რეგისტრირებული ფაქტები48034
სორტირება თარიღი მზარდობით
1920
ტიპი: პირადი ურთიერთობა
1920 წლის 14 თებერვლის გაზეთ „საქართველოს“ ცნობით, ირაკლი სვიმონის ძე ბარათაშვილი სვიმონ როსტომის ძე და მინადორა ანტონის ასულ ბარათაშვილების შვილი იყო.
1920
ტიპი: პირადი ურთიერთობა
1920 წლის 14 თებერვლის გაზეთ „საქართველოს“ ცნობით, სონია ლორთქიფანიძე არჩილ როსტომის ძე ბარათაშვილის დისწული იყო.
1920
ტიპი: პირადი ურთიერთობა
1920 წლის 14 თებერვლის გაზეთ „საქართველოს“ ცნობით, აქვსენტი გიორგის ძე ლორთქიფანიძე არჩილ როსტომის ძე ბარათაშვილის დისწული იყო.
1920
ტიპი: პირადი ურთიერთობა
1920 წლის 14 თებერვლის გაზეთ „საქართველოს“ ცნობით, მარიამ რაჟდენის ასული ბარათაშვილისა პეტრე სიმონის ძე ბარათაშვილის მეუღლე იყო.
1920
ტიპი: პირადი ურთიერთობა
1920 წლის 14 თებერვლის გაზეთ „საქართველოს“ ცნობით, ლევან გიორგის ძე ასათიანი შუშანა ასათიანის ძმა იყო.
1920
ტიპი: პირადი ურთიერთობა
1920 წლის 14 თებერვლის გაზეთ „საქართველოს“ ცნობით, გიორგი და ლავრენტი გიორგის ძე ასათიანები შუშანა ასათიანის ძმები იყვნენ.
1920
ტიპი: პირადი ურთიერთობა
1920 წლის 14 თებერვლის გაზეთ „საქართველოს“ ცნობით, დეკანოზი გიორგი ოქროპირის ძე ასათიანი შუშანა ასათიანის მამა იყო.
1920
ტიპი: ღონისძიება
1920 წლის 15 თებერვალს ნოე ჟორდანიამ მიიღო დეპეშა აზერბაიჯანის სამხრეთ-დასავლეთ ნაწილში მცხოვრები თათრებისგან, რომლებიც სომეხთა თავდასხმების გამო ჩიოდნენ და მთავრობის თავმჯდომარეს საზღვრებზე სომხების თავდასხმების აღსაკვეთად ზომების მიღებას სთხოვდნენ.
1920
ტიპი: ღონისძიება
1920 წელს მეღვინე-მევენახეთა კონგრესის წევრი ვასილ ილიას ძე რცხილაძე წერდა, რომ კონგრესმა იმსჯელა და ჩამოაყალიბა დარგის საჭიროებანი.
1920
ტიპი: ავტორობა
1920 წლის 15 თებერვლის ჟურნალ „ვაზი და ღვინოში“ გ. ა. წინამძღვრიშვილი წერს, რომ ვაზის მოსაწამლი საშუალებები, რომელიც მხოლოდ უცხოეთიდან (ინგლისი, საფრანგეთი, იტალია) შემოდიოდა, ძალიან გაძვირდა. ომის გამო დაიკეტა სტამბოლის გზა და თითქმის შეუძლებელი გახდა მათი უცხოეთიდან მიღება, ამიტომ დამზადება დაიწყეს შინაურ (რუსეთის) ბაზარზე, რაც ხშირად უვარგისი მასალა იყო, თანაც ძალიან ძვირი. ამის გამო ვენახები შეუწამლავი რჩებოდა და ქართველ მევენახეებს დიდ ზარალს აყენებდა.
1920
ტიპი: ღონისძიება
1919 წლის დეკემბრის ბოლოს მთავრობამ უცხოეთში გასატან ღვინოზე დიდი გადასახადი დააწესა. მეღვინე-მევენახეთა ყრილობის საბჭომ იოსებ ზაქარიას ძე ანდრონიკაშვილის, ი. დ. ფორაქაშვილის, გ. ა. ყიფიანის, ვასილ ილიას რცხილაძის, ლ. ა. გოგნიაშვილის და სოლომონ ჩოლოყაშვილის შემადგენლობით იშუამდგომლეს ფინანსთა მინისტრ კონსტანტინე კანდელაკთან. მინისტრმა მთავრობას წარუდგინა მოხსენება საბაჟო გადასახადის მოხსნის თაობაზე.
1920
ტიპი: ღონისძიება
1920 წლის დასაწყისში საქართველოს მეღვინეთა და მევენახეთა ყრილობების საბჭომ მთავრობას თხოვნით მიმართა, რომ მევენახეებისთვის ისევ ძველ ფასში მიეყიდათ გოგირდი და შაბიამანი. მთავრობის თავმჯდომარე საბჭოს შეჰპირდა, რომ შესაბამის ზომებს მიიღებდა.
