეთის რესპუბლიკის პრეზიდენტისათვის რწმუნებათა სიგელის გადაცემას და გამოთქვამს ოფიციალური ურთიერთობების დამყარების სურვილს.

1929

ტიპი: ღონისძიება

1929 წლის 9 თებერვალს საქართველოს მინისტრი აკაკი ჩხენკელი და მისი მეუღლე უგზავნიან მადლობის ბარათს დეპუტატთა საბჭოს თავმჯდომარეს და მის მეუღლეს საპრეზიდენტო სასტუმროში სადილზე მიწვევისთვის, რომელიც გაიმართება 27 თებერვალს. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.

1952

ტიპი: ავტორობა

1952 წლის 15 მაისს შალვა მაღლაკელიძემ გაიოზ მაღლაკელიძეს მისწერა, რომ დავით ვაჩნაძის კომიტეტი დაიშალა, მისი წევრები კი ერთმანეთთან დავასა და კამათში იყვნენ. შეატყობინა, რომ ვაჩნაძე ბავარიაში ისვენებდა.

1952

ტიპი: ავტორობა

1952 წლის 15 მაისს ევგენი გეგეჭკორმა შალვა მაღლაკელიძეს მისწერა, რომ მათ საქმიანობას ევროპაში კარგი მომავალი ექნებოდა.

1918

ტიპი: თანამდებობა

1918 წლის პირველი ნოემბრიდან ალექსანდრე ბოგოიავლენსკი თბილისის ქალთა მესამე გიმნაზიის ლათინური ენის მასწავლებლად დაინიშნა. ხელს აწერს გიორგი გრიგოლის ძე ნათაძე.

1918

ტიპი: თანამდებობა

1918 წლის 10 სექტემბრიდან თბილისის ქალთა მესამე გიმნაზიის დირექტორი ალექსანდრე ბოგოიავლენსკი იმავე გიმნაზიის შტატის მასწავლებლად დაინიშნა.

1918

ტიპი: ღონისძიება

1918 წლის 5 სექტემბრის თარიღით, სახალხო განათლების სამინისტრომ თბილისის ქალთა მესამე გიმნაზიის დირექტორს ნება დართო ალექსანდრე ბოგოიავლენსკისთვის, სიდედრის დასაკრძალად, გიმნაზიის სპეციალური თანხიდან ფულადი დახმარება გამოეწერათ.

1918

ტიპი: თანამდებობა

1918 წლის პირველი იანვრიდან ოლღა ბოდისკო დაინიშნა თბილისის ქალთა მეორე გიმნაზიის გერმანული ენის მასწავლებლად. ხელს აწერს გიორგი გრიგოლის ძე ნათაძე.

ტიპი: ღონისძიება

ანდრია ბოროზნინი, თბილისის ვაჟთა მესამე გიმნაზიის მუსიკის მასწავლებელი, ოპერაციისთვის ფულად დახმარებას ითხოვდა. განათლების სამინისტრომ იმავე გიმნაზიის დირექტორს ნება დართო გიმნაზიის სპეციალური თანხიდან მისთვის სამკურნალოდ 300 მანეთი მიეცათ.

1952

ტიპი: ავტორობა

1952 წლის 15 მაისს შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ დემეტრაშვილმა თავის „რუსულ ფურცელში“ იმ ბრალდებების შინაარსი ახსნა, რომლებიც ალშიბაიას გერმანელებმა წაუყენეს.

1952

ტიპი: ავტორობა

1952 წლის 15 მაისს შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ მღვდლისა და გრიგოლ ალშიბაიას სასამართლო პროცესისთვის 19 მაისს მოწმეებს დამატებით დაკითხავდნენ.

1918

ტიპი: პირადი ინფორმაცია

რაჟდენ ქრისტეფორეს ძე აბულაძის ნამსახურებით სიაში წერია, რომ ის, სამტრედიის უმაღლესი დაწყებითი რკინიგზის სასწავლებლის პედაგოგი, დაიბადა 1883 წლის 3 აპრილს. 23 აპრილს მონათლეს მართლმადიდებლურად. წლიური ჯამაგირი წლიური დამატებების გარეშე შეადგენს 3 060 მანეთს.

1919

ტიპი: პირადი ინფორმაცია

რაჟდენ ქრისტეფორეს ძე აბულაძის ნამსახურებითი სიის მიხედვით, იგი სასულიერო წოდების იყო. მის მშობლებს ჰქონდათ ქონება, თავად კი არაფერი შეუძენია. არ იყო დაოჯახებული და არც მამაპაპისეული ქონება ჰქონდა. ნამსახურებითი სიის პირის ორიგინალიდან სისწორით გადმოწერას 1919 წლის 15 იანვარს ხელმოწერით ადასტურებს ქუთაისის 1-ლი რაიონის სახალხო სკოლების მეთვალყურე.

1905

ტიპი: განათლება

ნამსახურეობის სიის მიხედვით, რაჟდენ ქრისტეფორეს ძე აბულაძემ 1905 წლის 27 აპრილს დაასრულა თბილისის სასულიერო სემინარია ოთხი საზოგადო განათლების კურსით და მიიღო N197 მოწმობა.

1905

ტიპი: თანამდებობა

რაჟდენ ქრისტეფორეს ძე აბულაძის ნამსახურებითი სიის მიხედვით, იგი 1905 წლის 26 სექტემბერს იმერეთის საეპარქიო სამოსწავლო საბჭოს დადგენილებით დაინიშნა სამტრედიის სამრევლო სკოლის მასწავლებლად. ნამსახურებითი სიის პირის ორიგინალიდან სწორად გადმოწერას 1919 წლის 15 იანვარს ხელმოწერით ადასტურებს ქუთაისის 1-ლი რაიონის სახალხო სკოლების მეთვალყურე.

1905

ტიპი: თანამდებობა

რაჟდენ ქრისტეფორეს ძე აბულაძის ნამსახურებით სიაში წერია, რომ 1905 წლის 24 ოქტომბერს საეპარქიო სამოსწავლო საბჭოს დადგენილებით, გადაიყვანეს სოფ. ივანდიდის სამრევლო სკოლის მასწავლებლად. ნამსახურებითი სიის პირის ნამდვილისაგან სისწორით გადმოწერას 1919 წლის 15 იანვარს ამოწმებს ქუთ. ვუმ. 1-ლი რაიონის სახალხო სკოლების მეთვალყურე.

1906

ტიპი: თანამდებობა

რაჟდენ ქრისტეფორეს ძე აბულაძის ნამსახურებითი სიის მიხედვით, იგი 1906 წლის 8 თებერვალს საეპარქიო სამოსწავლო საბჭოს დადგენილებით დაინიშნა სამტრედიის (ვულაშის) სამრევლო სკოლის მასწავლებლად. ნამსახურებითი სიის პირის ორიგინალიდან სწორად გადმოწერას 1919 წლის 15 იანვარს ხელმოწერით ადასტურებს ქუთაისის გუბერნიის 1-ლი რაიონის სახალხო სკოლების მეთვალყურე.

1907

ტიპი: თანამდებობა

რაჟდენ ქრისტეფორეს ძე აბულაძის ნამსახურებითი სიის მიხედვით, იგი 1907 წლის 27 სექტემბერს ქუთაისის გუბერნიის სახალხო სკოლების დირექტორის განკარგულებით, დაინიშნა დაბა სამტრედიის საზოგადო სამინისტროს ორკლასიანი სასწავლებლის მასწავლებლად. ნამსახურებითი სიის პირის ორიგინალიდან სწორად გადმოწერას 1919 წლის 15 იანვარს ხელმოწერით ადასტურებს ქუთაისის გუბერნიის 1-ლი რაიონის სახალხო სკოლების მეთვალყურე.