1920
ტიპი: ღონისძიება
1920 წლის 15 თებერვალს სასოფლო-სამეურნეო საზოგადოების შენობაში საქართველოს მეთამბაქოეთა პირველი ყრილობის პირველი სხდომა გაიმართა. სხდომა საორგანიზაციო კომიტეტის თავმჯდომარე ტიტე მარგველაშვილმა გახსნა. ყრილობამ აირჩია პრეზიდიუმის წევრები: გიორგი ჟურული, სოლომონ ჩოლოყაშვილი, კონსტანტინე ბერეკაშვილი და სეილანოვი. მეორე სხდომა 10 თებერვალს, საბჭოს დარბაზში გაიმართა, მაგრამ დამსწრეთა სიმცირის გამო 22 თებერვლის 10 საათისთვის გადაიდო.
1920
ტიპი: ღონისძიება
1920 წლის 15 თებერვალს ქართველთა შორის წერა-კითხვის გამავრცელებლი საზოგადოების ბუღალტერმა ვასილ ედილაშვილმა და საწყობის გამგე ლავრენტი სანოძემ აღწერეს ქაღალდების საწყობი, სადაც აღმოჩნდა: 40 კიპი ორფურცლიანი ქაღალდი, 13 კიპი და 4 ოზმა ორფურცლიანი, 13 კიპი ფერადი ქაღალდი წიგნების ყდისათვის, 4 კიპი სახვევი ქაღალდი რვეულებისთვის, 1 კიპი ფერადი ქაღალდი, ორფურცლიანი სქელი ქაღალდი, ოთხფურცლიანი ქაღალდი, საბეჭდი ქარალდი, სურათების ქაღალდი, ფერადი ქაღალდი, უვარგისი დაჭმუჭნული ქაღალდი და სულუხიასგან ნაყიდი ოთხფურცლიანი.
1920
ტიპი: ღონისძიება
1920 წლის 15 თებერვალს თბილისის სახელმწიფო თეატრში დავით კლდიაშვილის საიუბილეო საღამო გაიმართებოდა.
1920
ტიპი: ღონისძიება
1920 წლის 15 თებერვალს გამართულ დავით კლდიაშვილის საიუბილეო დღისთვის გამოვიდოდა საიუბილეო წიგნი, რომელშიც ავტობიოგრაფიასთან ერთად თავმოყრილი იქნებოდა წერილები მის შესახებ.
1920
ტიპი: ღონისძიება
1920 წლის 15 თებერვალს თბილისის სახელმწიფო თეატრში ქართველ მწერალთა კავშირის თაოსნობით გამართულ დავით კლდიაშვილის 30 წლის იუბილეზე დაიდგმებოდა მისი ერთმოქმედებიანი პიესა „უბედური“.
1920
ტიპი: ღონისძიება
1920 წლის 15 თებერვალს თბილისის სახელმწიფო თეატრში ქართველ მწერალთა კავშირის თაოსნობით გამართულ დავით კლდიაშვილის 30 წლის იუბილეზე ივანე გომართელი წაიკითხავდა მოხსენებას იუბილარის შემოქმედების შესახებ.
1920
ტიპი: ღონისძიება
1920 წლის 16 თებერვალს, 19 საათზე, ოლივერ უორდროპმა მეუღლეს მისწერა, რომ რობერტ ბლეიკმა მას ქერჩში მყოფი მეგობრების, ბოლშევიკების მიერ ჩადენილი მკვლელობებისა და სხვა ამბების შესახებ უამბო.
1920
ტიპი: ღონისძიება
1920 წლის 16 თებერვალს ოლოვერ უორდროპმა მეუღლეს მისწერა, რომ თბილისში 140 000 ადამიანზე გათვლილი სტადიონი შენდებოდა, რომელსაც იმ დროისთვის მსოფლიოში ანალოგი არ მოეპოვებოდა.
1920
ტიპი: თანამდებობა
1920 წლის 17 თებერვალს საქართველოს დემოკრატიული რესპუბლიკის სახალხო განათლების მინისტრის მოადგილე ნოე ცინცაძემ N33 ბრძანების თანახმად, გორის ვაჟთა გიმნაზიაში ბუნებისმეტყველების შტატის მასწავლებლად დანიშნა გიორგი დავითის ძე აბულაძე 1920 წლის 1-ლი სექტემბრიდან. ბრძანებას ხელს აწერს განათლების მინისტრის მოადგილე ნოე ცინცაძე, დედანთან სისწორეს ხელმოწერით ადასტურებს საქმის მწარმოებელი ი. ეპიტაშვილი.
1920
ტიპი: ღონისძიება
1920 წლის 17 თებერვალს ფოთის ვაჟთა გიმნაზიის დირექტორმა განათლების სამინისტროში უმაღლესი და საშუალო სასწავლებლების მთავარგამგეს კლავდია კონსტანტინეს ასული ხორონენკო-ალექსეევის ფოთის ვაჟთა გიმნაზიაში დანიშვნის შესახებ 1920 წლის 16 იანვრის N460 მინაწერის პასუხად მისწერა, რომ კლავდია ხორონენკო-ალექსეევის დროებით მოწმობას სამინისტროში წარუდგენდა. ხელს აწერენ გიმნაზიის დირექტორი და საქმისმწარმოებელი ა. დობორჯგინიძე.